ಚೆಲುವ ನಾಡು

0

ಏನು ಚಂದ ನೋಡು ನಮ್ಮ ಕನ್ನಡನಾಡು
ಭೂಮಿತಾಯಿ ಹಸಿರನುಟ್ಟು ಮೆರೆಯುವಳ್ ನೋಡು|

ಇಲ್ಲಿದೆ ಶ್ರೀಗಂಧದ ಹರಿದ್ವರ್ಣದ ಕಾಡು
ಮನತಣಿಸುವ ಜಲಪಾತಗಳ ಸುಂದರ ಬೀಡು|
ಶಿಲ್ಪಕಲೆಯ ತವರೂರಿದು ಬೇಲೂರು ಹಳೇಬೀಡು
ಸಹ್ಯಾದ್ರಿಯ ಶಿಖರಗಳಲಿ ಮಿಂದೇಳುವ ಮಲೆನಾಡು||

ಗತವೈಭವ ಸಾರುತಿಹುದು ಹಂಪೆಯಾ ಪ್ರತಿ ಶಿಲೆಯು
ಚಾಲುಕ್ಯರ ಹೆಮ್ಮೆಹೊತ್ತು ಬಾದಾಮಿಯ ಪ್ರತಿಗುಹೆಯು|
ಕದಂಬರಾ ಹೆಸರು ಮೆರೆಸಿ ನಮ್ಮ ಈ ಬನವಾಸಿಯು
ತಂದಿಹುದು ಕರುನಾಡಿಗೆ ವಿಶ್ವದಲ್ಲೇ ಕೀರ್ತಿಯು||

ಸಂಸ್ಕೃತಿಗಳ ತವರೂರು ನಮ್ಮ ಈ ಮೈಸೂರು
ಸ್ವಾತಂತ್ರ್ಯದ ಹೋರಾಟದ ಕಿಚ್ಚಚ್ಚಿದ ಕಿತ್ತೂರು|
ಕೊಡಚಾದ್ರಿಯ ತುದಿಯಲ್ಲಿ ಮೂಕಾಂಬಿಕೆ ಕೊಲ್ಲೂರು
ಸಾರುತಿಹುದು ಎಲ್ಲದರಲೂ ಮೇಲು ನಮ್ಮೂರು||

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.