ಅಪ್ಪನಿಗೊಂದು ಪತ್ರ

ಪ್ರೀತಿಯ ಅಪ್ಪ,

ಪ್ರತಿಯೊಂದು ಕ್ಷಣ ನೀನು ನನ್ನ ಜೊತೆ ಇದ್ದೆ ಅನ್ನೋ ಭರವಸೆ ಯೊಂದಿದ್ದರೆ ಇಡಿ ಜಗತ್ತನ್ನೇ ಜಯಿಸುವ ತಾಕತ್ತಿದೆ,

ನಿನ್ನ ಬಿಟ್ಟು ಈ ಜೀವನದಲ್ಲಿ ಬೇರೆ ಯಾರ ಮುಂದೆ ಏನಕ್ಕೂ ಕೈ ಚಾಚದವಳು ನಾನು. 

ನನಗೇನು ಬೇಕಾದರೂ ಕ್ಷಣದಲ್ಲೇ ಪೂರ್ತಿ ಮಾಡಿದೆ. ನಾನು ಏನೇ ಕೇಳಿದರು ಎಂದು ಇಲ್ಲಾ ಅಂತ ಹೇಳಲಿಲ್ಲ,

ಮನೆಯಲ್ಲಿ ಯಾರಿಗೆನಾದರೂ ಬೇಕಾದರೂ ಅಮ್ಮನಿಗೆ ಹೇಳಿ ನಿನ್ನಿಂದ ತೆಗೆದುಕೊಳ್ಳುತಿದ್ರು ನನಗೆ ಮಾತ್ರ ಎಂದು ಹಾಗನಿಸಲಿಲ್ಲ.

ನನಗೆ ನೀನೆ ಯಾವಾಗಲು ಈಜಿ ರೀಚೆಬಲ್.  ಅಮ್ಮನಿಗೆ ಹೇಳಿ ನಿನ್ನ ಹತ್ರ ಪಡೆದರೆ ಪ್ರೋಸೆಸ್ ಡಿಲೇ ಅಂತ ನನ್ನ ಅನಿಸಿಕೆ.

ನಿನೆಷ್ಟೇ ಟೆನ್ಶನ್ನಲ್ಲಿದ್ರು, ನನ್ನ ನೋಡಿ ನಿನ್ನ ಕಣ್ಣಲ್ಲಿ ಮಿನುಗೋ ಮಿಂಚು ಆಹಾ!! ಅದೇ ನಿನ್ನ ಬದುಕಲ್ಲಿ ನನಗಿರೋ ಇಂಪೋರ್ಟ್ಅನ್ಸ್.

 

ಮೊನ್ನೆ ಮೊನ್ನೆ ನಿನ್ನ ಬೆನ್ನ ಮೇಲೆ ಉಪ್ಪಿನ ಚೀಲ ಆದಾಗ ಅಣ್ಣ ನೋಡಿ ಸಿಟ್ಟಿನ ಮುಖ ನೋಡಿದಾಗ ನನಗೆ ಇನ್ನಷ್ಟು ಹಿಗ್ಗು.

ಲೇ ಪುಟ್ಟ ಹಂಗೆಲ್ಲಾ ಆಡಬೇಡವೇ, ನೀ ಹಿಂಗೆ ಆಡೋದನ್ನ ನೋಡಿದ್ರೆ ನಿಂಗ್ಯಾರೆ ಮದ್ವೆ ಆಗ್ತಾರೆ ಅಂತ ಅಣ್ಣ ನನ್ನ ಕಿವಿ ಹಿಂಡಿದಾಗ ನೀನೆ ಅಲ್ವೇ ಅವನ ಬೆನ್ನ ಮೇಲೆ ಗುದ್ದಿ, ನನ್ನ ತಲೆ ಮೇಲೆ ಕೈಯಾಡಿಸಿ, ನನ್ನ ಪುಟ್ಟ ಇನ್ನು ಭಾಳ ಚಿಕ್ಕವಳು ಕಣೋ, ಈ ಮನೆ ಲಕ್ಷ್ಮಿ, ಇಷ್ಟ ಬೇಗ ಅವಳ ಮದ್ವೇನಾ??

ಸಾಧ್ಯನೇ  ಇಲ್ಲಾ ಇನ್ನು ಎರಡು ವರ್ಷ ನನ್ನ ಜೊತೇನೆ ಇರ್ತಾಳೆ ಪುಟ್ಟಿ ಎನಂತಿಯೇ? ಅಂತ ಅಮ್ಮ ನ ಮುಖ ನೋಡಿದಾಗ,

ಅಮ್ಮ ಹೊಟ್ಟೆಕಿಚ್ಚಿನಿಂದ, ಹೌದುದು, ಅವ್ಳು ಚಿಕ್ಕವಳು ನೀವು ಚಿಕ್ಕವರು, ಹೀಗೆ ಇರಿ ಆಟಾ ಆಡ್ತಾ ಅಂದಾಗ ನಾನು ನೀನು ನಕ್ಕಿದ್ದೆ ನಕ್ಕಿದ್ದು.

 

ನಿನಗೆ ನೆನಪಿದೆಯಲ್ಲ, ಆವತ್ತು ನನಗೆ ನಿನಗೆ ಉಟಕ್ಕೆ ಕೊಟ್ಟಿರಲಿಲ್ಲ ಅಮ್ಮ, ನೀನು ನಾವಿಬ್ರು ಉಟಕ್ಕೆ ಹೋಟಲ್ಗೆ ಹೋಗೋಣ ಅಂದಾಗ, ನಾನೇ ಬೇಡಾ ಡ್ಯಾಡ್, ಮಮ್ಮಿ ಕೊಡಲಿಲ್ಲ ಅಂದ್ರೇನು ನನಗೇನು ಮಾಡೋಕ್ ಬರಲ್ವಾ ಅಂತ ಅಡುಗೆ ಮನೆ ಹೊಕ್ಕು ಮೈಯಲ್ಲೇ ಹಿಟ್ಟಿನಭಿಷೇಕ ಮಾಡಿಸ್ಕೊಂದಾಗ ಅಮ್ಮ ನೀನು ಅಣ್ಣ ನಕ್ಕಿದ್ದೆ ನಕ್ಕಿದ್ದು. 

 

ನನ್ನನ್ನ ನನ್ನ ಜೀವನದಲ್ಲೇ ಯಾರು ಮಾಡದಷ್ಟು ಪ್ರೀತಿಯನ್ನ ನೀನು ಮಾಡಿದ್ದೀಯಾ, ನನ್ನ ಚೋಇಸ್ ಏನು ಅಂತ ನನಗಿಂತ ಚೆನ್ನಾಗಿ ನೀನೆ ಅರ್ಥ ಮಾಡ್ಕೊಂಡಿದ್ದಿಯ, ನನಗೊಂದು ಡ್ರೆಸ್ ಬೇಕಾದ್ರೆ ಹತ್ತಾರು ಅಂಗಡಿ ಸುತ್ತಿಸಿದೊನು ನೀನು, ನನಗೇನು ಇಷ್ಟ ಅಂತ ನನಗಿಂತ ನಿನಗೆ ಅಲ್ವ ಚೆನ್ನಾಗಿ ಗೊತ್ತಿರೋದು,

 

ಓದು ಮುಗಿದ ಮೇಲೆ ಮುಂದೇನು ಮಾಡ್ಬೇಕು ಅಂತ ನಿರ್ಧಾರ ಮಾಡೋಕ್ ಆಗಿರಲಿಲ್ಲ ನನಗೆ, ಆವಾಗ ನೀನೆ ಅಲ್ವ ಸ್ವಲ್ಪ ಹೊರಗಿನ ಪ್ರಪಂಚ ನೋಡಿಬಾ ಅಂತ ಕಳ್ಸಿದ್ದು. ಅವಾಗ್ಲೇ ಅಲ್ವ ನಾನು ಬೆಂಗಳೂರಿಗೆ ಬಂದದ್ದು.

 

ನನ್ನ ಜೀವನದಲ್ಲಿ ಈ ನಿನ್ನ ಪುಟ್ಟಿ ಬಗ್ಗೆ ನಾನೇ ಯೋಚಿಸದಷ್ಟು ನೀನು ಯೋಚಿಸಿದ್ದಿಯ, ನನಗ್ಯಾವುದು ಸಿಕ್ರೆ ನಾನು ಖುಷಿಯಾಗಿರ್ತಿನೆ ಅಂತ ನಿನಗೆ ಚೆನ್ನಾಗಿ ಗೊತ್ತಿದೆಯಲ್ಲ ಡ್ಯಾಡ್.

 

ಸಣ್ಣ ಸಣ್ಣ ವಿಷಯಗಳಲ್ಲಿ ನಿನ್ನ ನಿರ್ಧಾರ ಕೇಳೋ ನನಗೆ, ಇನ್ನು ನನ್ನ ಜೀವನದ ಅತಿ ಮುಖ್ಯ  ನಿರ್ಧಾರ ನಾನು ಒಂಟಿಯಾಗಿಯೇ ತೆಗೆದುಕೊಳ್ಳೋಕೆ ಸಾಧ್ಯನ ನೀನು ಹೇಳು ಅಪ್ಪ? ಇವತ್ತಿನವರೆಗೂ ನನಗೆ ಯಾರಾದ್ರು ಪ್ರೀತಿ ಅಂದ್ರೆ ಏನು ಅಂತ ಕೇಳಿದ್ರೆ, ಭಾವನೆ ಮತ್ತು ವಿಶ್ವಾಸನೇ ಪ್ರೀತಿ ಅಂತ ಹೇಳ್ತಿದ್ದೆ, ಅದನ್ನ ನಿನ್ನಿಂದಾನೆ ತಾನೇ ಕಲಿತದ್ದು.

ನೀನೇನೆ ಮಾಡಿದ್ರು ನನ್ನ ಒಳ್ಳೆಯದಕೊಸ್ಕರ ಮಾಡ್ತಿಯ ಅಂತ ನನಗ್ಯಾರು ಸರ್ಟಿಫಿಕೆಟ್ ಕೊಡೋದು ಬೇಡ, ಮತ್ತೆ ನನ್ನ ಬಗ್ಗೆ ಯಾವುದೇ ನಿರ್ಧಾರ ಮಾಡೋದಿದ್ರು  ನನಗೆ ಕೇಳಬೇಡ. ನಿನ್ನ ಪುಟ್ಟಳಿಗೆ ತನಗೆ ಯಾವುದು ಒಳ್ಳೇದು ಅನ್ನೋ ಅರಿಯೋವಷ್ಟು ಜವಾಬ್ದಾರಿ ಇನ್ನು ಬಂದಿಲ್ಲ, ಬಂದಿದ್ರು ನಿನ್ನ ನಿರ್ಧಾರ ಕಿಂತ ಚೆನ್ನಾಗಿರಲ್ಲ ಅಂತ ನನಗೆ ಮೊದ್ಲೇ ಗೊತ್ತು. ಅದಕ್ಕೆ ಡ್ಯಾಡ ಪ್ಲೀಜ್, ನಿನ್ನೆ ಕೇಳಿದ ಪ್ರಶ್ನೆ ಇನ್ನೆಂದು ಕೇಳಬೇಡ ಅಪ್ಪ.....

 

-ಅಶ್ವಿನಿ