ಜೈ ಜವಾನ್ - ಜೈ ಕಿಸಾನ್

4

ಚಿತ್ರ ಕೃಪೆ: ವಿಕೀಪೀಡಿಯಾ (https://en.m.wikipedia.org/wiki/File:Lal_Bahadur_Shastri_(cropped).jpg)

ಜೈ ಜವಾನ್ ಜೈ ಕಿಸಾನ್
ಮುನ್ನಡೆಯಿತಲ್ಲ ಹಿಂದೂಸ್ತಾನ್
ಕದನದ ಪರಿ ಪರಿ ಸಮ್ಮಾನ
ನಡೆಸಿದನಂತೆ ಶಾಸ್ತ್ರಿ ವಾಮನ ||

ಗೇಣುದ್ದವ ಅಳೆಯಲುಂಟೆ ?
ಗೇಣು ಹಾಕಿಯೆ ದೊಡ್ಡಳತೆ
ಗೋಣಾಡಿಸದೆ ಗಟ್ಟಿ ಎದೆಯೊಡ್ಡಿ
ಮೆಟ್ಟೇ ಸ್ಥೈರ್ಯ ಇನ್ಯಾರಿಗೆ ಬಿಡಿ ! ||

ವರುಷವೆರಡೆ ಆಳಿದರೇನು ?
ಪುರುಷಸಿಂಹ ಬಾಳಿದ ತನು
ಅಳುಕಂಜದೆ ನಡೆದೊತ್ತಿ ಅರಿಗೆ
ಔದಾರ್ಯ ಮತ್ತೆ ತೋರಿದ ಬಗೆ ||

ಕುಬ್ಜ ಕಾಯದಂತೆ ವಯಸು
ಬೇಕಿತ್ತೇನು ಅವನಿಗೂ ಕೂಸು?
ಕಾರ್ಯ ಮುಗಿಸಿ ತತ್ಕಾಯವಳಿದೂ
ಅಸುವಳಿದಳಿಯದ ಘೋಷವಾಕ್ಯವದು ||

ಇಂದಿಗು ಅದೇ ಮಂತ್ರ ಸರಿ
ಜವಾನ್ ಕಿಸಾನ್ ದ್ವಂದ ಪರಿ
ಬಿತ್ತಿ ಬೆಳೆದುದ ಮುತ್ತ ಬಿಡದೆ
ಕಾವಲಾಗಿ ದಂಡು ಸೋದರರೆದೆ ||

 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.
ಲೇಖನ ವರ್ಗ (Category): 

ಪ್ರತಿಕ್ರಿಯೆಗಳು

ಆತ್ಮೀಯ ನಾಗೇಶ ಜಿ, ಶಾಸ್ತ್ರೀಜಿ ಯವರನ್ನು ತುಂಬ ಚನ್ನಾಗಿ ಕಟ್ಟಿಕೊಡುತ್ತ ಸುಂದರ ಸಶಕ್ತ ಕವನವನ್ನು ಹೆಣೆದಿದ್ದೀರಿ. ಈ ದೇಶದ ಧೀಮಂತ ಪ್ರಧಾನಿಯಾದ ಲಾಲ ಬಹಾದ್ದೂರ ಶಾಸ್ತ್ರೀಜಿಯವರನ್ನು ತಾವು ನೆನೆದ ಭಕ್ತಿಗೆ ಧನ್ಯ. ಸರ್, ವಂದನೆಗಳು.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಇಟ್ನಾಳರೆ ನಮಸ್ಕಾರ ಮತ್ತು ಧನ್ಯವಾದಗಳು. ಲಾಲ್ ಬಹದೂರ್ ಶಾಸ್ತ್ರಿಗಳ ಈ ಕಿರು ಕವನಕ್ಕೆ ಪ್ರೇರಣೆಯಾದದ್ದು ಸಂಪದೀಗ ಸಂತೋಷ ಶಾಸ್ತ್ರಿಗಳ, ಗಾಂಧಿ ಕವನಕ್ಕೆ ನೀಡಿದ ಸಣ್ಣ ಕಾಮೆಂಟಿನಿಂದ. ಗಾಂಧಿ ಜಯಂತಿಯ ದಿನವೆ ಲಾ.ಬ.ಶಾಸ್ತ್ರಿಗಳ ಜಯಂತಿಯೆಂದರಿವಾಗಿ ಹೆಣೆದದ್ದು, ನನಗೆ ತಿಳಿದಷ್ಟು ಮಾಹಿತಿ ಸೇರಿಸಿಕೊಂಡು :-)

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ರಾಯರ‌ ಕವನ‌ ಬಲು ಸೊಗಸಾಗಿದೆಯೆಂದರೆ ಚರ್ವಿತ‌ ಚರ್ವಣವಾದರೂ, ಬೇರೆ ದಾರಿ ಇಲ್ವೇ! ಅಲ್ಲಾ ಮಾರಾಯರೇ, ಶಾಸ್ತ್ರೀಜಿ ಬಗ್ಗೆ ಕವನ‌ ಬರೀದಿದ್ರೆ ಈ ಶಾಸ್ತ್ರಿಗೆ ಮಂಡೆ ಬೆಚ್ಚಗಾಗುವುದು ಸರಿಯಲ್ಲವೋ! (ಹಾಗಂದೇಂತ‌ ನನ್ನ‌ ಕುಂಡೆ ಬೆಚ್ಚ‌ ಮಾಡಿದರೆ ತಪ್ಪಾಗ್ತದೆ!) (ಕ್ಷಮಿಸಿ, ಇದು ಪ್ರಾಸಕ್ಕಾಗಿ ಮಾತ್ರ‌,no offense meant)

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಶಾಸ್ತ್ರಿಗಳೆ ನಮಸ್ಕಾರ ಮತ್ತು ಧನ್ಯವಾದಗಳು..:-)

ರಾಮ ರಾಮಾ..! ಆ ಶಾಸ್ತ್ರಿಗಳ ಬಗ್ಗೆ ಬರೆದು, ಈ ಶಾಸ್ತ್ರಿಗಳ ಮಂಡೆ ತಂಪಾಗಿಸಿ, ಇನ್ನೆಲ್ಲೆಲೊ ಪ್ರಾಸದ ಬಾಸುಂಡೆ ಬರಿಸಿಕೊಳ್ಳೊದ್ರಿಂದ ತಪ್ಪಿಸಿಕೊಂಡಂಗಾಯ್ತು. ಒಟ್ಟಾರೆ ಇದು ಸದ್ಯಕ್ಕೆ ಶಾಸ್ತ್ರಿಗಳ ಗುಣಗಾನಕ್ಕೆ ಸುಸಮಯ ಬಿಡಿ - ಲಾಲ್ ಬಹದ್ದೂರ್ ಶಾಸ್ತ್ರಿಗಳ ಜತೆ, ಸಂಪದದ ಸಂತೋಷ್ ಶಾಸ್ತ್ರಿಗಳು, ಕ್ರಿಕೆಟ್ಟಿನ ರವಿ ಶಾಸ್ತ್ರಿಗಳು...

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಶಾಸ್ತ್ರೀಜಿ ನನ್ನ ಮೆಚ್ಚಿನ ನಾಯಕಮಣಿಗಳಲ್ಲಿ ಒಬ್ಬರು. ಆಹಾರದ ಸಮಸ್ಯೆ ನೀಗಿಸಲು ವಾರದಲ್ಲಿ ಒಂದು ಒಪ್ಪತ್ತು ಉಪವಾಸ ಮಾಡಲು ಅವರು ಕರೆ ಕೊಟ್ಟಿದ್ದರು. ಅವರ ಕರೆ ಅನುಸರಿಸಿ ನಾನು ಸುಮಾರು 8 ವರ್ಷಗಳ ವರೆಗೆ ಪ್ರತಿ ಸೋಮವಾರದಂದು ಒಪ್ಪತ್ತು ಉಪವಾಸ ಆಚರಿಸಿದ್ದೆ. ನಂತರದಲ್ಲಿ ಮಧುಮೇಹ ರೋಗ ನನ್ನ ಈ ವ್ರತ ನಿಲ್ಲಿಸಿತು. ಇವರ ಸಾವಿನ ಹಿಂದೆ ರಷ್ಯ ಕಮ್ಯುನಿಸ್ಟರ ಮತ್ತು ನಮ್ಮವರೇ ಆದ ಬೆನ್ನಿಗೆ ಚೂರಿ ಹಾಕುವವರ ಸಂತತಿಯ ಕರಾಳ ಕೈವಾಡವಿದೆ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಕವಿಗಳೆ ಪ್ರತಿಕ್ರಿಯೆಗೆ ನಮಸ್ಕಾರ ಮತ್ತು ಧನ್ಯವಾದಗಳು. ಅಲ್ಪಕಾಲದ ಅಧಿಕಾರದಲ್ಲೂ ಧೀರ್ಘಕಾಲದ ಪ್ರಭಾವ ಬೀರಿದ ಕೆಲವ ವ್ಯಕ್ತಿತ್ವಗಳಲ್ಲಿ ಶಾಸ್ತ್ರಿಗಳು ಒಬ್ಬರು. ಅವರನ್ನು ನೆನೆಯುವ ದಿನ ಮತ್ತು ಕಾರ್ಯಕ್ರಮಗಳು ಅಪರೂಪವೆನಿಸುತ್ತದೆ - ಈ ಹುಟ್ಟುಹಬ್ಬವು ಗಾಂಧಿಜಯಂತಿಯ ಜತೆ ಸೇರಿ ಗೌಣವಾಗಿಬಿಡುವ ಹಾಗೆ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.