ಇತ್ತೀಚೆಗೆ ಸೇರಿಸಿದ ಪುಟಗಳು

llಜೊತೆಯಾಗಿll

ಬೀಳುತ್ತಾ ಏಳುತ್ತಾ ಸಾಗುವುದೇ ಈ ಜೀವನ
ಸೋತರೂ ಗೆದ್ದರೂ ನಗುವಿರಲಿ ಓ ಮಾನವ

ಗುರಿ ಕಡೆ ಪಯಣ ಸಾಗುತ್ತಿರಲಿ
ಏನೇ ಆದರೂ ನಿಲ್ಲದೆ
ಎಲ್ಲರ ಮೇಲೂ ಕನಿಕರವಿರಲಿ
ಮಾನವೀಯತೆ ಮರೆಯದೆ

ಮೇಲು ಕೀಳೆಂಬ ಯೋಚನೆಯ
ತೆಗೆದು ಹಾಕು ಮನಸ್ಸಿಂದ
ಎಲ್ಲ ಜೊತೆಯಾಗಿ ಸಾಗಲೇಬೇಕು
ಆಗಲೇ ಅದು ಚೆಂದ

ಕಷ್ಟ ಸುಖಗಳೇನೇ ಬಂದರೂ ಬರಲಿ
ಇರು ನೀನು ನಂಬಿಕೆ ಬಿಡದೆ
ಅಸಹಾಯಕತೆಯು ತುಂಬಿರುವುದು ಜಗದಲ್ಲಿ
ನೀನಾಗು ಸ್ಫೂರ್ತಿಯು ತಡಮಾಡದೆ

ಎಲ್ಲ ನನ್ನವರು ಎಂಬ ಭಾವನೆಯ
ತುಂಬಿಕೊ ನೀನು ಮನದ ತುಂಬ
ನಗಿಸಿ ನಗುತ ಬದುಕುವ ಕಲೆಯ
ಕಲಿತರೆ ಒಡೆಯುವುದು ದುಃಖದ ಕಂಬ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.

llಬರೆಯಲಾಗುತ್ತಿಲ್ಲll

ಈಗೀಗ ಬರೆಯಲಾಗುತ್ತಿಲ್ಲ
ಒಂದು ಕವಿತೆಯ ಸಾಲು
ಹುಡುಕುತ್ತ ಹೋದೆ ತಿಳಿಯಲು
ನನ್ನ ಮುಂದಿರುವ ಸವಾಲು

ಪದಗಳ್ಯಾಕೋ ಮುನಿಸಿಕೊಂಡಿವೆ
ನಾನೆಷ್ಟೇ ಪ್ರೀತಿ ತೋರಿಸಿದರೂ
ಬತ್ತಿ ಹೋಗಿದೆ ಭಾವ ಭಾಗೀರಥಿ
ಈ ಜಡಿ ಮಳೆ ಸುರಿಯುತ್ತಿರಲೂ

ಅಕ್ಷರಗಳು ಹಾರುತ್ತಿವೆ ಕೈಗೆ ಸಿಗದೆ
ಹಿಡಿಯಲು ಹೋದೆ ನಾ ಅದರ ಕಡೆಗೆ
ಹರಿದೋಗುತ್ತಿದೆ ಶಾಹಿ ಸಾಮರಸ್ಯ ಕಾಣದೆ
ಎಷ್ಟು ಗೀಚಿದರೂ ಒಂದು ಪದ್ಯ ಮೂಡದೆ

ಬಿಳಿ ಹಾಳೆಗೆ ಒಂದೂಳ್ಳೆ ಕವನದ ಶೃಂಗಾರವಿಲ್ಲ
ಸಾಧಾರಣ ಕವಿತೆಯ ತೊಡಿಸಲೂ ನನ್ನಿಂದಾಗುತ್ತಿಲ್ಲ
ಕಲ್ಪನೆಗೆ ಏನು ಕೆಡುಕು ಬಂದಿದೆಯೋ ತಿಳಿಯುತ್ತಿಲ್ಲ
ಕವಿ ಮನಸ್ಸು ಮಂಕಾಗಿ ಮರುಗುತ್ತಿದೆಯಲ್ಲ

-ಕೆಕೆ(ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4 (1 vote)
To prevent automated spam submissions leave this field empty.

ಕಾಗದದ ಗುಲಾಬಿ…

ನಾನೊಂದು ಕಾಗದದ ಗುಲಾಬಿಯ ಮಾಡಿ
ಅದಕ್ಕೆ ಮುಳ್ಳಿಲ್ಲವೆಂದು ನನ್ನೊಳಗೇ ಬೀಗುತ್ತಿದ್ದೆ…
ಯಾರಿಗೂ ಕಾಣದಂತೆ ಅದ ನನ್ನಲ್ಲೇ ಬಚ್ಚಿಟ್ಟು
ನನ್ನವಳಿಗೆ ಕೊಡುವ ಕನಸನ್ನು ನಾ ಕಾಣುತ್ತಿದ್ದೆ…

ಅವಳು ಮುಡಿದ ನಿಜವಾದ ಹೂವನ್ನು ನೋಡಿ
ನನ್ನ ಗುಲಾಬಿಯೇಕೋ ಕೈಯಲ್ಲಿಯೇ ಬಾಡಿತ್ತು…
ಮುದುಡಿ ನೆಲಕ್ಕೆಬಿದ್ದ ಗುಲಾಬಿಯ ಅವಳು ನೋಡಿ
'ಆ ಕಾಗದ ನಿನ್ನದೆಂದು' ನಸುನಕ್ಕಳು ನನ್ನಕೈಗಿತ್ತು..

ಹೂವನ್ನು ಮುದುಡಿಸಿದ ಕೈಗೆ ಶಪಿಸಲೂ ಆಗದೇ
ನಿಂತಿದ್ದೆ ನಾನಲ್ಲಿ ಒಬ್ಬ ಮೂಕ ಪ್ರೇಕ್ಷಕನಂತೆ…
ಕಾಗದ ಹಿಡಿದ ಕೈಯಲ್ಲೇನೋ ನೋವಾದಂತಾಗಿ
ಇಲ್ಲದ ಮುಳ್ಳಿಂದಾದ ಗಾಯ ಭಾಸವಾದಂತೆ…

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

ಹೆಣ್ಣೆ.....ಸಂಸಾರದ‌ ಕಣ್ಣೆ

ಹೆಣ್ಣೆ.....ಸಂಸಾರದ‌ ಕಣ್ಣೆ 
ಮಗಳು, ಸೊಸೆ, ಹೆಂಡತಿ, ತಾಯಿ, ಅಜ್ಜಿಯ‌ ಪಡೆವೆ ಸ್ಥಾನ‌ ಪಲ್ಲಟ‌.
ಇರುವೆ ಸರ್ವರೊಂದಿಗೆ,
ಸಕಲರ‌ ಒಳಿತೇ ನಿನ್ನ‌ ಬಯಕೆ.
ಎಲ್ಲರೊಂದಿಗೆ ಬೆರೆತು ನಡೆಯುವುದೇ  ನಿನ್ನ‌ ಧರ್ಮ‌. 
ಅರಿಯರು ಯಾರು ಇದರ‌ ಮರ್ಮ‌.
ಮತ್ತೊಬ್ಬರ‌ ಕಲ್ಯಾಣ‌ ಸೌಖ್ಯದಲ್ಲೇ ಜೀವಮಾನ‌,
ಮೌನವೇ ನಿನ್ನ‌ ಸ್ಠಿರಾಸ್ಥಿ,
ತ್ಯಾಗವೇ ನಿನ್ನ‌ ಸುಗುಣ‌.

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 1 (1 vote)
To prevent automated spam submissions leave this field empty.

ಓ ಸೈನಿಕನೇ ನಿನಗೆ ಶತಕೋಟಿ ನಮನ

ನಾನು ನನ್ನದೆಂಬ ಸ್ವಾರ್ಥವಿಲ್ಲದೆ,
ನಾನು ನಮ್ಮವರೆಂಬ ನಿಸ್ವಾರ್ಥಿ.
ತ್ಯಾಗ ಶಿಸ್ತೇ ನಿನ್ನ ವಸ್ತ್ರ‌;
ಬಲಿದಾನವೇ ನಿನ್ನ ಜೀವಾಳ;
ದೇಶಭಕ್ತಿಯೇ ನಿನ್ನ ಅಸ್ತ್ರ;
ದೇಶವೇ ನಿನ್ನ ಸರ್ವಸ್ವ.

ದೇಶ ರಕ್ಷಣೆಗಾಗಿ ಸೆಟೆದುನಿಲ್ಲುವೆ
ಆತ್ಮಬಲದಿಂದ ಪ್ರಬಲ ಗೊಂಡಿದೆ ಗಡಿಭಾಗ
ಶೀತಗಾಳಿ ಮಳೆ ಮಾರುತಗಳು ನಿನಗೆ ತುಚ್ಛ.
ನೀನಿರುವಲ್ಲಿ ಭೂಮಿಯೇ ಹಾಸಿಗೆ, ಆಕಾಶವೇ ಹೊದಿಕೆ.
ನಿನಗಾರು ಸಮಾನ ಸೈನಿಕನೇ
ಇದೋ ನಿನಗೆ ಶತಕೋಟಿ ನಮನ.

_ ಶಬೀನಾ

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.

ಶ್ರೀ ರಾಘವೇಂದ್ರ- ದಾರಿ ದೀಪ

ಕರೆದೊಡನೆ ಬಂದು ನಿಂದು
ಹರಸುವ ಶ್ರೀ ಗುರುರಾಯನೇ
ಸಾದಾ ನನ್ನ ಹೃದಯದಲಿ
ವಾಸ ಮಾಡೋ ಶ್ರೀ ರಾಘವೇಂದ್ರನೇ

ಬಾಳಿನ ಏರು ಪೇರಲಿ
ಜೀವದ ಜಂಜಾಟದಲಿ
ನಿನ್ನ ಧ್ಯಾನಾಮೃತವೊಂದೇ
ಆಶಾದೀಪ
ತಾಮಸವೆಲ್ಲ ಕರಗಿಸುವ ನಂದಾದೀಪ

ಅರಿಷಡ್ವರ್ಗ ಧಾಳಿಯಲಿ
ಹೃದಯ ಜ್ವಾಲಾಮುಖಿಯಾಗಲು
ನಿನ್ನ ನಾಮಾಮೃತವೊಂದೇ
ಶಾಂತಿಮಂತ್ರ
ದುಗುಡವೆಲ್ಲ ತಿಳಿಯಾಗಿಸುವ ಯಂತ್ರ

ಓ ಮಂತ್ರಾಲಯ ವಾಸಿಯೇ
ಆಗಿರು ಎಂದೆಂದಿಗೂ
ನನ್ನ ಬಾಳ ಹಣತೆಯ ದಾರಿ ದೀಪ
ತಮಸೋಮಾ ಜ್ಯೋತಿರ್ಗಮಯ .

ಶ್ರೀ ನಾಗರಾಜ್ ,20/08/19

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

llವಿನಂತಿll

ಹರಡಿದೆ ನಮ್ಮಯ ಪ್ರೇಮ ವದಂತಿ
ಕೋಪಿಸಿಕೊಳ್ಳದೆ ಕೇಳು ನನ್ನ ವಿನಂತಿ
ಅತಿಯಾಗಿ ಪ್ರೀತಿಸುವೆನು ನಾನು... ನಿನ್ನನು
ಸ್ವೀಕರಿಸಿ ಜೊತೆಯಾಗು ನೀನು... ನನ್ನನು

ನನ್ನ ಮನಸಲ್ಲಿ ಪ್ರೇಮ ದೇವತೆ ನೀನಾದೆ
ನಿನ್ನ ಧ್ಯಾನದಿ ಬೇರೆಲ್ಲ ಮರೆತು ಹೋದೆ
ಮೌನದಲ್ಲೇ ನಾನಿನ್ನ ಪೂಜಿಸುವ ರೀತಿಗೆ
ಒಲಿಯುವ ಯೋಚನೆ ಬೇಗ ಬಾರದೆ ನಿನಗೆ

ಭಾವ ನದಿಯೀಗ ತುಂಬಿ ಹರಿದಿದೆ
ಪ್ರೀತಿ ಪದಗಳನ್ನು ಹೊತ್ತು ಸಾಗಿದೆ
ಸಾಗರವ ಸೇರುವ ನದಿಯ ತುಡಿತದ ಹಾಗೆ
ಮಿಲನದ ತವಕವು ಇದೆ ಒಲವ ಬಯಕೆಗೆ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
No votes yet
To prevent automated spam submissions leave this field empty.

Pages