"ಅಂಗಡಿಯಲ್ಲಿ ಕನ್ನಡ ನುಡಿ" ಹೊತ್ತಗೆ ಪಡೆದುಕೊಳ್ಳಿ

ದಿನನಿತ್ಯ ನಾವೆಲ್ಲರೂ ಬಳಸುವ ಉತ್ಪನ್ನಗಳಲ್ಲಿ, ಮಾರುಕಟ್ಟೆಯಲ್ಲಿ ಕನ್ನಡದ ಬಳಕೆ ಎಷ್ಟಿದೆ? ಎಷ್ಟಿರಬೇಕು? ಇಲ್ಲದೇ ಇದ್ದಲ್ಲಿ ಗ್ರಾಹಕರಾಗಿ ನಾವೇನು ಮಾಡಬಹುದು? ಎಂಬ ವಿಚಾರದ ಸುತ್ತಲೂ ಈ ಕೈಪಿಡಿಯನ್ನು ಹೆಣೆಯಲಾಗಿದೆ. ಓದುಗರಿಗೆ ಬೋರ್ ಆಗದಂತೆ, ಸುಲಭವಾಗಿ ಓದಿಸಿಕೊಂಡು ಹೋಗುವಂತೆ, ವ್ಯಂಗ್ಯಚಿತ್ರಗಳ ಮೂಲಕ ಸಂದೇಶ ತಲುಪಿಸುವ ಪ್ರಯತ್ನವನ್ನು ಈ ಕೈಪಿಡಿಯಲ್ಲಿ ಕಾಣಬಹುದಾಗಿದೆ.

ಹೆಚ್ಚು ಜನರು ಬಳಸುವ ಗ್ಯಾಸ್ ಸಿಲಿಂಡರ್ ಮೇಲಿನ ಸುರಕ್ಷಾ ಮಾಹಿತಿ ಜನರ ಭಾಷೆಯಾದ ಕನ್ನಡದಲ್ಲಿಲ್ಲದೇ ಇರುವುದು ಸಾಮಾನ್ಯ ಜನರಿಗೆ ಯಾವ ರೀತಿ ತೊಂದರೆ ಕೊಡುತ್ತಿದೆ ಎಂಬುದನ್ನು ಈ ಕೆಳಗಿನ ವ್ಯಂಗ್ಯಚಿತ್ರ ತೋರಿಸುತ್ತಿದೆ. ಇಂತದೇ ಇನ್ನೂ ಹಲವಾರು ಸನ್ನಿವೇಶಗಳನ್ನು ಕೈಪಿಡಿಯಲ್ಲಿ ನೋಡಬಹುದಾಗಿದೆ.

ಈ ಹೊತ್ತಗೆಯ ಒಂದು ಪ್ರತಿ ಬೇಕಾದಲ್ಲಿ ಈ ಮಿಂಚೆ ವಿಳಾಸದಲ್ಲಿ ನಮ್ಮನ್ನು ಸಂಪರ್ಕಿಸಿ: graahaka@gmaildotcom

ಇದುವರೆಗೆ ಜಾಗ್ರುತ ಗ್ರಾಹಕರು ತಂಡವು ತನ್ನ ಮಿಂಚೆ ಅಭಿಯಾನದ ಮೂಲಕ ಹಲವಾರು ಬದಲಾವಣೆಗಳನ್ನು ಸಾಧಿಸಿದೆ. ಕೆಲವು ಕಂಪನಿಗಳ ಹಿಂದಿ ಇಂಗ್ಲಿಷ್ ಜಾಹೀರಾತುಗಳು, ಕೆಲವು ವೆಬ್‍ಸೈಟ್‍ಗಳಲ್ಲಿ ತಪ್ಪು ಮಾಹಿತಿ ಹೀಗೆ ಹಲವೆಡೆ ರಿಪೇರಿಗಳಾಗಿವೆ. ಈ ಕೆಲಸಗಳಲ್ಲಿ ಕೈಜೋಡಿಸಬೇಕೆಂಬ ಆಸೆ ನಿಮಗೂ ಇದ್ದಲ್ಲಿ ಇಲ್ಲಿ ನೊಂದಾಯಿಸಿಕೊಳ್ಳಿ: http://groups.google.com/group/jaagruta_graahakaru?hl=en_US

ಅಥವಾ "ನಿಮ್ಮ ಹೆಸರು, ಮಿಂಚೆ ವಿಳಾಸ, ಇರುವ ಊರು ಮತ್ತು ಫೋನ್ ನಂಬರ್" ವಿವರಗಳನ್ನು ಈ ಮಿಂಚೆ ವಿಳಾಸಕ್ಕೆ ಕಳಿಸಿ: jaagruta_graahakaru-subscribe@googlegroupsdotcom

--

ಪ್ರಿಯಾಂಕ್

(ಜಾಗ್ರುತ ಗ್ರಾಹಕರು)