ದಿನಾಂಕ: ಜುಲೈ ೨೦, ೨೦೦೮

ರಾತ್ರಿ

ಕತ್ತಲು ಬದುಕ ಮುತ್ತುವ ಮೊದಲೆ
ಮನೆ, ಮನ ಮುಟ್ಟುವ ತವಕ
ಗೂಡತ್ತ ಹಾರುವ ಹಕ್ಕಿಗಳು
ಸೂರ ಹುಡುಕಿ ಹೊರಡುವತ್ತ

ಇಳಿವಯಸ್ಸಿನ ಮುದಿಯನಂತೆ
ಕಡಲಾಳದಿ ಇಳಿದ ಪಡುವಣ ರವಿ
ಬಿಸಿಲು ಕೆಂಪಾಯಿತು, ಕೆಂಪು ಕಪ್ಪಾಯಿತು
ಮತ್ತೆ ಎಲ್ಲ ತಟಸ್ಥ ಅರೆಗಳಿಗೆ

ದೂರದಿ ಜಿರ್ ಜಿರ್
ಚಿಲಿಪಿಲಿಯ ಕಲರವ ಮರೆಸಲು
ಕತ್ತಲ ಸಂದಿನಲಿ  ಮುಂದೆ ಓದಿ »

ದಿನಾಂಕ: ಎಪ್ರಿಲ್ ೯, ೨೦೦೮

ಕವಲು ದಾರಿ

ಇರುಳು ಕಳೆದು ಹಗಲು ಮುತ್ತಿದರೂ
ಬದುಕಿನ್ನೂ ಅರೆಗತ್ತಲಲಿ
ಊಹು! ಏನೂ ಕಾಣಿಸುತ್ತಿಲ್ಲ ಮನಸಿಗೆ
ಮುಚ್ಚಿದ ಕಣ್ಣು ತೆರೆದರೂ
ಬಂದಿಸಿದ ಭಾವನೆಗಳ ಬಿಡಿಸಿದರೂ
ಮನಸ್ಸು, ಕನಸು ಎಲ್ಲಾ
ಗೊಂದಲದ ಗೂಡು

ಜಾಡಿಸಿ ಓಡಿಸುವ ಬವಣೆ
ಕಿಟಕಿಯ ಪಟ ಪಟನೆ ಬಡಿವಂತೆ
ನೆಲಗಚ್ಚಿ ಕೂತ ರಾಡಿಯ ತೊಳೆವಂತೆ
ಮನದಲ್ಲಿ ಭಾವನೆಗಳ ತಿಕ್ಕಾಟ  ಮುಂದೆ ಓದಿ »

ನೆನಪಾಗುವುದು
ನಿನ್ನ ಚಿಗುರು ಬೆರಳುಗಳು
ಮೂಡಿಸಿದ ಮಧುರ
ಭಾವನೆಗಳು
ಹೂವಿಂದ ಉದುರಿ ಧರೆಯ
ಮೈಯ ಸ್ಪರ್ಷಿಸಿದಾಗೆಲ್ಲಾ
ಹಸಿ ಹಸಿ ಹೂವ
ಎಸಳುಗಳು

ಮತ್ತೆ ನೆನಪಾಗುವುದು
ನನ್ನ ಬಳಸಿ, ಗಲ್ಲಕೆ
ನೀನಿತ್ತ ಬಿಸಿಯುಸಿರಿನ
ಮುತ್ತುಗಳು
ಹಿಂಡು ಹಿಂಡಾಗಿ ಬಂದು
ಹೂವ ಮುತ್ತಿಕ್ಕಿದಾಗೆಲ್ಲಾ
ಬಣ್ಣ ಬಣ್ಣದ
ದುಂಬಿಗಳು

ನೆಪವಿಲ್ಲದೆ ಬಳಿ ಬಂದು
ತುಂಬಿರಲು  ಮುಂದೆ ಓದಿ »

ಅವಳ ಕಣ್ಣಲ್ಲಿ ಕಣ್ಣಿಟ್ಟು
ನೋಡುತಿರೆ
ಹರಿಯುತಿವೆ
ಭಾವನೆಗಳ ಮಹಾಪೂರ
ಬಿದಿಗೆ ಚಂದ್ರನ ನೋಡಿ
ಹುಟ್ಟಿದಂತೆ
ಕಡಲಲಿ
ಉಬ್ಬರ

ಉಕ್ಕಿ ಬರುತಿಹ
ಭಾವನೆಗಳ
ಕಟ್ಟಿ ಹಾಕುವ ಆತುರ
ನಿಲ್ಲುವುದೆಂತು?
ಕಟ್ಟೆಯೊಡೆದು ನುಗ್ಗುತಿವೆ
ಅವಳೆಡೆಗೆ
ನದಿಯು ಹುಡುಕುವಂತೆ
ಸಾಗರ

ಕೂತಿಹೆನು ನಾನಿಲ್ಲಿ,
ಬೆಳಕು ಬರಲಂಜುವ ಕತ್ತಲಲಿ
ನೆನಪುಗಳು ಲಗ್ಗೆಯಿಡುತಿವೆ
ಎದೆಯಾಳದಲಿ
ಕೂಗುತಿದೆ
ಕತ್ತಲ ಭಯವಿಲ್ಲ
ನನಗೆ

ಮೌನವ ಹೆದೆಯೇರಿಸಿಯೂ
ನಿರಾಯುಧ ನಾನಿಲ್ಲಿ
ಒಂಟಿ ಯೋಧನ ಮೇಲೆ
ಬೇಡವೊ ಸಮರ!
ಕೇಳುವುವರಾರು?
ನಡೆಯುತಲಿದೆ
ನೆನಪುಗಳ ಪ್ರಹಾರ