ಕಣ್ಮುಚ್ಚಿದ ಹೊತ್ತಲಿ.....

4

ಮನಃಪಟಲದವಳ 
ತುಂಬಿಕೊಂಡೆ ಕಣ್ಮುಚ್ಚಿದೆ
ಅಲೆಅಲೆಯಾಗವಳ ಕಣ್ಣ ಹನಿ ಸ್ವಗತ..
ಹರಿಸಿದ್ದು ಕಾಂತಿಯೊ
ಕಂಬನಿಯ ಕುಯಿಲೊ ಕಾಣೆ
ಹತ್ತಿದೊಲೆಯಂತೆ ಭುಗಿಲವಳ ನಗೆ ಜಿಗಿತ ||

ಜಡಿಮಳೆಯಾದವಳಲ್ಲ ಮಾತಲಿ
ಹಿಡಿ ಮಲ್ಲಿಗೆಯ ಕಂಪಿನವಳು
ಮುಡಿಯಲಿ ಬಿಡಲಿ ಕಂಪಿನ ಸೊಗಡ ನೀರೆ..
ನೀರವ ಮೌನದ ಬಿಸಿಯುಸಿರು
ನಿಶ್ಯಬ್ದದೊಲುಮೆ ತರಂಗ ಶ್ರವಣಾತೀತ
ನಿಸರ್ಗ ಬಳಸಿತವಳ ಮೈಗುಡಿಸುತ ಸೀರೆ ..||

ಎತ್ತಲೊ ಬೀಸಿದ ಮಾರುತ
ನೇವರಿಸಿ ಕುರುಳ ತಂಪಾಗಿಸಿ ನೆತ್ತಿ
ನೆನಪಿಸಿತವಳ ಮುತ್ತ ತಂಪಿನ ಸ್ವಾತಿ ಹನಿ..
ಯಾಕಿಂದಿಷ್ಟೊಂದು ನೆನಪು ?
ಕಾಡುತಿದೆ ಕಡಲಲೆಯ ತೆರದಿ
ಮುಚ್ಚಿದ ಕಣ್ಣೊಳ ಬಿಂಬ ಬರಿಯವಳ ತಿದಿ .. ||

ಗುದ್ದಲಿಲ್ಲ ಮುಷ್ಟಿಯುದ್ದದಿ
ಒಳಗುದಿಯ ಬಿಚ್ಚಲೆಂತೊ ನವಿರು?
ಅವಳ ಜಾಡಿಗೆ ಸುರಿದ ಮಕಮಲ್ಲಿನ ಹಾಸು...
ನಡೆದಳಾರದೊ ಕೈ ಹಿಡಿದು ;
ಅಡಿಯಿಟ್ಟವಳ ಕಾಲಿಗೆ ಮುಳ್ಳು
ತೊಡರದಂತೆ ತಡೆದೆ, ರಥ ಸಾಗುವ ತನಕ.. ||

ಅಚ್ಚೊತ್ತಿ ಹಾಸಿನ ಮೇಲಿನ ಗಾಲಿ
ಉರುಳಿಹೋಗಿತ್ತು ಹಿಡಿದೆ ದಾರಿ
ನೆಟ್ಟ ನೋಟ ದಿಟ್ಟಿಸಿತ್ತೆ, ನಿರ್ಭಾವದ ನೋವಲಿ..
ಬಿಡಲಿಲ್ಲ ನೋಡು ಹಠವ
ಕಾದಲ್ಲೆ ನಿತ್ಯ ದಿಟ್ಟಿಸುವ ಚಟವ
ಋತುಗಳುರುಳಿದವದೆಷ್ಟೊ ಮುಚ್ಚಿದ ಕಣ್ಣಡಿಯೆ ||

------------------------------------------------
ಧನ್ಯವಾದಗಳೊಂದಿಗೆ
ನಾಗೇಶ ಮೈಸೂರು
 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.
ಲೇಖನ ವರ್ಗ (Category): 

ಪ್ರತಿಕ್ರಿಯೆಗಳು

ನಾಗೇಶ ಮೈಸೂರು ರವರಿಗೆ ವಂದನೆಗಳು
ಕಣ್ಮುಚ್ಚಿದ ಹೊತ್ತಲ್ಲಿ ಕವನ ಓದಿ ಖುಷಿಯಾಯಿತು ಬಹಳ ಸೂಕ್ಷ್ಮ ಒಳ ನೋಟಗಳುಳ್ಳ ರಚನೆ ಧನ್ಯವಾದಗಳು.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಪಾಟೀಲರೆ ನಮಸ್ಕಾರ ಮತ್ತು ಪ್ರತಿಕ್ರಿಯೆಗೆ ಧನ್ಯವಾದಗಳು. ಭಾವ ಜೀವಿಯೊಬ್ಬನ ನೆನಪಿನ ಯಾತ್ರೆಯಲ್ಲಿ ಹೇಗೆ ಭಾವನೆಗಳು ಜೀವಂತವಾಗಿರಬಹುದೆಂಬ ಅನಿಸಿಕೆಯನ್ನು ಬರಹ ರೂಪಕ್ಕಿಳಿಸಿದ ರೀತಿಯಿದು. ಅದರ ಸೂಕ್ಷ್ಮಜ್ಞತೆಯನ್ನು ಗುರುತಿಸಿದ್ದಲ್ಲದೆ ಮೆಚ್ಚಿಕೊಂಡ ತಮ್ಮ ಕವಿ ಹೃದಯಕ್ಕೆ ಹೃತ್ಪೂರ್ವಕ ನಮನಗಳು

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಭಿತ್ತಿಯ ಚಿತ್ತಾರ ಸೊಗಸಾಗಿದೆ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಕವಿಗಳೆ, ಕಣ್ಮುಚ್ಚಿದರು ಬಿಡದೆ ಕಾಣುವ, ಕಾಡುವ ಭಿತ್ತಿ ರೂಪಕ ಅದು. ಅಳಿಸಿದಷ್ಟೂ ಅಮಲೇರಿಸುವಂತದ್ದು. ಧನ್ಯವಾದಗಳು :-)

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.