ಚಿಗುರ ತಹತಹ, ಗೊಂದಲ...

0

ಪಾಪದ ಹುಡುಗ ಹುಡುಗಿಯರ
ಬದುಕರಳುವ ಗೊಂದಲ
ಕಳಚುತ್ತೆಷ್ಟೊಂದು ಪದರ
ಹುಡುಕಬೇಕು ಅಂಗುಲ, ಚದರ ||

ಹೇಳಿಕೊಡುವರಿಲ್ಲವೆನ್ನುವಂತಿಲ್ಲ
ಮಸಲ ಸಂಗತಾಸಂಗತ ಪ್ರಶ್ನೆ
ಹಿತಾಹಿತ ಸಂಶಯವೆ ಸಲಹುತ್ತ
ಹುತ್ತಗಟ್ಟಿದ ಭೂತ ಅನುಮಾನ ||

ಕಲಿಕೆಯೇನೊ ಸಹಜ ನಿಜ
ಕಲಿಯಲುಂಟು ಸಾಗರದಪಾರ
ಖನಿಜ, ಲವಣ, ಜೀವಜಲ ರಾಶಿ
ಕೈಯಿಡಲೆಲ್ಲಿ ಮೊದಲು, ಕೊನೆ? ||

ಆರಂಭಿಸಲೆಂತು ಎಲ್ಲೊ, ಹೇಗೊ?
ಅನುಭವದ ಸುಡು ಬೆಂಕಿ ತಂಪು
ಹುಮ್ಮಸ್ಸು ಉತ್ಸಾಹಗಳ ಗಂಟು
ದಾಟಿಸೆ ಸಾಕೆ ದರ್ಶಿಸುತ ಮಾರ್ಗ ? ||

ಬೀಜ ಮೊಳೆತು ಸಸಿಯಾಗರಿತು
ಗಿಡ ಮರ ಹೆಮ್ಮರವಾಗುವ ಚಿತ್ತ
ಅನಾವರಣಕನುವಾಗೆ, ಹಳೆ ಬೇರು -
ಪೋಷಿಸೆ ಚಿಗುರ ನಿರುಮ್ಮಳ, ನಿರಾತಂಕ ||

ಧನ್ಯವಾದಗಳೊಂದಿಗೆ 
ನಾಗೇಶ ಮೈಸೂರು
 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.
ಲೇಖನ ವರ್ಗ (Category): 

ಪ್ರತಿಕ್ರಿಯೆಗಳು

ಆತ್ಮೀಯ ನಾಗೇಶ್ ಜಿ, ತುಂಬ ಸುಂದರ ಕವನ. ಮೆಚ್ಚುಗೆಯಾಯಿತು. ಧನ್ಯವಾದಗಳು ಸರ್

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಆತ್ಮೀಯ ಇಟ್ನಾಳರೆ, ನಮಸ್ಕಾರ ಮತ್ತು ಧನ್ಯವಾದಗಳು. ಬಿಜಿನೆಸ್ ಟ್ರಿಪ್ಪಿನಿಂದ ಹಿಂದಿರುಗುವಾಗ ವಿಮಾನವೇರುವುದಕ್ಕೆ ಇನ್ನು ಸ್ವಲ್ಪ ಸಮಯವಿತ್ತು - ಆಗ ಮೂಡಿದ ಸಾಲುಗಳಿವು :-) 

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಚಿಗುರಿನ ತಹತಹಿಕೆ, ಚಡಪಡಿಕೆ, ಹಪಹಪಿಕೆಗಳು ಪ್ರೌಢವಾದಾಗ ತಿಳುವಳಿಕೆಯಾಗಿ ಮಾರ್ಪಡುತ್ತವೆ. ಮಾಗಿದಾಗ ಒಣಗಿ ಉದುರಿ, ಹೊಸ ಚಿಗುರುಗಳಿಗೆ ದಾರಿ ಮಾಡಿಕೊಡುತ್ತವೆ. ಸುಂದರ ಚಿತ್ರಣ. ಅಭಿನಂದನೆ, ನಾಗೇಶರೇ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಕವಿಗಳೆ, ನಮಸ್ಕಾರ ಮತ್ತು ಧನ್ಯವಾದಗಳು. ಒಂದು ರೀತಿಯಲ್ಲಿ ಸಂಪದದ ಟ್ಯಾಗ್ ಲೈನ್ ' ಹಳೆ ಬೇರು ಹೊಸ ಚಿಗುರಿ'ಗೆ ಹೊಂದಿಕೆಯಾಗುವ ವಸ್ತುವಿನ ಒಂದು ಸರಳ ರೂಪ :-) 

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.