ಪ್ರಾಮಾಣಿಕವಲ್ಲದ ಸನ್ನಡತೆಗಳು ಜೀವವಿಲ್ಲದ ಸುಂದರ ಸ್ತ್ರೀಯಂತೆ. ಸಭ್ಯತೆಯಿಲ್ಲದ ನಿಷ್ಕಾಪಟ್ಯ ಶಸ್ತ್ರವೈದ್ಯನ ಚಾಕು ಇದ್ದಂತೆ, ಪರಿಣಾಮಕಾರಿಯಾಗಿದ್ದರೂ ಅಪ್ರಿಯವಾಗುತ್ತದೆ. ನಿಷ್ಕಪಟತೆ ಸೌಜನ್ಯದೊಡನೆ ಬೆರೆತರೆ ಸಹಾಯಕವೂ ಶ್ಲಾಘನೀಯವೂ ಆಗುತ್ತದೆ.

ಭೂಮಿಯ ಮೇಲಿನ ಪ್ರತಿಯೊಂದು ವಸ್ತುವೂ ಸಕ್ಕರೆ ಮರಳುಗಳ ಮಿಶ್ರಣವೇ. ಬುದ್ದಿಶಾಲಿಯಾದ ಇರುವೆಯಂತೆ ಸಕ್ಕರೆಯನ್ನು ಮಾತ್ರ ಗ್ರಹಿಸಿ ಮರಳು ಕಣಗಳನ್ನು ಬಿಟ್ಟುಬಿಡಬೇಕು.

ಹಿಂದಿನದನ್ನು ಮರೆತುಬಿಡು. ಎಲ್ಲ ಮಾನವರ ಕಣ್ಮರೆಯಾದ ಬಾಳುಗಳೂ ಅನೇಕ ಲಜ್ಜಾಸ್ಪದ ಕರ್ಮಗಳಿಂದ ಕರಾಳವಾದುದೇ. ಮಾನವನಲ್ಲಿ ದೈವೀ ಭಾವನೆ ದೃಢವಾಗಿ ನೆಲೆಗೊಳ್ಳುವವರಗೆ ಅವನ ನಡತೆ ಎಂದಿಗೂ ನೆಚ್ಚುವಂತಹುದಲ್ಲ. ಈಗ ನೀನು ಅದ್ಯಾತ್ಮಿಕ ಪ್ರಯತ್ನ ನಡೆಸುವೆಯಾದರೆ ಮುಂದೆ ಪ್ರತಿಯೊಂದೂ ಉತ್ತಮಗೊಳ್ಳುತ್ತದೆ.