‍ಲೇಖಕರ ಬರಹಗಳು

’ಅವನು’ 
ದಿಕ್ಕು ಬದಲಿಸುವಾಗ
ಬದಲಿಸಿ ಸಾಗುತ್ತಲೇ ಇರುವಾಗ
ಹೆದರದಿದ್ದೀತೆ ಜಗ!
 
ದಕ್ಷಿಣವನು ಮುಟ್ಟಿದಾಗ
ಮುಂದೆ ಸಾಗಿಬಿಟ್ಟಾನೆಂಬ 
ಭಯದುದ್ವೇಗ!
 
ಮುಂದೇನು?
ಅಂತ್ಯವಾದರೆ ಯುಗ!
 
ಅವನು 
ಅವನಿಯ ನಲ್ಲ 
ಬಿಡಲೊಲ್ಲ!
 
ಜಾಡ ಹಿಡಿದ
ಹಿಂತಿರುಗಿದ
ಹಿಮ ಕರಗಿಸುತ್ತ 
ಮೋರೆ ಬೆಳಗಿಸುತ್ತ
 
ಅದೇ ಸಂಕ್ರಮಣ 
ಪಥ ಬಿಡದ ಚಲಿತ
ಜನ ಹಿತನು  
ಜಗ ಹೃದಯನು
ಮಿಗಿಲ ವಂದ್ಯನು
ಸಂಕ್ರಾಂತಿ ಪುರುಷನು
 
(Pic courtesy: Pixel)

ಊರಿದ ಊರಿಂದ ಹಿಡಿದೊಂದು ವಾಹನ 
ಉದ್ದಕ್ಕೂ ಹರಿದ  ಹಿರಿದಾರಿ ಮುಗಿಸಿ  
ನಡಿಗೆಯಲಿ ಕಿರು ಹಾದಿಯಲಿ ಸರಸರ 
ಅಂಕುಡೊಂಕ ಕೆಲ ದೂರ ಸವೆಸಿ 
ಉಸ್ಸೆಂದು ನಿರಾಳ ನಿಂತಲ್ಲಿ ಕಾಲು
ಕಾಣುವುದು ಆ  ಹಳೆಯ ಹಳ್ಳಿ ಸೂರು!
 
ದಾರಿಯುದ್ದಕೂ
ಅಲ್ಲಿ ಇದ್ದೀತೊ ಇಲ್ಲವೋ ಭಾರೀ ಗುಡ್ಡ
ಸಣ್ಣ ದರಿ ಝರಿ ತೊರೆ ಕೆರೆ ಹೊಳೆ 
ಹಸಿರ ಗಿಡ ; ಮೈತಾಗಿ ನಗಿಸುವ ಗಿಡಗೆಂಟೆ
ಬದು-ಭತ್ತ ತೂಗುತೆಂಗು 
ತೆನೆರಾಗಿ ಗೊನೆಬಾಳೆ  
ಸಾಗಿ ಕಾಲು ದಾರಿ ಮುಗಿಸೆ ಕಂಡೀತು
ಹೊಸತೆಂದೋ ಆಗಿದ್ದ ಒಕ್ಕಲು
ಅದು ಮೂಡು ಯಾ ಪಡುವಣ  
ತೆಂಕು ಯಾ ಬಡಗ ಮನೆ 
ಗೂಡು ಹಕ್ಕಿಗಳರಮನೆ
ಹಳೆನೆನಪಿಗೆ ಹೊಸತಾಗುವ 
ತೂಗು ಉಯ್ಯಾಲೆ ಮೇನೆ!
 

                       (ಗಝಲ್)
 
ನೀನು ಏಳುವ ಮುನ್ನವೇ ಎದ್ದು ಸದ್ದಿಲ್ಲದೆ
ಕಾಫ಼ಿ ಗುಟುಕರಿಸಿ ನಿನಗೂ ತಂದಿದ್ದೇನೆ ಏತಕೀ ಮುನಿಸು
 
ಕೈದೋಟದಿಂದ ಅರಳಿದ ಹೂಗಳ ತಂದು
ಪೂಜೆಗಲ್ಲದೆ ನಿನ್ನ ಮುಡಿಗೂ ಮಿಗಿಸಿದ್ದೇನೆ ಏತಕೀ ಮುನಿಸು
 
ಹರಡಿ ಚೆಲ್ಲಾಪಿಲ್ಲಿ ಬಿದ್ದ ನಿನ್ನ ವರ್ಣವಸ್ತ್ರಗಳನ್ನು
ಬೇಸರಿಸದೆ ಒಪ್ಪ ಓರಣವಾಗಿರಿಸಿದ್ದೇನೆ ಏತಕೀ ಮುನಿಸು
 
ಜಳಕ ಮುಗಿಸಿದ್ದೇನೆ ಪೂಜೆಗೂ ಕುಳಿತೆ