ಮುದ್ದು ಗಣಪ

0

ಬಂದ ನೋಡು ಚಂದದಿಂದ ಮುದ್ದುಗಣಪ ಮನೆಗೆ
ತನ್ನ ಭಕ್ತರನ್ನು ನೋಡಲೆಂದು ಕೈಲಾಸದಿಂದ ಧರೆಗೆ
ಹೂವು ಪತ್ರೆ ಏನು ಬೇಡ ಎನ್ನುತ್ತಿರುವ ಪೂಜೆಗೆ
ಸ್ವಲ್ಪ ಭಕ್ತಿ ನೀಡಿ ಮನದಿ ಹರಸುವನು ಎಲ್ಲರಿಗೆ

ಸಣ್ಣ ಇಲಿಯ ಮೇಲೆ ಕುಳಿತು ಲೋಕವ ಸಂಚರಿಪನು
ತಂದೆ-ತಾಯಿ ಸುತ್ತಿ ಬಂದು ಜಗವೇ ಅವರೆಂದನು
ಸಕಲ ವಿದ್ಯೆಗಳಿಗೆ ಗುರು ಇವನು ವಿದ್ಯಾವಿನಾಯಕನು
ಸರ್ವ ಸಂಕಷ್ಟಗಳನ್ನು ನಾಶಮಾಡುವ ವಿಘ್ನರಾಜನು

ಎಷ್ಟು ಬಾರಿ ನೋಡಿದರೂ ಮನಕೆ ಮತ್ತೆ ನೋಡುವಾಕರ್ಷಣೆ
ಏನೇ ಇರಲಿ ಪ್ರಥಮ ಪೂಜೆ ನಿನ್ನ ಪಾದಕರ್ಪಣೆ
ಭಕ್ತಿಯಿಂದ ನಿನ್ನ ಭಜಿಪಗೆ ಸಿಗುವುದೆಲ್ಲ ಮನ್ನಣೆ
ದುಷ್ಟತನದಿ ಮೆರೆಯುವವರಿಗೆ ಎಂದೂ ಇಲ್ಲ ನಿನ್ನ ರಕ್ಷಣೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.