ಇತ್ತೀಚೆಗೆ ಸೇರಿಸಿದ ಪುಟಗಳು

ಅಣಕ ಹಾಡು - ಬಿಡುವೆನೇನಯ್ಯ ಮೊಬೈಲು

ಬಿಡುವೆನೇನಯ್ಯ ಮೊಬೈಲನು, ನಾನು,
ಬಿಡುವೆನೇನಯ್ಯ. ||

ಬಿಡುವೆನೇನೋ ಮೊಬೈಲೇ ನಿನ್ನ
ಅಡಿಗಡಿಗೆ ತಡುಕುವೆನಯ್ಯ
ನೆಟ್ವರ್ಕ್ ತಾನು ಇಲ್ಲದ ಇರಲು
ತಡ ಮಾಡದೆ ಮಿಡುಕುವೆನಯ್ಯ ||

ಮಧ್ಯರಾತ್ರಿಯು ಮೀರಿದರೇನು
ಕಣ್ಣ ರೆಪ್ಪೆ ಎಳೆದರೆ ಏನು
ಕೈ ಯೇ ಸೋತು ನೊಂದರೆ ಏನು
ಕೈಲಿನ ಮೊಬೈಲು ಬೀಳುವ ತನಕ||

ಸದನದಿ ನಾನು ಕುಳಿತರೆ ಏನು
ಮಸಣದಿ ನಾನು ನಿಂತರೆ ಏನು
ದೇವನ ಮುಂದೆ ಬಾಗಿದರೇನು
ರೋಡಲಿ ಗಾಡಿಗೆ ಸಿಲುಕುವ ತನಕ ||

ಬಿಡುವೆನೇನಯ್ಯ ಮೊಬೈಲನು, ನಾನು ಬಿಡುವೆನೇನಯ್ಯ||

(ಪುರಂದರದಾಸರ 'ಬಿಡುವೆನೇನಯ್ಯ , ಹನುಮ ನಿನ್ನ' ಕೃತಿಯನ್ನು ಅನುಸರಿಸಿ )

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಕನ್ನಡಿಸಿದ ಹಾಡು - ಹೊರಳುತಲೇ ಇದ್ದೆ ನಾನು ರಾತ್ರಿ ಎಲ್ಲವೂ

ಮೂಲ ಹಾಡನ್ನು ಇಲ್ಲಿ - https://youtu.be/G6pt7nij6WQ - ನೋಡಿಕೊಂಡು ಬನ್ನಿ - ಕೆಳಗಿನ ನನ್ನ ಅನುವಾದವನ್ನು ಅದೇ ಧಾಟಿಯಲ್ಲಿ ಹಾಡಲು ಪ್ರಯತ್ನಿಸಿ!!)

ಹೊರಳುತಲೇ ಇದ್ದೆ ನಾನು ರಾತ್ರಿ ಎಲ್ಲವೂ
ನಿನ್ನ ಆಣೆಗೂ , ನಿನ್ನ ಆಣೆಗೂ I
ಚಿಂತೆ ಬಿಡು , ಅಗಲಿಕೆಯು ಬೇಗ ಮುಗಿವುದು
ನಿನ್ನ ಆಣೆಗೂ , ನಿನ್ನ ಆಣೆಗೂ II

ನಿನ್ನ ನೆನಪು ತನ್ನ ಜತೆಗೆ ತರುವುದು ತಾ ನೋವನು
ಕಣ್ಣು ಮುಚ್ಚಾಲೆ ನಿದಿರೆ ಜತೆಗೆ ರಾತ್ರಿಯೆಲ್ಲವೂ
ರಾತ್ರಿಯಿಡೀ ವೈರಿ ನನಗೆ ತಿಂಗಳ ಬೆಳಕು
ಬೆಂಕಿಯಂತೆ ಸುಡುತಲಿತ್ತು ಇಬ್ಬನಿ ಹನಿ
ನಿನ್ನ ಆಣೆಗೂ , ನಿನ್ನ ಆಣೆಗೂ ||

‍ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.

llಪ್ರೇಮ ಪ್ರಾಸll

ಮುಖದಲ್ಲಿ ಹಾಗೆಯೆ ಮುಗುಳು ನಗೆ ಮೂಡುವುದು
ನಾ ನಿನ್ನ ಸನಿಹವಿರುವಂತೆ ಕಲ್ಪಿಸಿಕೊಂಡು
ನನ್ನ ಕಣ್ಣ ಕಾಂತಿ ಹೆಚ್ಚಾದಂತೆ ಕಾಣುವುದು
ದಿನವೂ ನೀನು ನನ್ನ ಕನಸಿನಲ್ಲಿ ಕಾಣಿಸಿಕೊಂಡು

ಉಸಿರಾಟವೇಕೋ ಏರುಪೇರಾದಂತಿದೆ
ನಿನ್ನ ಉಸಿರು ನನಗೆ ಸೋಕದೆ
ಹೃದಯ ಬಡಿತವೇ ಆಗಾಗ ನಿಲ್ಲುತ್ತಿದೆ
ನಿನ್ನ ಹೃದಯದ ಮಿಡಿತ ಕೇಳಿಸದೆ

ಕನಸಿನಲ್ಲಿ ನೀನು ಜೊತೆಗಿರಲು ನಾನು ಒಂಟಿತನ ಮರೆತೆ
ಮಂದಹಾಸದಿ ಪ್ರಾಸ ನೀಡುವ ನೀನೊಂದು ಪ್ರೇಮ ಚರಿತೆ

ಕಣ್ಣ ರೆಪ್ಪೆಯು ಮುಚ್ಚಲೊಲ್ಲೆ ಎನ್ನುತ್ತಿದೆ
ನಿನ್ನ ನೋಟದ ಊಟ ಸಿಗದೆ
ಮನದಲ್ಲಿ ವಿರಹದ ಕಿಡಿ ಕಿಚ್ಚಾಗಿ ಉರಿದಿದೆ
ನಿನ್ನ ಸಲುಗೆಯ ಸರಸವಿರದೆ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ನಾ ಬರೆಯದ ಕಥೆ

ಖಾಲೀ ಪುಸ್ತಕದ ಕೊನೆಯ ಪುಟದಲಿ
ಬರೆದ ಹೆಸರು ನಿನ್ನದು…
ಮರೆಯ ಬಯಸಿದ ಬಾಳ ಕಥೆಯಲಿ
ನೆನಪಿಗೊಡೆತನ ನನ್ನದು...

ಕೃತಕ ಕಥೆಯಲಿ ಕಳೆದೆ ನಾನು
ನನ್ನ ಕನಸಲಿ ಕಂಡ ಆಸೆಗೆ...
ಕಥೆಯ ಕೃತಕತೆ ಅರಿತಮೇಲೆಯೂ
ಮುಗಿಸಲಾರೆ ನೋವುಮಾಡಿ ಮನಸಿಗೆ...

ಮನದ ಒಳಗಿನ ನೂರು ಭಾವವ
ಗೀಚಲಾರದೆ ಹೋದೆನು...
ನನ್ನ ಹತ್ತಿರ ಎಂದೂ ಬಾರದ
ನಿನಗಾಗೇ ನಾ ಕಾದೆನು...

ನನ್ನ ಕಥೆಯ ಖಾಲೀ ಪುಟಗಳೆ
ನನ್ನ ಮನಸಿಗೆ ಹಿಡಿದ ಕನ್ನಡಿ...
ಕಥೆಯು ಬಹಳ ದೊಡ್ಡದಿದ್ದರೂ
ಬರೆಯಲಾರದೆ ಹೋದೆ ಮುನ್ನುಡಿ...

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

llನಿರಾಳll

ಬಿಡಲಾಗುತ್ತಿಲ್ಲ ಈ ಬರೆಯುವ ಚಟ
ಮನಸೇಕೋ ಮೆಲ್ಲನೆ ಮಾಡುತ್ತಿದೆ ಹಠ

ಒಂದೊಂದೇ ಪದಗಳು ಈಗ
ಮನದೊಳಗಿನಿಂದ ಹೊರಗೆ ಬರುತ್ತಿದೆ
ನಾನೆಂದೆಂದೂ ನೋಡಿರದಂತಹ
ನನ್ನನ್ನೇ ನನಗೀಗ ಪರಿಚಯಿಸುತ್ತಿದೆ

ಲೇಖನಿ ಹಿಡಿಯುವಂತೆ ಮಾಡಿದೆ
ಭಾವನೆಯು ನದಿಯಾಗಿ ಹರಿದಿದೆ
ನೆಮ್ಮದಿಯು ನಿಟ್ಟುಸಿರಿನಲ್ಲಿ ಗೋಚರಿಸಿದೆ

ಹಿಂದೆಂದೋ ನಡೆದ ಘಟನೆಗಳ
ನೆನಪೆಲ್ಲ ಗಡಿಪಾರು ಮಾಡಿಯಾಗಿದೆ
ಮುಂದೇನೋ ಎಂಬ ಚಿಂತೆಗಳ
ಸುಳಿವೇ ಸ್ವಲ್ಪವೂ ಇಲ್ಲವಾಗಿದೆ

ತನುವೀಗ ತುಸು ಹಗುರವಾಗಿದೆ
ಕನಸೀಗ ಹೊಸ ರೂಪ ಪಡೆದಿದೆ
ಹುರುಪೀಗ ಮೈಮನಸ್ಸನ್ನೆಲ್ಲಾ ಆವರಿಸಿದೆ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ದಸರಾ ಸಡಗರ

ಬಂತು ನಮ್ಮ ನಾಡಿಗೆ ಶರನ್ನವರಾತ್ರಿಯ ಸಡಗರ
ನವದುರ್ಗೆಯರ ಪೂಜೆ ನೋಡಲು ನಯನ ಮನೋಹರ
ನಿತ್ಯ ಶಾಲೆಗೆ ರೋಗುತಿದ್ದ ಮಕ್ಕಳಿಗೆ ರಜೆಯ ಸಂಭ್ರಮ
ಮುಚ್ಚಿ ಬಚ್ಚಿಟ್ಟ ಬೊಂಬೆಗಳ ಅಲಂಕಾರ ನೋಡಲು ವಿಹಂಗಮ

ಕನ್ನಡ ನಾಡಲ್ಲಿ ಈ ನವರಾತ್ರಿಯೇ ದಸರಾ
ದಸರಾ ಎಂದರೆ ನೆನಪಾಗುವುದೇ ಮೈಸೂರು ನಗರ
ಕಂಗೊಳಿಸುವುದು ಹೊದ್ದು ವಿದ್ಯುದೀಪಾಲಂಕಾರ
ನೋಡಲೆರಡು ಕಣ್ಗಳು ಸಾಲದು ಸಂಸ್ಕೃತಿಯ ತವರೂರ

ನವರಾತ್ರಿಯಲಿ ನಡಯುವುದು ದಿನಕೊಂದು ಉತ್ಸವ
ದಶಮಿಯಂದು ವಿಶ್ವ ವಿಖ್ಯಾತ ಅಂಬಾರಿ ಮಹೋತ್ಸವ
ಅರಮನೆಯಲಿ ಪ್ರತಿದಿನವೂ ಪೂಜಾ ಕೈಂಕರ್ಯ
ಉತ್ಸವಕೆ ಮುಕುಟವಿದುವೆ ಗಜಪಡೆಯ ಗಾಂಭೀರ್ಯ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

Pages