ಸಾಗಲಿ ಪಯಣ

4.88889

ನಡೆಯುವಾಗ ಎಡವುದು ಸಹಜ
ಓಡುವವ ಬೀಳುವುದೂ ಸಹಜ
ಬಿದ್ದವಗೆ ಕಾಡುವ ಭಯ ಸಹಜ
ಮತ್ತೆ ಏಳುವುದಾಗಬೇಕು ಸಹಜ

ನೂರು ನಲಿವುಗಳ ಮರೆವುದೇಕೆ
ಮೂರು ನೋವುಗಳ ನೆನೆವುದೇಕೆ
ಬೇಡದ ಚಿಂತನೆ ಬಿಡಬಾರದೇಕೆ
ನಂಬಬೇಕು ಜೀವನ ಸಾಗಲೀಕೆ

ಹೃದಯದ ಭಾರ ಹೆಚ್ಚಿರಬಹುದು
ಮನದೊಳು ಕೆಚ್ಚು ಹತ್ತಿರಬಹುದು
ಬಾಳಾಟದಿ ಹೆಚ್ಚೇ ಕಾಡಿರಬಹುದು
ಸವಿನೆನಪೇ ಮುಗಿಲ ತೋರಬಲ್ಲುದು

ತಲೆಯಲ್ಲಿನ ದುಗುಡಗಳ ಬದಿಗೊತ್ತಿ
ಹೃದಯದಿ ಆನಂದದ ಬತ್ತಿಯ ಹಚ್ಚಿ
ಯೋಚನೆಗಳ ಹಗುರಾಗಿ ಹಾರಿಸಿ
ಪಯಣವ ಸಾಗಿಸಿ ಆರ್ದ್ರತೆ ಒರೆಸಿ

- ಸಚಿನ್. ಎಲ್. ಎಸ್

(Photo credit : Google)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.9 (9 votes)
To prevent automated spam submissions leave this field empty.