ಗಣರಾಜ್ಯದ ಈ ದಿನ..

2.5

ಇತ್ತೀಚಿನ ದಿನಗಳಲಿ
ಎಂದಾದರು ನೆನಪಿದೆಯೆ?
ಗಣರಾಜ್ಯವ ಆಚರಿಸಿದ್ದು
ದಿನವೆಲ್ಲಾ ಸುದ್ದಿ ಸಂಭ್ರಮ ಸದ್ದು? ||

ಹಿಂದೆಂದಾದರು ನಡೆದಿತ್ತೆ?
ದಿನವೆಲ್ಲ ಆಚರಿಸಿದ ಹಬ್ವ
ಟೀವಿ ಚಾನೆಲ್ಲು ಟ್ವಿಟ್ಟರು ಶೆಟ್ಟರು
ಫೇಸ್ಬುಕ್ಕು ಭಟ್ಟರು ಹಾಡಿ ಹೊಗಳಿದ್ದು ? ||

ಸಾರ್ವತ್ರಿಕ ಹಬ್ಬದ ರಜೆಗೆ
ಎಡತಾಕಿದ್ದು ಟಾಕೀಸು, ಅಲೆದಾಟ
ಟ್ರಿಪ್ಪು ಟೂರು ಎಂದೆಲ್ಲ ರಜೆ ಸುತ್ತು
ಕಳೆದಿದ್ದಷ್ಟೆ ನೆನಪು, ಹಬ್ವವೆಲ್ಲಿತ್ತು ? ||

ಇಂದು ಗಾಂಧಿ ಬರಲು ಸ್ವಚ್ಚ
ಗಣರಾಜ್ಯಕೆ ಹಾಲಿವುಡ್ಡಿನ ಕಳೆ
ನಾಡ ಹಬ್ವಗಳಿಗೆಲ್ಲಿಯದೀ ಕಸು ?
ತುಂಬಿತೆಲ್ಲಿಂದ ಇದ್ದಕ್ಕಿದ್ದಂತೆ ಉತ್ಸಾಹ?! ||

ಇನ್ನೆಲ್ಲ ಬರಿಯ ರಜೆಯಾಗದು
ಆಚರಣೆ ಸರ್ಕಾರಿ ಸರಕಾಗದು
ಚೈತನ್ಯವಾವುದೊ ತುಂಬಿ ಪಸರಿಸೆ
ಗಲ್ಲಿ ಬೀದಿ ಮನೆ ಮನಗಳಲಿ ಮತ್ತೆ ||

ಧನ್ಯವಾದಗಳೊಂದಿಗೆ 
ನಾಗೇಶ ಮೈಸೂರು
 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.
ಲೇಖನ ವರ್ಗ (Category): 

ಪ್ರತಿಕ್ರಿಯೆಗಳು

ನಾಗೇಶ ಮೈಸೂರು ರವರಿಗೆ ವಂದನೆಗಳು
ಗಣ ರಾಜ್ಯದ ಆಚರಣೆಯ ಅಂದಿನ ದಿನಗಳ ನೆನಪನ್ನು ಇಂದಿನ ಆಚರಣೆಯೊಂದಿಗೆ ತಾಳೆಹಾಕಿ ನೋಡಿದ ಕ್ರಮ ಸೊಗಸಾಗಿ ಪಡಿಮೂಡಿದೆ. ಕೊನೆಯ ನುಡಿ ಹೊರಡಿಸುವ ದ್ವನಿ ಬಹಳ ಅರ್ಥಪೂರ್ಣ, ಉತ್ತಮ ಸಕಾಲಿಕ ಕವನ ಧನ್ಯವಾದಗಳು.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಪಾಟೀಲರೆ ತಮ್ಮ ಎಂದಿನ ಮೆಚ್ಚುಗೆ, ಪ್ರೋತ್ಸಾಹಕ್ಕೆ ಧನ್ಯವಾದಗಳು. ನಾಡಿನ ರಾಷ್ಟ್ರೀಯ ಹಬ್ಬಗಳ ಕುರಿತಾದ ಈ ಲವಲವಿಕೆ, ಉತ್ಸಾಹ ನಿಜಕ್ಕೂ ಒಂದು ಒಳ್ಳೆಯ ಬೆಳವಣಿಗೆ. ದೇಶಾಭಿಮಾನ, ಏಕತೆಗಳತ್ತ ಯಾವುದೆ ಸದ್ದುಗದ್ದಲ, ಆಡಂಬರವಿರದೆ ತುಯ್ಯುವ ಈ ಆಚರಣೆಗಳು ಹೊಸ ಪೀಳಿಗೆಯವರಲ್ಲಿ ಆ ಜಾಗೃತಿ ಮೂಡಿಸುವುದು ಮಾತ್ರವಲ್ಲದೆ, ಹಳಬರಲ್ಲೂ ಬತ್ತಿದ್ದ ಉತ್ಸಾಹವನ್ನು ಮತ್ತೆ ಚಿಮ್ಮಿಸುವುದರಿಂದ ಆ ಆಚರಣೆಗೂ ಒಂದು ಅರ್ಥ ಬರುತ್ತದೆ. ಅದು ಹೀಗೆ ಮುಂದುವರೆಯಲೆಂಸು ಆಶಿಸೋಣ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಗಣರಾಜ್ಯೋತ್ಸವದಂದೇ ಬೆಂಗಳೂರಿನಲ್ಲಿ ನನ್ನ ಸೋದರಮಾವನ ಮಗಳ ಮದುವೆಯಿತ್ತು. ಅಂದು ಮದುವೆ ಸಮಾರಂಭದ ನಡುವೆಯೇ ಭಾರತಮಾತೆಯನ್ನು ಸ್ಮರಿಸಿದೆವು, ಜನಗಣಮನ ಮತ್ತು ವಂದೇಮಾತರಮ್ ಹಾಡಿದೆವು. ಭಾಗವಹಿಸಿದ ಎಲ್ಲರಿಗೂ ಆಶ್ಚರ್ಯ ಮತ್ತು ಆನಂದವಾಗಿತ್ತು.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಕವಿಗಳೆ ನಮಸ್ಕಾರ ಮತ್ತು ಧನ್ಯವಾದಗಳು. ನೀವು ಹೇಳಿದ ವಿಶೇಷವೆ ಈಚಿನ ಅಚ್ಚರಿ ಬೆಳವಣಿಗೆ. ನಾನೂ ಕೂಡ ಬಿಸಿನೆಸ್ ಟ್ರಿಪ್ಪಿನಲ್ಲಿ ಒಂದು ಹೋಟೆಲಿನಲ್ಲಿ ತಂಗಿದ್ದೆ. ಅಲೂ ಕೂಡ ತಂಗಿದ್ದವರೆಲ್ಲರಿಗು ಮ್ಯಾನೇಜ್ಮೆಂಟಿನಿಂದ ಒಂದು ಪತ್ರ ಬರೆದಿದ್ದರು - ಎರಡು ದಿನದ ನಂತರ ಹೋಟೆಲಿನಲ್ಲಿ ಆಚರಿಸುತ್ತಿರುವ ಗಣರಾಜ್ಯೋತ್ಸವದಲ್ಲಿ ಭಾಗವಹಿಸಲು ಆಹ್ವಾನಿಸುತ್ತ! ಅದೊಂದು ರಜೆ ಎನ್ನುವ ಭಾವಕ್ಕಿಂತಲು, ಅದೊಂದು ಸಡಗರ, ಸಂಭ್ರಮದ ಹಬ್ಬವೆಂಬ ಭಾವನೆ ಯಾವುದೆ ಒತ್ತಾಯವಿಲ್ಲದೆ ತಂತಾನೆ ಅನಾವರಣಗೊಳ್ಳುತ್ತಿರುವುದು ನಿಜಕ್ಕೂ ಶುಭ ಸಂಕೇತ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.