ಮಾಧವ

ಆ... ಏನ್ ಹೇಳ್ಲಿ? ಪರಿಚಯ ಮಡ್ಕೊಳ್ಳೋವಂತ ಭಾರಿ ಕುಳ ಏನ್ ಅಲ್ಲ. ಆದ್ರೂ ಇನ್ನೊಂದ್ಸಲಿ ಸಿಕ್ಕಾಗ ಇರಸು ಮುರಸು ಬೇಡ ಅಂತ ಹೇಳ್ತೀನಿ... ನೀಚಡಿ ಸ್ವಂತ ಊರಾದ್ರು, ಬೆಳೆದಿದ್ದೆಲ್ಲ ಹೆಗ್ಗೋಡಲ್ಲಿ. ಕರೆಕ್ಟಾಗಿ ನೀನಾಸಂ ಹಿಂದ್ಗಡಿಗೇ ನಮ್ಮ ಮನೆ ಇತ್ತು. 10ನೇ ಕ್ಲಾಸ್ ವರೆಗೂ ಬೇಕಾದ್ದು ಬೇಡದೇಹೋಗಿದ್ದು ಎಲ್ಲಾ ಹೆಗ್ಗೋಡಲ್ಲೇ ಮಾಡಿ, ಪಿಯುಸಿಗೆ ಎನೋ ಮಾಡ್ತೀನಂತ ಉಡುಪಿಗೆ ಹೋಗಿ ಏನೂ ಮಾಡಕ್ಕಾಗಿಲ್ಲ. ನಾನೂ ಎಲ್ರಂಗೆ ಬೆಂಗಳೂರಲ್ಲಿ ಇಂಜಿನಿಯರಿಂಗ್ ಮಾಡಿ ಈಗ ಟಾಟಾ ದವರ ಕೈ ಕೆಳಗೆ ಹೊಟ್ಟೆಪಾಡಿಗೋಸ್ಕರ ಕೆಲಸ ಮಾಡ್ತಿದೀನಿ... ಅಷ್ಟೇ... ಇನ್ನು ಏನೂ ಸಾಧಿಸಿಲ್ಲ. ಬ್ಯಾಗ್ರೌಂಡೆಲ್ಲಾ ನೋಡಿ, ಎಲ್ಲಾ ಒಳ್ಳೆ ಭವಿಷ್ಯ ಇದೆ ಅಂತಾ ಹೇಳ್ತಾರೆ. ಅದು ನಾನ್ ಬದ್ಕಿರೊವರ್ಗೂ ಭವಿಷ್ಯ ಆಗೇ ಇರತ್ತೇನೋ ಅಂತ ಇತ್ತೀಚೆಗೆ ಭಯ ಶುರುವಾಗ್ತಿದೆ. ಅಂತಾ ಒಳ್ಳೇ ಹವ್ಯಾಸ ಯಾವ್ದೂ ಇಲ್ದೇ ಹೋದ್ರೂ ಕೆಟ್ಟದ್ದು ಅನ್ನಿಸ್ಕೊಳೋದ್ಯಾವ್ದನ್ನೂ ಇನ್ನೂ ಬೆಳೆಸ್ಕೊಂಡಿಲ್ಲ ಅಂದ್ಕೊಂಡಿದೀನಿ. ಯಾಕೆ ಅಂದ್ರೆ ನಂಗೆ ಒಳ್ಳೇದಾಗಿ ಕಾಣೋದು ನಿಮ್ಗೆ ಕೆಟ್ಟದ್ದಾಗಿರ್ಬಹುದು. ಅಷ್ಟೇ, ಇನ್ನೇನಿಲ್ಲ... ಇನ್ನೊಂದ್ಸಾರಿ ಸಿಕ್ಕಾಗ ಮಾತಾಡೋಣ... ಬರ್ಲಾ...