* ಪುಸ್ತಕದಲ್ಲಿ ಇದ್ದದ್ದನ್ನು ಮಸ್ತಕಕ್ಕೆ ಕಳಿಸು. ಮಸ್ತಕದಲ್ಲಿ ಇರುವುದನ್ನು ಪುನಃ ಬರವಣಿಗೆಗೆ ಇಳಿಸು.
* ನನ್ನನ್ನು ತಲೆತಗ್ಗಿಸಿ, ಅರ್ಥೈಸಿಕೊಂಡು ಓದು, ಸಮಾಜದಲ್ಲಿ ನಿನ್ನನ್ನು ತಲೆಯೆತ್ತಿ ನಿಲ್ಲುವಂತೆ ಮಾಡುವೆ.
* ನನಗೆ ಗೌರವ ಕೊಡು,ನಿನಗೆ ಎಲ್ಲರೂ ಗೌರವ ಕೊಡುವಂತೆ ಮಾಡುವೆ.
* ಈ ಜಗತ್ತೇ ನಿನ್ನ ಕೈಬಿಟ್ಟರೂ, ನಾನು ಕೈ ಬಿಡದೆ ಮೇಲಕ್ಕೆತ್ತುವೆ.
* ಪುಸ್ತಕ ಇರದಿರೆ ಅಕ್ಷರಕ್ಕೆ ಅರ್ಥವಾದರೂ ಇದೆಯೇ?
* ಪುಸ್ತಕ ಓದಿರಿ ಜ್ಞಾನವಂತರಾಗಿರಿ.
ಇಂತಹ ಘೋಷವಾಕ್ಯಗಳು ಎಷ್ಟೂ ಇರಬಹುದು. ಆದರೆ ಹಣ ಕೊಟ್ಟು ಕೊಂಡು ಓದುವವರು ಎಷ್ಟು ಜನ ಇದ್ದಾರೆ, ಅದೇ ಯಕ್ಷ ಪ್ರಶ್ನೆ.
ಇಂದು (ಎಪ್ರಿಲ್ ೨೩) ‘ವಿಶ್ವ ಪುಸ್ತಕ ದಿನ’ವಂತೆ, ಕೃತಿಸ್ವಾಮ್ಯ ದಿನವೂ ಹೌದು. ೧೯೯೫ರ ಎಪ್ರಿಲ್ ೨೩ರಂದು ಆಚರಣೆಯು ಪ್ರಾರಂಭವಾದ ವರ್ಷ. ಹೀಗೆಲ್ಲ ಹೇಳ್ತೇವೆ. ಆದರೆ ಬರೆದು ಮುದ್ರಿಸಿದವರಿಗೆ ನಾವೆಷ್ಟು ಬೆಂಬಲಕೊಡ್ತೇವೆ ಎಂಬುದು ಮುಖ್ಯ.
ವಿಶ್ವಸಂಸ್ಥೆಯು ಶೈಕ್ಷಣಿಕ, ಸಾಮಾಜಿಕ, ಸಾಂಸ್ಕೃತಿಕ, ವೈಜ್ಞಾನಿಕ ಆಯೋಗದ ಮೂಲಕ, ಜನರಲ್ಲಿ ಓದುವಿಕೆ, ಪ್ರಕಾಶನ, ಕೃತಿಸ್ವಾಮ್ಯಗಳ ಬಗ್ಗೆ ಅರಿವು ಮೂಡಿಸುವ ಸಲುವಾಗಿ, ಪ್ರಚಾರಕ್ಕಾಗಿ, ಪುಸ್ತಕ ಪ್ರೇಮ ಬೆಳೆಸಿಕೊಂಡು, ಉತ್ತಮ ಲೇಖನ, ಲೇಖಕರ ಗುರುತಿಸುವಿಕೆಗಾಗಿ, ಈ ದಿನವನ್ನು ಘೋಷಿಸಿತು. ‘ಮನುಷ್ಯ ಅಳಿದರೂ ಆತನ ಕೃತಿ ಅಳಿಯದು’. ಋಷಿವಾಣಿ ಜ್ಞಾನಕ್ಕೆ ಸಮನಾದುದು ಯಾವುದೂ ಇಲ್ಲ. ಜ್ಞಾನ ದೊರೆಯುವುದು ಪುಸ್ತಕಗಳಿಂದ, ಒಳ್ಳೆಯ ನುಡಿಗಳನ್ನು ಆಲಿಸುವುದರಿಂದಲ್ಲವೇ?
ನಮ್ಮ ನಮ್ಮ ಮನೆಗಳಲ್ಲಿ ಒಂದು ಪುಟ್ಟ ಗ್ರಂಥಾಲಯ ಮಾಡಿದರೆ, ಮನೆಮಂದಿಗೆ, ಬಂದು ಹೋಗುವವರಿಗೆ ಓದಲು ಅನುಕೂಲ.ಹಳೇ ಪುಸ್ತಕ ಸಂಗ್ರಹ, ನಿಯತಕಾಲಿಕೆಗಳ ಸಂಗ್ರಹ, ಕಥೆ, ಕಾದಂಬರಿ, ಶಿಶುಸಾಹಿತ್ಯ ಎಲ್ಲಾ ನಮ್ಮ ಗ್ರಂಥಾಲಯಗಳ…
ಮುಂದೆ ಓದಿ...