ನನ್ನೊಬ್ಬನನ್ನೇ ಬಿಟ್ಟು,,,,,

ನನ್ನೊಬ್ಬನನ್ನೇ ಬಿಟ್ಟು,,,,,

ಅವಳು ಹೋಗಿಯೇ ಬಿಟ್ಟಳೆಂದರೆ ನಂಬುವುದೇ ಕಷ್ಟ
ದೇವರಿಗೂ ಅವಳೆಂದರೆ ಬಲು ಇಷ್ಟ

ತರಕಾರಿ ಮಾರುಕಟ್ಟೆಗೂ ಜೊತೆ ಜೊತೆಯಲಿ
ಆಗಿಲ್ಲ ಅವಳ ಮುಖದಲ್ಲಿ ಗಲಿಬಿಲಿ

ಊರೆಲ್ಲಾ ಸುತ್ತಲು ನಾನಿರಬೇಕು ಪಕ್ಕ
ರಸ್ತೆ ದಾಟುವಾಗ ನೋಡುವುದೇ ಇಲ್ಲ ಅಕ್ಕ ಪಕ್ಕ

ಜನ ಜಂಗುಳಿಯೆಂದರೆ ಮುಖ ಕಿವಿಚುತ್ತಾ
ಖುಷಿಯಿಂದ ಪ್ರಕ್ರುತಿ ಸೌಂದರ್ಯವ ಆಸ್ವಾದಿಸುತ್ತಾ

ನಡೆವಳೊಬ್ಬಳೇ ಬಿರುಗಾಳಿಯಂತೆ
ಎಲ್ಲಿ ಬಿದ್ದಾಳೆಂದು ನನಗವಳದೇ ಚಿಂತೆ

ಕೈಹಿಡಿದೇ ಕರೆದೊಯ್ಯಬೇಕು ಎಲ್ಲಿಗೂ
ಹೋಗಿಬಿಟ್ಟಳೇ ನನ್ನೊಬ್ಬನನ್ನೇ ಬಿಟ್ಟು ಕೊನೆಗೂ

ಕವನ

ಸೀತ ಆರ್. ಮೊರಬ್

Rating
No votes yet

Comments