ಲಡಾಯಿ ಮರೆತ ವೀರರು

0

ಲಡಾಯಿ ಮರೆತ ವೀರರು

ತೂರಿ ಬಂದ ಗಾಳಿಯಲ್ಲಿ
ತೇಲಿ ಹೋದಿರೆಲ್ಲಿಗೆ?
ಚಿಗುರು ಮೂಡಿ ಬಂದ ವನಕೆ
ತಿಮಿರ ಹಾಸಿ ಮೆಲ್ಲಗೆ.

ಕಣಿವೆ ಬಿಟ್ಟು ಬೆಟ್ಟ ತುದಿಗೆ
ಧ್ವಜವ ನೆಟ್ಟ ನಿಮಗೆ,
ಕಷ್ಟವಾಯ್ತೆ ದಾರಿ ಕೋಲು
ಕೊಟ್ಟು ನಡೆಸಲೆಮಗೆ?

ಕಷ್ಟ ಪಟ್ಟು ಹುತ್ತ ಕಟ್ಟಿ
ಹಾವು ತಂದಿರೇತಕೆ?
ಕತ್ತಿಯದರ ಕೈಗೆ ಕೊಟ್ಟು
ತುಕ್ಕು ಹಿಡಿದಿರೇತಕೆ?

ಲಡಾಯಿ ಮರೆತ ವೀರರು ನೀವು
ಸೋಲಿಸಿದ್ದು ನಮ್ಮನು
ಹಬ್ಬಿ ನಿಂತ ವಿಷದ ಕೀವು
ಕರಗಿಸಿದ್ದು ದೇಶವನು,
ಕರಗಿಸಿದ್ದು ದೇಶವನು.

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.
ಲೇಖನ ವರ್ಗ (Category):