ನಿನ್ನ ನಗುವೇತಕೆ ಮೌನವಾಗಿದೆ..!.

ನಿನ್ನ ನಗುವೇತಕೆ ಮೌನವಾಗಿದೆ..!.

ಕುದಿಯುವ ಕೋಪ ಮನದೊಳಗೆ

ಅರಿಯದ ವೇದನೆ ನಿನ್ನೊಳಗೆ

ನಗುವೇತಕೆ ಮೌನವಾಗಿದೆ  

ನಿನ್ನ ನಲಿವೇತಕೆ ಮರೆಯಾಗಿದೆ .IIಪII

 

ಹೊಳೆಯುವ ರೂಪವು ನೀನಲ್ಲವೆ

ನಿನ್ನ ಮುನಿಸಿಗೆ ಕಾರಣ ಬೇಕಲ್ಲವೆ

ನಿನ್ನಯ ವೇದನೆ ನನ್ನದಲ್ಲವೆ

ನಿನ್ನ ಹೃದಯದೊಳೆನಗೆ ಸ್ಥಳವಿಲ್ಲವೆ.

 

ಪ್ರೀತಿಯ ಪುಟಗಳ ಹಾಳೆಯ ಮೇಲೆ

ಕಣ್ಣೀರಿನಿಂದ ಕಥೆ ಬರೆದೆ

ಹೃದಯದ ಒಳಗೆ ಉಸಿರಾದಂತೆ

ನನ್ನ ಬಾಳಿಗೆ ಮುನ್ನುಡಿಯಾದೆ.

 

ಬೆಳಗುವ ಸೂರ್ಯ ಕತ್ತಲಾದಂತೆ

ನಲಿಯುವ ತಾವರೆ ಸುಮ್ಮನಾಗಿದೆ

ಲೋಕಕೆ ಲೋಕವು ಒಂಟಿಯಾದಂತೆ

ಸುಮ್ಮನಿರೆ ನೀ, ನಾ ಶಿಲೆಯಾಗುವೆ.

 

ಮನಸಿನ ಕೋಪವ ತಣಿಸಿಬಿಡು

ಹೂನಗೆ ತುಟಿಗಳ ಅರಳಿಬಿಡು

ನಿನ್ನ ಜೀವಕೆ ಜೀವವು ನನ್ನಾಣೆ

ನಿನಗಾಗಿ ನನ್ನ ಪ್ರಾಣವ ಬಿಟ್ಟೆನೇ..

 

ನಗುವೇತಕೆ ಮೌನವಾಗಿದೆ  

ನಿನ್ನ ನಲಿವೇತಕೆ ಮರೆಯಾಗಿದೆ .IIಪII

 

                                       ವಸಂತ್

 

 

ಚತ್ರಕೃಪೆ. http://lh3.ggpht.com

Rating
No votes yet

Comments