ಹತ್ತಾದ ಹೊತ್ತಲ್ಲಿ...

4.666665

ಸಂಪದದ ಹತ್ತರ ಮೌನ ಸಂಭ್ರಮಕ್ಕೆಂದು ಬರೆದಿದ್ದ ತುಣುಕು ಈ ಹತ್ತಾದ ಹೊತ್ತಲ್ಲಿ. ಗದ್ದಲದ ಸದ್ದು ಮಾತ್ರ ಮೊಳಗುವ ಈ ಆಧುನಿಕ ಜಾಗತಿಕ ಗೋಮಾಳದಲ್ಲಿ, ಮೌನ ಸಾಧಕರ ಭಾವ ವಿನಿಮಯಕ್ಕೊಂದು ಸೇತುವೆಯಾಗಿ, ವೇದಿಕೆಯಾಗಿ ಸಂಪದ ನಿರ್ವಹಿಸುತ್ತಿರುವ ಭೂಮಿಕೆ ಮಾತಿನಲ್ಲಿ ಹೇಳಿ ತೀರದ ವ್ಯಾಪ್ತಿಯುಳ್ಳದ್ದು. ಕನ್ನಡಿಗರ ಹುಟ್ಟುಗುಣವೇ ಹಾಗೆ -  ತಮ್ಮ ಜಾಗಟೆಯನ್ನು ತಾವೆ ಬಾರಿಸದೆ ಹೂವಿನ ಪರಿಮಳ ತಾನಾಗಿಯೆ ಪಸರಿಸುವಂತೆ ನೈಸರ್ಗಿಕವಾಗಿ ಹರಡಲೆಂದು ಸುಮ್ಮನಿರುತ್ತಾರೆಯೆ ಹೊರತು, ಕೊಂಬು ಕಹಳೆ ಹಿಡಿದು ಜಗಕ್ಕೆ ಸಾರಲು ಜೊರಡುವುದಿಲ್ಲ ತಮ್ಮ ಸಾಧನೆಗಳ ಪೂರ ಸಾಗರದಷ್ಟಿದ್ದರು. ಸಂಪದ ಕೂಡ ಇದಕ್ಕಿಂತ ಭಿನ್ನವೇನಿಲ್ಲವೆನ್ನುವ ನಿಜದ ಬಗಲಲ್ಲೆ ಆ ಮೌನ ಸಂಭ್ರಮಕ್ಕೊಂದು ಮೌನ ಅಭಿನಂದನೆ ಸಲ್ಲಿಸುತ್ತ ಅವಿರತದೆ ಬೆಂಬಲಿಸಿ ಸಹಕರಿಸುತ್ತ ಸಾಗುವ ಎನ್ನುವ ಅಭಿಲಾಷೆ, ಆಶಯದೊಂದಿಗೆ ಈ ಪುಟ್ಟ ಕವನ ಸಂಪದ ಬಳಗಕ್ಕೆ ಸಮರ್ಪಿತ - ಕನ್ನಡಿಗರ ಹೃದಯಪೂರ್ವಕ ಕೃತಜ್ಞತೆಯ ಕುರುಹಾಗಿ. 

ಹತ್ತಾದ ಹೊತ್ತಲ್ಲಿ...
___________________

ಹತ್ತಾಯಿತು
ಹತ್ತಿದ್ದಾಯಿತು
ಹತ್ತೇನಲ್ಲ ತೀರ ಹತ್ತಿರ
ತಲೆಗೆ ಹತ್ತಲಿಲ್ಲ ಎತ್ತರ
ಹತ್ತರ ಸಂಭ್ರಮದ ಸ್ವರ ||

ಸಿರಿ ಸಂಪದ
ಸರಿ ಸೊಂಪಾದ
ಪದಗಳಲೆ ಇಟ್ಟ ಪಾದ
ಪಾದಗಳ್ಹೆಜ್ಜೆ ವಾಮನನದ
ಅಳೆದ ಕನ್ನಡ ಜಯಪ್ರದ ||

ಒಂದು ದಶಕ
ಹತ್ತಾಗೆ ಶತಕ
ಅಡಿಗಲ್ಲ ಹಾಕಿದ ಜೋರು
ಹತ್ತು ನೂರಾದ ಚಿಗುರು
ಮರೆಯದಂತೆ ಹಳೆ ಬೇರು ||

ಅಂಬೆಗಾಲ ಕಂದ
ಕತ್ತಲಲೆ ಮುನ್ನುಗ್ಗಿದ
ಆಡಲಿರಲಿಲ್ಲ ಜತೆಗೆ ಏಕಾಂಗಿ
ಬಿಡಲೊಲ್ಲದ ಛಲದೆ ಮುನ್ನುಗ್ಗಿ
ಹುರಿದುಂಬಿಸಿ ಮಿಕ್ಕವರಿಗು ಸುಗ್ಗಿ ||

ದಶಕದಾ ಮಗ್ಗಿ
ವಿನಯ ತಗ್ಗಿ ಬಗ್ಗಿ
ಕನ್ನಡತೆ ಸಹೃದಯದ ಸಾರ
ಬೊಬ್ಬಿಡದ ಕರ್ತವ್ಯದ ಭಾರ
ಮೌನ ಸಾಧನೆಯ 'ದಶ'ರ ||

-------------------------------------------------- 
ನಾಗೇಶ ಮೈಸೂರು, ಸಿಂಗಪುರ
--------------------------------------------------
 

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
To prevent automated spam submissions leave this field empty.
ಲೇಖನ ವರ್ಗ (Category): 

ಪ್ರತಿಕ್ರಿಯೆಗಳು

ಸಂಪದಕ್ಕೆ ಶುಭವಾಗಲಿ, ಅದರ ಕಂಪು ಎಲ್ಲೆಡೆಗೆ ಪಸರಿಸಲಿ.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಧನ್ಯವಾದ ಕವಿಗಳೆ ಸಂಪದದ ಕಂಪನ್ನು ಪಸರಿಸುವಲ್ಲಿ ನಿಮ್ಮ ನಿರಂತರ ಕಾಣಿಕೆಗೂ ಸೇರಿದಂತೆ :-)

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಕನ್ನಡಿಗರ ಹುಟ್ಟುಗುಣವೇ ಹಾಗೆ - ತಮ್ಮ ಜಾಗಟೆಯನ್ನು ತಾವೆ ಬಾರಿಸದೆ ಹೂವಿನ ಪರಿಮಳ ತಾನಾಗಿಯೆ ಪಸರಿಸುವಂತೆ ನೈಸರ್ಗಿಕವಾಗಿ ಹರಡಲೆಂದು ಸುಮ್ಮನಿರುತ್ತಾರೆಯೆ ಹೊರತು, ಕೊಂಬು ಕಹಳೆ ಹಿಡಿದು ಜಗಕ್ಕೆ ಸಾರಲು ಹೊರಡುವುದಿಲ್ಲ +೧. ಇದನ್ನೇ ಬಹಳ ಸೊಗಸಾಗಿ ನಿಮ್ಮ ಕವನದಲ್ಲಿ ನಿರೂಪಿಸಿದ್ದೀರಿ ನಾಗೇಶರೆ, ಧನ್ಯವಾದಗಳು.

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ಶ್ರೀಧರರೆ ನಮಸ್ಕಾರ ಮತ್ತು ಧನ್ಯವಾದಗಳು :-) ನಿಮ್ಮನ್ನು ಬಹಳ ದಿನದಿಂದ ಕಾಣಲೆ ಇಲ್ಲ.. ಲಲಿತಾರಾಧನೆಯ ಆಧ್ಯಾತ್ಮಿಕ ಹಾದಿ ಹಿಡಿದು ತುಂಬಾ ಬಿಜಿಯಾಗಿಬಿಟ್ಟಿದ್ದೀರೇನೊ ಎಂದುಕೊಂಡಿದ್ದೆ; ಅಥವಾ ಇನ್ನಾವುದನ್ನೊ ಬರೆಯುವ ಸಿದ್ದತೆಯಲ್ಲಿ ಮುಳುಗಿಹೋಗಿದ್ದಿರೊ ಏನೊ?

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ನನ್ನ ಬಗೆಗಿನ ಕಾಳಜಿಗೆ ಧನ್ಯವಾದಗಳು ನಾಗೇಶರೆ. ಆಧ್ಯಾತ್ಮದ ಹಾದಿಯಲ್ಲೇನೂ ಬ್ಯುಸಿಯಾಗಿರಲಿಲ್ಲ. ಅದೇನೋ ತಿಳಿಯದು ನನಗೆ ಒಂದು ವಿಧವಾದ ನಿದ್ರಾವಸ್ಥೆಯ (ಜಡತ್ವದ ಸ್ಥಿತಿ) ಉಂಟಾಗಿ ಬಿಡುತ್ತದೆ ಕೆಲವೊಮ್ಮೆ :( ಮತ್ತೆ ಈಗ ಸಂಪದದಲ್ಲಿ ಬೇರೆ ವಿಧವಾಗಿ ಸಕ್ರಿಯನಾಗುತ್ತೇನೆ. .

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.

ನೀವು ಹೇಳುತ್ತಿರುವ ಜಡತ್ವ 'ಪರಬ್ರಹ್ಮ'ದ ಸಹಜ (ಟ್ರೇಡ್ಮಾರ್ಕ್) ಸ್ಥಿತಿಯಲ್ಲವೆ? ಮತ್ತೆ ಕ್ರಿಯಾಶೀಲವಾಗಲಿಕ್ಕೆ ಶಕ್ತಿಯ ಚೇತನ ಬೇಕೆ ಬೇಕಲ್ಲಾ? ನಿದ್ರಾವಸ್ಥೆಯಲ್ಲಿ ಆ ಶಕ್ತಿಯ ಚೇತನ ಹೀರಿ ಸಚೇತನವಾಗಿ ಬಂದಿರುವಿರಾಗಿ ಮತ್ತೆ ಲವಲವಿಕೆಯಿಂದ ಸಕ್ರೀಯರಾಗಬಹುದು ಬಿಡಿ :-)

ನಿಮಗೆ ಈ ಪ್ರತಿಕ್ರಿಯೆ ಇಷ್ಟವಾಯಿತೇ? ತಿಳಿಸಿ: 
ನಿಮಗೆ ಈ ಪ್ರತಿಕ್ರಿಯೆ ಹೇಗನಿಸಿತು? ತಿಳಿಸಿ!
To prevent automated spam submissions leave this field empty.