ಸಾವಿರ ಬ್ಲಾಗೂ ಬಂದರೆ ಏನು ಸಂಪದಕೆಂದೂ ಸರಿ ಸಾಟಿಯೇನು?
ಸಂಪದಾ ನೀನು ನಮಗಾಗಿ
ಸಾವಿರ ವರುಷ ಹಿತವಾಗಿ
ಬೆಳೆಯಲೇ ಬೇಕೂ ಎಲ್ಲರ ಕಣ್ಣಾಗಿ
//ಸಂಪದಾ ನೀನು ನಮಗಾಗಿ//1
ಸಾವಿರ ಬ್ಲಾಗೂ ಬಂದರೆ ಏನು
ಸಂಪದಕೆಂದೂ ಸರಿ ಸಾಟಿಯೇನು
ಜತೆಯಲಿ ಎಂದೆಂದು ನೀನಿರಬೇಕು
ನಿನ್ನಯ ಸಂಗವೇ ನಮಗೆಲ್ಲಾ ಸಾಕು
//ಸಂಪದಾ ನೀನು ನಮಗಾಗಿ//2
ಹಾಸ್ಯದ ನೆರೆಯೋ ಕಾವ್ಯದ ಹೊರೆಯೋ
ರಾಜಕೀಯಕೆ ಚಾಟಿಯ ಬರೆಯೋ
ಹರಿಪ್ರಸಾದರು ಬೆಳೆಸಿದ ಕುಡಿಯೋ
ಕನ್ನಡಮ್ಮನ ಹೆಮ್ಮೆಯ ನುಡಿಯೋ
//ಸಂಪದಾ ನೀನು ನಮಗಾಗಿ//3
ಬಿಸಿ ಬಿಸಿ ಚರ್ಚೆಯೋ , ಚಿತ್ರವೋ, ಪತ್ರವೋ
ಎಲ್ಲರ ಮನಸ್ಸನೂ ಅರಳಿಸೋ ಚೈತ್ರವೋ
ಜ್ಞಾನದ ಅನುಪಮ ಹೊಸತಿದು ಮಾತ್ರವೋ
ಸಂಪದ ಎಲ್ಲರ ಪ್ರೀತಿಗೆ ಪಾತ್ರವೋ
//ಸಂಪದಾ ನೀನು ನಮಗಾಗಿ//4
ಕೋಟಿ ಬಾಷೆ ಕಲಿತರೇನು
ಕನ್ನಡ ಭಾಷೆಯು ಆಡಲು ತಾನೇ
ನೂರು ಸಮಸ್ಯೆ ಕಾಡಿದರೇನು
ಸಂಪದ ನೆಮ್ಮದಿ ನೀಡಲು ತಾನೇ
//ಸಂಪದಾ ನೀನು ನಮಗಾಗಿ//5
ಎಲ್ಲರೂ ಸೇರುತ ಹರಸುವ ಇಂದು
ನಮ್ಮಯ ಉಸಿರಲಿ ಬೆರೆಯಲಿ ಎಂದು
ಕನ್ನಡ ಬಳಸುತ ಬೆಳೆಯಲಿ ಎಂದೂ
ಸಂಪದ ಸರ್ವರ ಭರಿಸಲಿ ಮುಂದೂ
//ಸಂಪದಾ ನೀನು ನಮಗಾಗಿ//6
(ಧಾಟಿ: ಅಮ್ಮಾ ನೀನೂ ನಮಗಾಗೀ)