ಬ್ಲಾಗಿನ ಚೀಲ !

5

ಬ್ಲಾಗೆಂಬ ಜೋಳಿಗೆ ತುಂಬ
ಎಳ್ಳು ಜೊಳ್ಳು ಕಾಳೆಲ್ಲ ತುಂಬ
ತುಂಬುತುಂಬುತ ಹರಿದ ಧಾರೆ
ಹೂವ್ವಂತೆ ಅರಳಿದರೆ ಕೆಂದಾವರೆ ||

ಬಾಗಿಲು ತೆಗೆದಾ ಹಾಗೆಲ್ಲ
ಮನಕದ ತಟ್ಟಿ ಪದಗಳ ಪಲ್ಲ
ಪಲ್ಲವಿಸುತ ಪರಿಮಳಿಸುತಲೆಲ್ಲ
ಪಸರಿಸಿದಂತೆ ಗೊನೆ ಗೊನೆ ಸಾಲ ||

ಹುಳು ಹೊಡೆದು ಬಿಟ್ಟವೊ
ಮುಟ್ಟದೆಲೆ ಕನ್ನಿಕೆಯಾಗಿಟ್ಟವೊ
ಪೇರಿಸಿಟ್ಟ ಜಗದಿ ಹುಡುಕಿ ಜಾಗ
ತಾವುಳಲು ತಾವೆ ಹೊತ್ತಾವೆ ನೊಗ ||

ಚೀಲ ತುಂಬಿ ತುಳುಕುತಿದೆ
ಇಣುಕಿ ಹೆಕ್ಕಿ ಮುಕ್ಕುವರಿಲ್ಲದೆ
ಮೆದ್ದು ನೋಡಲೆ ತಾನೆ ಸೊಗಸು
ಅರಿವಾಗುವ ನಿಜಾಯತಿ ಹೊಂಗನಸು ||

ಇದ್ದರು ಕಾಗುಣಿತ ಕುಣಿತ
ಒಟ್ಟಾರೆ ಸುಸಂಗತದಾ ಗಣಿತ
ಅಂದುಕೊಂಡೆ ತುಂಬಿಸುತಿದೆ ಬಳ್ಳ
ಕದ್ದು ಕಾದಿದೆ ಫಲಿತಕೆ ಮನದೊಳ ಕಳ್ಳ ||

ಧನ್ಯವಾದಗಳೊಂದಿಗೆ / ನಾಗೇಶ ಮೈಸೂರು

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.
ಲೇಖನ ವರ್ಗ (Category): 

ಪ್ರತಿಕ್ರಿಯೆಗಳು

ನಾಗೇಶ್ ಜಿ, ಬ್ಲಾಗಿನ ಚೀಲ, ತುಂಬ ಕಾವ್ಯಮಯವಾಗಿದೆ,. ಹೊಸ ಹೊಸ ಪದ ಪ್ರಯೋಗ ಇಷ್ಟವಾಯಿತು. ದಿನವೂ ಸಾಹಿತ್ಯ ಸೇವೆ ಒದಗಿಸುತ್ತಿರುವ ತಮಗೆ ಸಂಪದಿಗನಾಗಿ ನಿಜಕ್ಕೂ ಸಲಾಮ್

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಇಟ್ನಾಳರೆ ನಮಸ್ಕಾರ. ಅಂತರ್ಜಾಲದಿಂದಾಗಿ ಅಸಂಖ್ಯಾತ ಕನ್ನಡ ಬ್ಲಾಗುಗಳ ಜೋಳಿಗೆ ತುಂಬಿ ತುಳುಕುವ ಕಾಲವಿದು. ಅದರ ಕುರಿತು ಆಲೋಚಿಸುತ್ತಿದ್ದಾಗ ಬಂದ ಲಘು ಲಹರಿಗೆ ಪದರೂಪ ಕೊಟ್ಟಿದ್ದೆ ಅಷ್ಟೆ. ನಿಮ್ಮ ಮೆಚ್ಚಿಕೆಗೆ ಧನ್ಯವಾದಗಳು :-)

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ತುಂಬುತಿಹುದು ಬ್ಲಾಗ ಜೋಳಿಗಿ
ಹಂಚಿರೆಲ್ಲರಿಗೆ ಸಿಹಿಯ ಹೋಳಿಗಿ!!

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಇನ್ನು ಹತ್ತಾರು ಜೋಳಿಗೆ ತುಂಬುವಷ್ಟಿದೆ ಕವಿಗಳೇ, ಸವಿದು ಆಸ್ವಾದಿಸುವ ಸಹೃದಯ ಓದುಗರಿದ್ದರೆ ಸರಿ, ಹೋಳಿಗೆ ಹಂಚುವುದೇನು ಕಷ್ಟವಲ್ಲ ಬಿಡಿ, ಖಂಡುಗ ಮಾಡಿ ಬಡಿಸಬಹುದು :-) ನಿಮ್ಮ 'ಸಿಹಿ' ಪ್ರತಿಕ್ರಿಯೆಗೆ ಧನ್ಯವಾದಗಳು !

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.