ಗೆಳೆಯರೆ, ಈಚೆಗಷ್ಟೇ ಎಂ.ಎಸ್.ಎನ್ ಕನ್ನಡದ ಬಗ್ಗೆ ನಿಮಗೆಲ್ಲರಿಗೂ ತಿಳಿಸಿದ್ದೆ. ಈಗ ಮತ್ತೊಂದು ಮೈಲಿಗಲ್ಲು ಸೇರ್ಪಡೆಯಾಗಿದೆ.

ನಮ್ಮ ನೆಚ್ಚಿನ "ಸುಧಾ" ವಾರಪತ್ರಿಕೆ ಇನ್ನು ಮುಂದೆ ಅಂತರ್ಜಾಲದಲ್ಲಿ ಎಲ್ಲರಿಗೂ ಸಿಗಲಿದೆ. ಇನ್ನು ಮುಂದೆ ಜಗತ್ತಿನ ಯಾವ ಮೂಲೆಯಲ್ಲಿದ್ದರೂ "ಸುಧಾ" ಓದಬಹುದು.

ಸಂತೋಷಕರವಾದ ಸುದ್ಧಿ ತಾನೇ. ಇರಲಿ. ವಾವ್, ಅಂತ ತುಂಬಾ ಬೀಗುವುದು ಬೇಡ. ಸುಧಾ ಸದ್ಯಕ್ಕೆ ಈ-ಪೇಪರ್ ಆಗಿ ಮಾತ್ರವೇ ಸಿಗಲಿದೆ. ಮುಂದೆ ಮತ್ತೂ ಚೆನ್ನಾದ ತಾಣವಾಗಿ ಹೊರಬರಲಿ ಎಂದು ಹಾರೈಸೋಣ.

ಹಾಗೆಯೇ, ಇಂದೇ ಕರಿಸಿರಿಯಾನ ಓದುವುದನ್ನು ಮರೆಯಬೇಡಿ. (ಪುಟ ೨೬). ಡಾ||ಕೆ.ಎನ್.ಗಣೇಶಯ್ಯ ಎನ್ನುವವರು "ವಿಜಯನಗರದ ನಿಧಿ" ಯ ಬಗ್ಗೆ ಕುತೂಹಲಕರವಾದ ಅಂಶಗಳುಳ್ಳ ಧಾರಾವಾಹಿಯನ್ನು ಬರೆಯುತ್ತಿದ್ದಾರೆ.