ಬ್ರಾಡ್ ಬ್ಯಾಂಡ್ ಇಟ್ಕೊಂಡೂ ಸ್ಟ್ರೀಮಿಂಗ್ ವಿಡಿಯೋ ನೋಡ್ಲಿಕ್ಕಾಗ್ಲಿಲ್ಲ ಮಾರಾಯ್ರೆ, ನಡು ರಾತ್ರಿ ಕೂತು ಡೌನ್ಲೋಡ್ ಮಾಡಿ ನೋಡಿದೆ. ೪೫ ನಿಮಿಷಗಳ ವಿಡಿಯೋ ಒಂದೂವರೆ ಗಂಟೆ ಡೌನ್ಲೋಡ್ ಆಯ್ತು.

ಈ ಫ್ಲಾಶ್ ವಿಡಿಯೋ ನೋಡುವಾಗ ಒಂದು ಅಚ್ಚರಿ ಕಾದಿತ್ತು. ನನ್ನ ಸಹಪಾಠಿಯೊಬ್ಬ ಈ ವೀಡಿಯೋದಲ್ಲಿ ಬರುವ ಕಾಲ್ ಸೆಂಟರ್ sceneಉಗಳಲ್ಲಿದ್ದಾನೆ!

ಒಟ್ಟಾರೆ, ಫ್ರೀಡ್ ಮ್ಯಾನ್ ನಿಜವಾದ "freed man" ತರಹಾನೇ ತನಗಿಷ್ಟ ಬಂದ ಕಡೆಯೆಲ್ಲ ಹೋದಂತಿದೆ. ಅವನು ಹೇಳುತ್ತಿರೋ ಹಲವು ಅಂಶಗಳು ಸರಿ - ಹೌದು. ಆದರೆ ಕೆಲವೊಂದು ಸಂಗತಿಗಳನ್ನ ಒಂದು ವಿಚಿತ್ರ perspectiveನಲ್ಲಿ ತೋರಿಸಿದ್ದಾನೆ.

ಭಾರತೀಯರು ಅಮೇರಿಕನ್ನರನ್ನೇ ಅನುಕರಣೆ ಮಾಡುತ್ತಿರುವುದನ್ನುದ್ದೇಶಿಸಿ - '"There will be no going back to home" ಎಂಬ ಸಂಗತಿಯನ್ನ ಅಮೇರಿಕದ ಲೇಖಕನೊಬ್ಬನು ಹೇಳಿದ್ದು, ಆದರೀಗ "There will be no home outside US, as well" ಆಗಿರೋದು, ಭಾರತವೂ ಮಿನಿ US ಆಗಹೊರಟಿದೆ' ಅಂತ ಫ್ರೀಡ್‍ಮನ್ ಹೇಳಿರೋದು ನಮ್ಮ ನಿಮ್ಮ ಸುತ್ತಲಿರುವ 'ಮಾಡರ್ನ್' ಜನರಿಗೆ ತಲುಪಬೇಕಾಗಿರುವ ಸಂದೇಶ. ಈ ಗ್ಲೋಬಲೈಸೇಶನ್ನಿನಲ್ಲಿ ಲೋಕಲೈಸೇಶನ್ ಬಹಳ ಮುಖ್ಯವೆಂದು ಅವ ವಿವರಿಸುವುದೂ ಸರಿಯಾಗಿ ತಲೆಯ ಮೇಲೇನೆ ಮಟ್ಟಿದಂತಿದೆ.

ಅನಂತಮೂರ್ತಿ ಫ್ರೀಡ್‍ಮನ್ ಗೆ ಹೇಳುವ ಮಾತೂ ಸತ್ಯ ಎನ್ನಿಸುತ್ತದೆ. ಅಮೇರಿಕದವರಿಗೆ 'ಸೋಶಿಯಲ್ ಸೆಕ್ಯುರಿಟಿ' ಉಂಟು, ನಮ್ಮ ಭಾರತದವರಿಗೆ ಬರಿಯ ಫ್ಯಾಮಿಲಿ ಸೆಕ್ಯುರಿಟಿ ಅಷ್ಟೆ. ಹೊರಗೆ ಹೋಗಿ ಇದ್ರೆ ಕಥೇನೆ ಬೇರೆ!

ಅಝೀಮ್ ಪ್ರೇಮ್ಜಿಯವರ ಮಾತು ಕಡ್ಡಿ ತುಂಡು ಮಾಡಿದಂತಿತ್ತು. ನಂದನ್ ನೀಲೇಕಣಿ ಮಾತ್ರ ಇನ್ಫಿಯಲ್ಲಿರೋ ಸಿರಿತನ ತೋರಿಸೋದ್ರಲ್ಲೇ ಜಾಸ್ತಿ ಮನಸ್ಸು ಇಟ್ಟಿದ್ದಹಾಗೆ ಕಾಣಿಸ್ತು.

ಅವನ್ಯಾವನೋ ಗೇಮಿಂಗ್ ಕಂಪೆನಿಯ ಒಬ್ಬ ಅವಿವೇಕಿ "ನಾವು ಸೂಪರ್ ಪವರ್ ಆಗುವೆವು, ನಾವು ರೂಲ್ ಮಾಡುವೆವು" ಅಂತೆಲ್ಲ ಅದರಲ್ಲಿ ಹೇಳಿ ನಮ್ಮ ಮಾನ ತೆಗೆದಿದ್ದಾನೆ. ಅಲ್ಲ, ಸರಿಯಾಗಿ ಬೆಂಗಳೂರು ಸಿಟಿ ಒಂದನ್ನೇ ಈ ಐಟಿಯಿಂದ ಉದ್ಧಾರ ಮಾಡ್ಲಿಕ್ಕಾಗ್ಲಿಲ್ಲ, ಇನ್ನು ಇಡಿ ಇಂಡಿಯವನ್ನು ಬರಿ ಇದರಿಂದಲೇ ಉದ್ಧಾರ ಮಾಡ್ಲಿಕ್ಕಾಗತ್ಯೆ? ಈ ಬಾರಿ $$ ಗೇಟ್ಸ್ ಭಾರತಕ್ಕೆ ಬಂದಾಗ "ನಿಮ್ಮ ದೇಶಕ್ಕೆ ಬೇಕಾಗಿರುವುದು ಐಟಿಯೊಂದಿಗೆ ಮಜಬೂತಾಗಿರೋ ಮ್ಯಾನ್ಯುಫ್ಯಾಕ್ಚರಿಂಗ್ ಸೆಕ್ಟರ್" ಎಂದು ಹೇಳಿದ್ದು ಬಹಳ ಸತ್ಯ ಅನ್ನಿಸುತ್ತದೆ.

ಎಷ್ಟು ದಿನಗಳ ಕಾಲ ಈ ಔಟ್ ಸೌರ್ಸಿಂಗ್ ಉಳಿಯುತ್ತದೆಯೋ ತಿಳಿಯದು, ಏಕೆಂದರೆ ಈಗಾಗಲೇ ನಮ್ಮ ಚೀನೀ ಗೆಳೆಯರೂ ನಮ್ಮವರಿಂದಲೇ ಇಂಗ್ಲಿಷ್ ಕಲೆತು ನಮ್ಮೆಲ್ಲರಿಗಿಂತ ಕಡಿಮೆ ಬೆಲೆಯಲ್ಲಿ ಕೆಲ್ಸ ಮಾಡೋಕ್ ಶುರು ಮಾಡಿದಾರಂತೆ! ಇವತ್ತು ಭಾರತ, ನಾಳೆ ಚೀನ, ಮುಂದೆ ಮತ್ತೊಂದು ದೇಶ. ಆದರೆ ಅಮೇರಿಕಕ್ಕಂತೂ ಏನೂ ಆಗದು, ಬಹುಶಃ. ಗ್ಲೋಬಲೈಸ್ಡ್ ಜಗತ್ತಿನಲ್ಲಿ ಹೆಚ್ಚು ಲಾಭವಾಗುವುದು ಅಮೇರಿಕದಂತಹ ದೇಶಕ್ಕೇ ಅಲ್ವೆ?

--
Check my Blog
Kannada wikipedia

"ಹೊಸ ಚಿಗುರು, ಹಳೆ ಬೇರು"