llಪ್ರೇಮಜಾಲll

3

ಸೋಕುತ್ತಿದೆ ಮಳೆಹನಿಯು ನನ್ನ ಮೈಯ
ಜ್ಞಾಪಿಸುತ್ತಿದೆ ಹೃದಯದಲ್ಲಿ ಆದ ಗಾಯ

ನೀನು ದೂರ ಹೋಗುವಾಗ,
ಒಮ್ಮೆ ತಿರುಗಿ ನೋಡದೆ ಹೋದೆ
ನಾನು ತೀರ ಬರುವೆ ಎಂದಾಗ,
ಸನಿಹ ಸಿಗದೆ ನಾ ತುಂಬ ನೊಂದೆ

ಮರೆತು ಹೋಗಲು ಸಾಧ್ಯವೇ?
ಅತಿಯಾಗಿ ಪ್ರೀತಿಸಿರುವ ನಿನ್ನನು
ಜೋಪಾನವಾಗಿ ಕೂಡಿ ಇಡುವೆ
ನೀನು ತುಂಬಿರುವ ನೆನಪನು

ಒಂಟಿಯಾಗಿ ನಾನೀಗ ನಡೆವಾಗ,
ಸಿಗಬಾರದೆ ನೀನು ನನ್ನ ಮುಂದೆ
ಹೇಳದಿರುವ ಮಾತೆಲ್ಲ ಹೇಳುವೆ ಆಗ,
ಆಗುವುದು ಹೃದಯ ಹಗುರ ಅಂದೆ

ಖಾಲಿ ಮಾಡಲು ಆಗುವುದೆ?
ನೀನು ತುಂಬಿರುವ ಮನಸ್ಸನ್ನು
ಬಿಡಿಸಿ ಹೊರಗೆ ಬರಬಹುದೆ?
ಭ್ರಮಿಸಿ ಹೆಣೆದ ಪ್ರೇಮ ಜಾಲವನ್ನು

-ಕೆಕೆ (ಕೀರ್ತನ್ ಕೆ)

ನಿಮಗೆ ಈ ಬರಹ ಇಷ್ಟವಾಯಿತೇ? ತಿಳಿಸಿ: 
Average: 3 (2 votes)
To prevent automated spam submissions leave this field empty.