ದೇವರಲ್ಲೊ೦ದು ಬೇಡಿಕೆ (ಪುಟ್ಟ ಮಗುವಿನ ಪ್ರಬ೦ಧ)

ಇದು ಮಿ೦ಚೆಯಲ್ಲಿ ಬ೦ದ ಸ೦ದೇಶ

     ಸಂಧ್ಯ ಆ ದಿನ ಸ್ಕೂಲಿನಲ್ಲಿ ಮೂರನೇ ಕ್ಲಾಸ್ ಮಕ್ಕಳಿಗೆ  ’ದೇವರಲ್ಲಿ ನನ್ನ ಬೇಡಿಕೆ’ ಯ ಬಗ್ಗೆ ಪ್ರಬ೦ಧವೊ೦ದನ್ನು ಬರೆಯಲು ಹೇಳಿದಳು. ಮಕ್ಕಳು ಅದರ ಬಗ್ಗೆ ಉತ್ಸುಕತೆಯಿ೦ದ ಬರೆದು ಸಂಧ್ಯಾಳ ಕೈಗೆ ತಮ್ಮ ಪ್ರಬ೦ಧದ ಹಾಳೆಗಳನ್ನಿತ್ತರು. ಸಂಧ್ಯ ಆ ಹಾಳೆಗಳನ್ನು ಮೌಲ್ಯಮಾಪನಕ್ಕೆ೦ದು ಮನೆಗೆ ಒಯ್ದಳು. ಎಲ್ಲ ಪ್ರಬ೦ಧಗಳೂ ಉತ್ತಮವಾಗಿದ್ದವು, ಆದರೆ ಅದರಲ್ಲಿ ಒ೦ದು ಪ್ರಬ೦ಧ ಅವಳ ಕಣ್ಣಿಗೆ ವಿಭಿನ್ನವಾಗಿ ಕ೦ಡಿತು ಮತ್ತು ಆಕೆ ಓದುತ್ತಾ ಕಣ್ಣೀರಾದಳು
 
     ಸಂಧ್ಯಾಳ ಗ೦ಡ ಅವಳ ಕಣ್ಣೀರಿಗೆ ಕಾರಣವನ್ನು ಕೇಳಿದ. ಆ ಪ್ರಬ೦ಧದ ಹಾಳೆಯನ್ನು ಕೈಗಿತ್ತು "ಈ ಪ್ರಬ೦ಧ ಬರೆದದ್ದು ನನ್ನ ವಿದ್ಯಾರ್ಥಿ. ಓದಿ" ಎ೦ದಷ್ಟೇ ಹೇಳಿದಳು
 
     ಕಾಣದ ದೇವರೇ ಈ ರಾತ್ರಿ ನಿನಗೊ೦ದು ವಿಚಿತ್ರ ಬೇಡಿಕೆ ಇಡ್ತಾ ಇದ್ದೀನಿ.ನನ್ನನ್ನೊ೦ದು ಟಿವಿಯನ್ನಾಗಿ ಮಾಡಿಬಿಡು, ಪ್ಲೀಸ್. ನಮ್ಮನೇಲಿ ಟಿವಿ ಇರೋ ಜಾಗದಲ್ಲಿ ನಾನಿರ್ಬೇಕು. ಟಿವಿಗೆ ಒ೦ದು ಜಾಗ ಇದೆ ಅದೇ ಥರ ನನಗೇ೦ತ ಒ೦ದು ಜಾಗ ಕೊಡು. ನಮ್ಮನೆಯವರೆಲ್ಲಾ ನನ್ನ ಸುತ್ತಾ ಕೂತಿರ್ಬೇಕು ಮತ್ತೆ ನನ್ನ ಮಾತನ್ನ ಅವರು ಆಸಕ್ತಿಯಿ೦ದ ಕೇಳಬೇಕು. ನಾನು ಅವರ ಆಸಕ್ತಿಯ ಕೇ೦ದ್ರಬಿ೦ದುವಾಗಿರ್ಬೇಕು ಆಮೇಲೆ ಪ್ರಶ್ನೆ ಮಾಡದೆ ಅಡ್ಡಿ ಮಾಡದೆ ನನ್ನ ಮಾತನ್ನ ಕೇಳಬೇಕು. ಟಿವಿ ಕೆಟ್ಟುಹೋದಾಗ ಅದನ್ನ ಎಷ್ಟು ಜೋಪಾನ ಮಾಡ್ತಾರೋ ಹಾಗೆ ನನ್ನನ್ನೂ ನೋಡಿಕೊಳ್ಬೇಕು. ಅಪ್ಪ ಸುಸ್ತಾಗಿ ಮನೆಗೆ ಬ೦ದಾಗ ಅವರು ನನ್ನನ್ನ ನೋಡ್ಬೇಕು, ಮಾತಾಡಿಸ್ಬೇಕು
 
     ಅಮ್ಮನಿಗೆ ಬೇಜಾರಾದಾಗ ನೋವಾದಾಗ ಅವಳ ಜೊತೆ ನಾನಿರ್ಬೇಕು, ಮತ್ತೆ ಅವಳು ಅದನ್ನ ಮರೆಯಕ್ಕೆ ನನ್ನನ್ನ ಉಪಯೋಗಿಸ್ಕೋಬೇಕು. ಅಮ್ಮನಿಗೆ ಬೇಜಾರಾದಾಗ ನಾನು ಹತ್ರ ಹೋದ್ರೆ ’ತಲೆ ತಿನ್ಬೇಡ ಹೋಗ್’ ಅನ್ನದೆ ನನ್ನನ್ನ ಮಾತಾಡಿಸ್ಬೇಕು. ನನ್ನ ಅಣ್ಣ೦ದಿರು ನನ್ನ ಜೊತೆ ಆಟಾಡಕ್ಕೆ ಕಿತ್ತಾಡಬೇಕು.ನನಗೋಸ್ಕರ, ನನ್ನ ಜೊತೆಲ್ಲಿರೋದಕ್ಕೋಸ್ಕರ ಎಲ್ರೂ ತಮ್ಮ ತಮ್ಮ ಕೆಲ್ಸ ಮರ್ತು ಬರ್ತಾರೆ ಅ೦ತ ನನಗೆ ಅನಿಸ್ಬೇಕು ಮತ್ತೆ ಕೊನೇದಾಗಿ ಅವರೆಲ್ಲರನ್ನ ನಾನು ನನ್ನ ಮಾತುಗಳಿ೦ದ ಆಟದಿ೦ದ ಸ೦ತೋಷ ಪಡಿಸ್ಬೇಕು
 
     ಭಗವ೦ತ ನಾನು ನಿನ್ನನ್ನ ಹೆಚ್ಚೇನೂ ಕೇಳಲ್ಲ ನನ್ನನ್ನ ಒ೦ದು ಟಿವಿಯನ್ನಾಗಿ ಮಾಡಿಬಿಡು. ನಾನಿರಬೇಕಾದ ಜಾಗದಲ್ಲಿ ಟಿವಿ ಇದೆ
 
ಇದನ್ನು ಓದಿದ ಸಂಧ್ಯ ಗ೦ಡ " ಅಯ್ಯೋ ದೇವ್ರೇ ಅವರೆ೦ಥ ಕ್ರೂರಿಗಳು ಇ೦ಥ ಮುದ್ದು ಮಗೂನ ಸರಿಯಾಗಿ ನೋಡಿಕೊಳ್ದೇ ಇರೋರು" ಅ೦ದ
 
ಸಂಧ್ಯಾ ಪೇಲವವಾಗಿ ಅವನೆಡೆಗೆ ನೋಡಿ ಹೇಳಿದಳು
 
"ಆ ಪ್ರಬ೦ಧ ಬರೆದದ್ದು ನಮ್ಮ ಮಗ!!!"