ತೆರಳು ನನ್ನ ನೆನಪಿಂದ ನೀ!

ನೀ ನನ್ನ ಬಾಳಿನಲ್ಲಿ
ನೆನಪಾಗೇ ಉಳಿದು ಹೋದೆ
ನೀನಿರದ ಬಾಳು ನಾನು
ನಿನ್ನ ನೆನಪಿನಲ್ಲೇ ಕಳೆದೆ

ಆ ದೇವರಂತೆ ಕಂಡೆ
ನನ್ನ ಪಾಲಿಗಾಗ ನೀನು
ನನ್ನ ಪ್ರೀತಿ ಭಕ್ತಿಯಂತೆ
ನಿನ್ನ ಪೂಜಿಸಿದ್ದೆ ನಾನು

ನೀ ನನ್ನ ಅರಿಯಲಿಲ್ಲಾ
ನಾ ನಿನ್ನ ಮರೆಯಲಿಲ್ಲಾ

||ನೀ ನನ್ನ ಬಾಳಿನಲ್ಲಿ||

ಬರಲಾರೆ ನೀನು ಮರಳಿ
ಈ ಸತ್ಯ ನನಗೆ ಗೊತ್ತು
ಸರಿ ಒಮ್ಮೆ ತೆರಳು ನನ್ನ
ನೆನಪಿಂದ ನೀ ಈ ಹೊತ್ತು

ನಾ ನಿನ್ನ ಪಡೆಯಲಾರೆ
ನಾ ನಿನ್ನ ಕರೆಯಲಾರೆ

||ನೀ ನನ್ನ ಬಾಳಿನಲ್ಲಿ||

*************
- ಆತ್ರಾಡಿ ಸುರೇಶ ಹೆಗ್ಡೆ