llಆಧ್ಯಾತ್ಮದ ಬೆತ್ತll

5

ಹಸಿರನ್ನಾವರಿಸಿರುವ ಮರ ಗಿಡಗಳ ನಡುವೆ
ಮೌನವ ಹೊತ್ತು ಏಕಾಂತದಿ ಕುಳಿತಿರುವೆ
ಮುಂಜಾನೆಯ ರವಿಯ ಕಿರಣ ಸೋಕಿದೊಡನೆ
ಜೀವ ಚೈತನ್ಯವನ್ನು ಅತಿಯಾಗಿ ಪಡೆದಿರುವೆ

ಪಕ್ಷಿಗಳ ಕಲಕಲರವವು ತುಂಬಿದೆ ಸುತ್ತ
ದೂರದ ತಣ್ಣನೆ ಗಾಳಿಯ ಆಗಮನ ನನ್ನತ್ತ
ಒಡೆಯುತ್ತಿದೆ ಕಟ್ಟಿರುವ ಅಶಾಂತಿಯ ಹುತ್ತ
ಹೊಡೆಯುತ್ತಿದೆ ಹಿಡಿದು ಆಧ್ಯಾತ್ಮದ ಬೆತ್ತ

ಒಳ ಹೊರಗಿನ ಅಂತರವು ಸರಿಯುತ್ತಿದೆ
ಅದ್ವೈತದ ಭಾವನೆಯು ಅರಿವಿಗೆ ಬರುತ್ತಿದೆ
ಆನಂದದ ಭಾಷ್ಪ ಕಣ್ಣಲ್ಲಿ ಸುರಿಯುತ್ತಿದೆ
ಜೀವ, ಯೋಗದ ಕೊನೆಯ ಮೆಟ್ಟಿಲೇರುತ್ತಿದೆ

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 5 (1 vote)
To prevent automated spam submissions leave this field empty.