llನಿನ್ನ ಕನಸುll

4.75

ಒಂದೇ ಸಮನೆ ಕಾಣುತಿರುವೆ ನಿನ್ನ  ಕನಸನೆ
ಬಂದು ನೀನು ಸೇರು ನನ್ನ ಕಾಡದೆ ಸುಮ್ಮನೆ 
 
ನೀ ನಡೆಯುವ ಹಾದಿಯಲ್ಲಿ 
ಹೂವಿನ ಹಾಸಿಗೆ ಆಗುವೆ ನಾನು 
ನೋವಿನ ದುಃಖ ಇರಲಿ ನನಗೆ 
ನಗುತಿರು ಎಂದೂ ನೀನು 
 
ಕಾಣದ ಕಡಲನು ಸೇರುವ ತವಕದಿ 
ಸಾಗುವ ನದಿಯ ಹಾಗೆ 
ಓಡುತ ಬರುವೆನು ನಿನ್ನಯ ಬಳಿಗೆ 
ಮರೆಮಾಡು ಏಕಾಂತದ ಬೇಗೆ
 
ಹೇಳೊಮ್ಮೆ ನೀನು 
ನಾ ನಿನ್ನ ಪ್ರೇಮಿ ಎಂದು  
ಇರುವೆ ನಾನು ಕೊನೆಯವರೆಗೂ 
ಈ ನೆನಪ ಹಿಡಿದುಕೊಂಡು 
 
ಮಳೆಗಾಗಿ ಇಳೆಯೂ ಕಾದಿರುವ ಹಾಗೆ 
ಕಾದಿರುವೆನು ನಿನ್ನ ಒಂದು ಸ್ಪರ್ಶಕೆ 
ಬರಡಾದ ಭೂಮಿಯಂತಾಗಿದೆ ನನ್ನ ಜೀವ 
ಬದುಕಿಸು ನೀನು ನೀಡಿ ಪ್ರೇಮಾಮೃತವ
 
ನನ್ನೆದೆಯ ತಾಳ ನಿನ್ನೆದೆಯ ರಾಗ 
ಜೊತೆಯಾಗಿ ಬರಲಿ ಒಂದು ಕವಿತೆಯು 
ಹಾಡುತ್ತಾ ಹೀಗೆ ಸಾಗೋಣ ಮುಂದೆ 
ಮಾಡುತ್ತಾ ದಾಂಪತ್ಯದನುಸಂಧಾನವು
 
-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 4.8 (4 votes)
To prevent automated spam submissions leave this field empty.