||ಉಸುಕಿನ ಗಡಿಯಾರ||
ಕವನ
||ಉಸುಕಿನ ಗಡಿಯಾರ||
ಪಾಂಡಿತ್ಯ ತರ್ಕಗಳ ವ್ಯಾಕರಣ ವ್ಯಾಖ್ಯೆಗಳ-
ಸೋಗಿನಲಿ ಸಮಯವಾ ಬಿತ್ತಿ ಬಿಗಿದು |
ಅರಿಯದಾ ಸತ್ವವನು ಅರಿಯಲೆಂದೆಣಿಸದೆಯೆ...
ಪುಸ್ತಕದ ಹುಳುವಾಗಿ ಬದುಕಲೆಂತು ?||
ರೇಣುರೇಣುವಿನಿಂದೆ ಕ್ಷಣವುರುಳೆ ಬಾಳಿನಲಿ...
ಜಗವುರುಳುವುದಂತ್ಯದೆಡೆ ಬಾಳ ಪಥದಿ |
ಬದುಕು ಎಂಬುವುದೊಂದು ಉಸುಕಿನಾ ಗಡಿಯಾರ...
ಕಾಯದೆಯೆ ಕರಗುವುದು ಕಾಲವುರುಳೆ ||
ಕನಸಿನೋಪಾದಿಯೆಂದವಗಹಿಸಿ ಲೋಕವನು.
ಪಂಕಜದಎಲೆಮುತ್ತಿನಂತ್ತಾಗಿಸಿ |
ಪರಮ ತತ್ವವನರಿಯೆ ಜೇವಿತವ ಸವೆಸಲ್ಕೆ....
ಮತಿಯ ಸಾಣೆಯ ಹಿಡಿದು ದಾರಿ ತೋರಿ...||
ಕಾಣದಾಸತ್ಯವನು ಕಣ್ಣರಿತ ಕುರುಡನಿಗೆ...
ತಿಳಿಯಲಾದಿಯ ತೊರಿ ಮರಳಿಪುಟಿಸಿ...|
ಶಾಶ್ವತದ ಅರಿವಿತ್ತು ಆತ್ಮದೇಪವಬೆಳಗಿ
ಆ ಪೂರ್ಣತೆಯ ಸವಿಯುಣಿಸಿ ಸಲಹು ಗುರುವೆ ||
ಚಿತ್ರ್
- Log in to post comments