ಕನಸಿನ ಮನೆ..!.

ಕನಸಿನ ಮನೆಯೊಂದನ್ನು

ಕಟ್ಟಲು ನಿರ್ದರಿಸಿರುವೆ.

ಬೆಲೆ ಎಷ್ಟಾದರು ಚಿಂತೆಯಿಲ್ಲ!

ಭಾವನೆಗಳನ್ನಾದರು ಮಾರಿ

ನಿರ್ಮಿಸಲೇ ಬೇಕೆಂಬ ಹೆಬ್ಬಯಕೆ.

ಭಾವನೆಗಳನ್ನು?

ಕೊಳ್ಳುವವರು ಯಾರು?.

ಹರಾಜು ಮಾರುಕಟ್ಟೆಯೊಂದನ್ನು

ತೆರೆಯಲೇ ಬೇಕು.

ಇಲ್ಲಿ ಎಲ್ಲಾ ರೀತಿಯ

ಭಾವನೆಗಳನ್ನು

ಬಯಕೆಗಳನ್ನು

ಅಪರೂಪದ ಅನುಬಂಧಗಳನ್ನು

ಮಾರಲಾಗುತ್ತದೆ ಎಂಬ

ದೊಡ್ಡ ದೊಡ್ಡ ಬೋರ್ಡುಗಳನ್ನು

ಬರೆಯಿಸಬೇಕು.

ನನ್ನ ಚಿಂತೆ ನನ್ನೊಂದಿಗೆ

ಮಾತನಾಡಿ.!.

ನೀನು ಕಟ್ಟುವುದು

ಕನಸಿನ ಮನೆ

ಭಾವನೆಗಳ ಅಡಿಪಾಯ ಬೇಕು.

ಅನುಬಂಧದ ಗೋಪುರಗಳು ಬೇಕು.

ನೆನಪುಗಳೆಂಬ ಚಾವಣಿ ಬೇಕು.

ಹೀಗಿರುವಾಗ

ಎಲ್ಲವನ್ನು ಮಾರಿ

ಮನೆಕಟ್ಟಲು ಆಸಾದ್ಯ?...

ಉತ್ತರಿಸಲಾರದಂತಹ ಪ್ರಶ್ನೆ?.

ಮರು ಉತ್ತರವಿಲ್ಲದೆ

ಕನಸಿನ ಲೋಕದಿಂದ ನಿರ್ಗಮಿಸಿದೆ.

                                                       ವಸಂತ್