ಕೋಪವು ನಿಮ್ಮ ಬಾಯಿಗೆ ಮೆದುಳಿಗಿಂತ ವೇಗವಾಗಿ ಕೆಲಸ ಮಾಡಲು ಸಹಕರಿಸುತ್ತದೆ.

ನ್ಯಾಯಾಧೀಶರು (ಹತಾಶರಾಗಿ): ನ್ಯಾಯವಾದಿಗಳೆ, ಇಲ್ಲಿ ಕುಳಿತವರು ಮೂರ್ಖರೆಂದು ಭಾವಿಸಿದ್ದೀರಾ?
ನ್ಯಾಯವಾದಿಗಳು (ಯಾವುದೇ ಭಾವನೆಯನ್ನು ತೋರಗೊಡದೆ): ಮಹಾಸ್ವಾಮಿಗಳು ನನ್ನನ್ನು ಕಷ್ಟದಲ್ಲಿ ಸಿಲುಕಿಸಿ ಬಿಟ್ಟಿರಿ. ನಾನು ಹೌದೆಂದು ನುಡಿದರೆ ಅದು ನ್ಯಾಯಾಲಯದ ನಿಂದನೆಯಾಗುವುದು. ಇಲ್ಲವೆಂದಲ್ಲಿ ಅದು ಸುಳ್ಳು ನುಡಿದಂತಾಗುವುದು.

ಗಂಡ: ಇಲ್ಲಿ ಕೇಳೇ. ಈ ವರದಿ ಪ್ರಕಾರ ಹೆಂಗಸರು ದಿನಕ್ಕೆ ಸರಾಸರಿ 30000 ಶಬ್ದಗಳಷ್ಟು ಮಾತನಾಡಿದರೆ ಗಂಡಸರು ಅದರ ಅರ್ಧದಷ್ಟು ಅಂದರೆ ದಿನಕ್ಕೆ ಬರೀ 15000 ಶಬ್ದಗಳನ್ನು ಮಾತನಾಡುತ್ತಾರೆ.
ಹೆಂಡತಿ: ಯಾಕೆಂದರೆ ನಾವು ನಿಮಗೆ ಎಲ್ಲವನ್ನು ಎರಡೆರಡು ಬಾರಿ ಹೇಳಬೇಕಾಗುತ್ತೆ.
ಗಂಡ: ಏನಂದೆ?

ನನಗೆ ಎರಡು ಸಂದರ್ಭಗಳಲ್ಲಿ ಬೇಜಾರಾಗುತ್ತದೆ. ಒಮ್ಮೆ ನನಗೆ ಬೇಕಾದದ್ದು ನನಗೆ ಸಿಗದಿದ್ದಾಗ. ಇನ್ನೊಮ್ಮೆ ನನಗೆ ಬೇಕಾದದ್ದು ಇನ್ನೊಬ್ಬರಿಗೆ ಸಿಕ್ಕಾಗ.

ಎಲ್ಲರೂ ತಮ್ಮ ತಪ್ಪುಗಳಿಗೆ ಅನುಭವ ಎಂದು ಕರೆಯುತ್ತಾರೆ.