ಜನುಮದ ಜೋಡಿ

4.5

ಗಿಡ್ಡ ಬೆಳ್ಳಗೆ ಆಕೆ
ಲಕ್ಷಣವಾಗಿಹಳು
ಬೆಳ್ಳ ತೆಳ್ಳಗೆ ಅತ
ಸುಂದರವಾಗಿಹನು

ಬದುಕ ಬಂಡಿಯನೇರಿ
ದೂರ ಹಾದಿಯ ಸವೆಸಿ
ತಗ್ಗುತಿಟ್ಟುಗಳ ದಾಟಿ
ನೆಲೆಗಂಡಂತಿಹರು

ಕಲ್ಲು ಮುಳ್ಳುಗಳ ಭರಿಸಿ
ಬಾನಹಕ್ಕಿಗಳಂತೆ ತೇಲಿ
ಪ್ರೀತಿ ಉಯ್ಯಾಲೆ ಜೀಕಿ
ಅನುಭವಗಳ ರಾಶಿಯಂತಿಹರು

ಬಾಳ ಕಡಲಲಿ ಮುಳುಗಿ
ವಾತ್ಸಲ್ಯದ್ಹವಳಗಳ
ಮಮತೆಯಾ ಮುತ್ತುಗಳ
ಮೊಗೆದು ತುಂಬಿದಂತಿಹರು

ಪಯಣದಲ್ಲಿ ಚಿತ್ತವಿಟ್ಟು
ಪೀಳಿಗೆಯ ಏಳಿಗೆಗೆ ಪಣತೊಟ್ಟು
ಬಾಳ ನೊಗಕೆ ಹೆಗಲುಕೊಟ್ಟ
ಪರಸ್ಪರರ ಅರಿತಂತಿಹರು....
ಆ ಚಿರಯೌವ್ವನಿಗರು

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.5 (2 votes)
To prevent automated spam submissions leave this field empty.