ನಮ್ಮವ್ವಾ....!!!

ಇದೊಂದು ಹೊಸ ರೀತಿ.

ಹಿಟ್ ಹಾಡುಗಳನ್ನು ಕನ್ನಡಕ್ಕೆ ಭಾವಾನುವಾದಿಸಿಡುವ ಪ್ರಯತ್ನ. ಸುಮ್ಮನೆ ಫ಼ನ್ನಿಗಾಗಿ.....
ದಯವಿಟ್ಟು ಭಾಗವಹಿಸಿ ಹಾಡನ್ನು ಚೆಂದಗೊಳಿಸಲು ಪ್ರಯತ್ನಿಸಿ.

ಮೊದಲ ಹಾಡು ’ತಾರೆ ಜಮೀನ್ ಪರ್’ ನ "ಮೇರಿ ಮಾ" ಹಾಡು...

ನಮ್ಮವ್ವಾ....

ನಾನ್ಯಾವತ್ತು ಬಾಯಿ ಬಿಟ್ ಹೇಳಂಗಿಲ್ಲ
ಆದ್ರ ನಾ ಕತ್ತಲಿಗೆ ಹೆದರ್ತೇನವ್ವಾ..!
ಹಂಗ ನಾ ತೋರಿಸ್ಕೆಳಂಗಿಲ್ಲ
ನಿನ್ನ ಕಾಳಜಿ ನಾ ಮಾಡ್ತೇನವ್ವಾ...!
ನಿಂಗ ಎಲ್ಲಾದುನೂ ಗೊತ್ತೈತಲ್ಲವ್ವಾ..!
ನಿಂಗೆಲ್ಲಾ ಗೊತ್ತೈತಿ ...ನಮ್ಮವ್ವಾ..!
ನಮ್ಮವ್ವಾ..!!!

ಗದ್ದಲದಾಗ ಹಿಂಗ ಕೈಬಿಡಬ್ಯಾಡ
ತಿರುಗಿ ಮನೀಗು ಬರ್ಲಾಕಾಗಲ್ಲ...
ಭಾಳ ದೂರ ನನ್ನ ಕಳಿಸ್ಬ್ಯಾಡವ್ವಾ..
ನಿಂಗ ನೆನಪಿಗು ಬರ್ತೇನಿಲ್ಲವ್ವಾ...
ನಾ ಇಷ್ಟು ಉಡಾಳ ಅದಿನೇನವ್ವಾ..!
ನಾ ಇಷ್ಟು ಉಡಾಳ ....ನಮ್ಮವ್ವಾ..!
ನಮ್ಮವ್ವಾ....!!!

ಯಾವಾಗರ ಅಪ್ಪಾ ನನ್ನ ಜೋರ್ ಜೋರಾಗಿ
ಜೋಕಾಲಿ ದೂಕ್ತಾರವ್ವಾ...
ನಾ ನಿನ್ನನ್ನ ಹುಡುಕುತ್ತೇನಿ..
ನೀಬಂದು ನನ್ನ ಹಿಡ್ಕೊಂತಿ ಅಂತಾ ಕಂಡು
ಆ ಹೊತ್ನೆಗ ನಾ ಹೇಳಂಗಿಲ್ಲ
ನಾ ಒಳಗ.. ಹೆದರ್ಕೋತೇನವ್ವಾ...
ನಿಂಗೆಲ್ಲಾ ತಿಳಿದೈತಲ್ಲವ್ವಾ....!
ನಿಂಗೆಲ್ಲಾ ಅರಿವ್...ನಮ್ಮವ್ವಾ....!!!!