ಕವನಗಳು
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 05, 2024
ಒಂದು ಕಾಲದಿ ಮೆರೆದ ಮನೆಯಿದು
ಚಂದ ಪ್ರಕೃತಿಯು ಸುತ್ತಲು
ಬಂಧು ಬಳಗವು ಸೇರಿ ನಲಿದಿಹ
ಬಂಧ ಬೆಳೆಸಿದ ದೇಗುಲ
ಹೆಂಚು ಹಾಸಿದ ಸೂರು ಮೇಲ್ಗಡೆ
ಅಂಚು ಸುಂದರ ಕಂಡಿದೆ
ಸಂಚು ಮತ್ಸರವಿರದ ತಾಣವು
ಕೊಂಚ ಹಳೆಯದು ಇಂದಿಗೆ
ಎಷ್ಟು ಮಂದಿಯ ಜನನವಾಯಿತು
ಇಷ್ಟು ಚಂದದ ಮನೆಯಲಿ
ಕಷ್ಟವಾದರು ಜೊತೆಯಲಿದ್ದರು
ನಿಷ್ಠೆಯಿದ್ದಿತು ಬಾಳಲಿ
ಮಾಡು ನಾಲ್ಕಿದೆ ಬಹಳ ಸುಂದರ
ಮೂಡು ದಿಕ್ಕಿಗೆ ಮುಖವಿದೆ
ನೋಡುತಿದ್ದರೆ ಮನವ ಸೆಳೆವುದು
ಬೀಡು ಪರಿಸರ ನಡುವಿದೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 04, 2024
ಹೂಮಾಲೆ ಹಾಕುವೆನಯ್ಯ
ಶ್ರೀಗಂಧ ಹಚ್ಚುವೆನಯ್ಯ
ತುಪ್ಪದ ದೀಪವನು ಹಚ್ಚಿ
ಆರತಿ ಯನು ಬೆಳಗುವೆ ನಯ್ಯ
"ರಾಮ ಶ್ರೀ ರಾಮ ರಾಮ ರಘು ರಾಮ "
ನಿನ್ನ ಕಂಡ ಒಡನೆ ತಂದೆ
ಸ್ವರ್ಗವಾಯ್ತು ಭೂಮಿಯು ಇಂದೇ
ಕಣ್ಣ ನೀರ ಹನಿಯೂ ಕೂಡ
ಪುಷ್ಪವಾಗಿ ತಾನು ಜಾರಿತಯ್ಯ
"ರಾಮ ಶ್ರೀ ರಾಮ ರಾಮ ರಘುರಾಮ"
ಕಂಡೆ ನಿನ್ನ ಕಂಗಳಲ್ಲಿ
ಮುಕ್ತಿ ನೀಡೋ ಬೆಳಕಾ ನಾನು
ಭಕ್ತಿಯಿಂದ ಬೇಡಿ ಕೊಂಬೆ
ಬಾರೋ ಬೇಗನೆ ತಂದೆ
"ರಾಮ ಶ್ರೀ ರಾಮ ರಾಮ ರಘುರಾಮ "
ನನ್ನದೊಂದು ಕೂರಿಕೆ ದೇವ
ಕೇಳಲೊಮ್ಮೆ ಬಾರೋ ನೀನು
ಕಂದನಾಗಿ ಹುಟ್ಟು ಒಮ್ಮೆ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 03, 2024
ಸೂತ್ರವನರಿಯೆನು ಕವನವ ರಚಿಸಲು
ರಾತ್ರಿಯ ಕಾನನ ಪಯಣವಿದು
ಮಾತ್ರೆಯು ಗಣಗಳು ಲೋಹದ ಕಡಲೆಯು
ನೇತ್ರದಿ ತುಂಬಿದೆ ಕಂಬನಿಯು
ಬರೆಯುವ ಗೀತೆಗೆ ವಿಷಯವನರಸಲು
ಕೊರತೆಯು ನನ್ನನು ಕಾಡುತಿದೆ
ದೊರೆಯದೆ ಹೋಯಿತು ಕವನಕೆ ಪದಗಳು
ಕರುಣೆಯ ವಾಣಿಯು ಹರಿಯಿಸದೆ
ಶಾರದೆ ಹರಸಿರೆ ಕವನಗಳುದಿಪವು
ಬಾರದು ಪದಗಳ ಬರಗಾಲ
ತೋರಲಿ ದಯೆಯನು ಅಕ್ಷರ ಮಾತೆಯು
ಕೋರುವೆ ಪೂಜಿಸಿ ಚರಣಗಳ
ಎಲ್ಲಾ ಕಲೆಗಳ ದಾತೆಸರಸ್ವತಿ
ಗೆಲ್ಲಿಸಿ ಬಿಡುವಳು ಲೋಕದೊಳು
ಸಲ್ಲುವ ಮಂದಿಯನಾರಿಸಿ ಕೊಡುವಳು
ಬಲ್ಲವರೀನುಡಿ ನುಡಿಯುವರು||
-…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 02, 2024
ಪ್ರವೀಣ!
ಜನಪ್ರಿಯ
ಗಾದೆ-
ಹುಚ್ಮುಂಡೆ
ಮದುವೇಲಿ
ಉಂಡವನೇ
ಜಾಣ...
ಇದನ್ನು
ಅಕ್ಷರಶಃ
ಸಾಧಿಸಿದವನೇ
ನಮ್ಮೂರ
ರಾಜಕೀಯ
ಪ್ರವೀಣ!
***
ಚಾಪ್ಲಿನ್-ಉವಾಚ
ಸುರಿವ
ಮಳೆಯೊಳಗೆನ್ನ
ನಿಲ್ಲಿಸಿಬಿಡು-
ಮಳೆಯ ಜೊತೆಗೆ
ಕಣ್ಣೀರ ಹನಿಗಳನೂ
ಸುರಿಸಿಬಿಡುವೆ...
ಈ ಜಗದ
ಜನಕೆ
ಅದು ಗೊತ್ತಾಗದಿರಲಿ;
ಆ ಮಳೆ
ನಿಂತೊಡೆನೆಯೇ
ನಾ ನಕ್ಕುಬಿಡುವೆ!
***
ಏಕ ಪತ್ನೀ ವೃತಸ್ಥ...
ಸೀತೆಯನು
ಕಾಡಿಗಟ್ಟಿ
ಪರೀಕ್ಷೆಗೊಳಪಡಿಸಿದರೂ
ಆದನು
ಶ್ರೀರಾಮ
ಪುರುಷೋತ್ತಮ...
ರಾವಣನನ್ನು
ಕೊಂದದ್ದಕ್ಕಲ್ಲ;
ಸದಾಚಾರ ಸಂಪನ್ನ
ಏಕ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
June 01, 2024
ಮಾಸಗಳುರುಳಿತು ಹೂಗಳ ಕಾಣದೆ
ರೋಧಿಸುತಿದ್ದಿತು ಹೂಬನವು
ಹಾಡುವ ಕೋಗಿಲೆ ಬಾರದ ನೋವಲಿ
ಇಣುಕುತಲಿದ್ದಿತು ಮಾಮರವು
ಓದುವ ಮಕ್ಕಳು ಬಾರದೆ ಶಾಲೆಯ
ಕಟ್ಟಡಕೆಲ್ಲಿದೆ ಜೀವಕಳೆ?
ಮುಚ್ಚಿದ ಕದಗಳ ತೆರೆಯದ ದಿನಗಳು
ಬಿಡದಲೆ ಕಾಡಿದ ನೋವುಗಳೆ
ದಿನಗಳು ಉರುಳಿದೆ ಬಾಗಿಲು ತೆರೆದಿದೆ
ಇಂದಿಗೆ ಮುಗಿಯಿತು ವನವಾಸ
ಕಲರವದೊಂದಿಗೆ ಸಿಗಲಿದೆ ಶಾಲೆಗೆ
ಹೂಮನ ಮಕ್ಕಳ ಸಹವಾಸ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಚಿತ್ರ ಕೃಪೆ: ಇಂಟರ್ನೆಟ್ ತಾಣ
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 31, 2024
ಇಲ್ಲಿದೆ ಷಣ್ಮುಖ ದೇವಾಲಯ
ಅನುವಾವಿಯಲ್ಲಿರುವ ಕಾರ್ತಿಕೇಯ
ಬಹುದೊಡ್ಡ ಬೆಟ್ಟದ ತುದಿಯಲ್ಲಿ ನಿಂತ
ಶ್ರೀ ಸುಬ್ರಹ್ಮಣ್ಯನ ದರ್ಶನವೆ ಭಾಗ್ಯ/
ಸುತ್ತಲೂ ಹಸಿರು ಸಿರಿ ಆಹ್ಲಾದವಿಲ್ಲಿ
ಶ್ರೀ ಸ್ವಾಮಿ ಕುಳಿತಿಹನು ಬೆಟ್ಟದಾ ತುದಿಯಲ್ಲಿ
ಮೆಟ್ಟಿಲನು ಏರುತ್ತ ತುದಿ ಸೇರಬೇಕು
ಮನದೊಳಗೆ ಬತ್ತದಿಹ ಭಕ್ತಿ ಇರಬೇಕು/
ಸಂಜೀವಿನಿ ಬೆಟ್ಟ ಹೊತ್ತಿರಲು ಹನುಮ
ಗಗನದಲಿ ಸಂಚಾರ ಅವಸರದ ಯಾನ
ಬಾಯಾರಿ ಬಳಲಿರಲು ಬೇಡಿದನು ಹನುಮ
ಶ್ರೀ ಕುಮಾರ ಸ್ವಾಮಿಯನು ಜಪಿಸುತ್ತ ಜಲವ/
ಷಣ್ಮುಖನು ಆಯಧವ ನೆಲಕೊಮ್ಮೆ ಕುಕ್ಕಿ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 30, 2024
ನೆರಳನು ನೀಡುವ ಸೂರನು ನೆನೆವುದು
ಹೊಣೆಯದು ನಮ್ನದು ತಪ್ಪಲ್ಲ
ಜಡಿಮಳೆ ಸುರಿದರೆ ಬಿಸಿಲಿನ ತಾಪಕೆ
ರಕ್ಷಣೆ ಕೊಡುವುದು ನಮಗೆಲ್ಲ
ಸೂರಿಗೆ ನಮಿಸುತ ತಳವನು ಮರೆತರೆ
ಈ ನಡೆ ಎಂದುಗು ಸರಿಯಲ್ಲ
ನೆಲೆಸಲು ಭದ್ರದ ತಳವನು ಮರೆತರೆ
ದೇವರು ನಮ್ಮನು ಕ್ಷಮಿಸಲ್ಲ
ಪೀಠವನೂರಿದ ನೆಲವದು ಕುಸಿಯದೆ
ರಕ್ಷಿಸುತಿರುವುದು ತಳಪಾಯ
ನೆರಳನು ನೀಡುವ ಅಮ್ಮನ ಜೊತೆಯಲಿ
ಬದುಕನು ನೀಡುವ ಅಪ್ಪಯ್ಯ
ಬಾಳಿಗೆ ಭದ್ರಬುನಾದಿಯ ನೀಡುವ
ಅಪ್ಪನು ಬದುಕಿನ ಆಧಾರ
ಅಪ್ಪನು,ಅಮ್ಮನು ಹರಸಿದರಾದರೆ
ಗೆಲುವಿನ ಹಾಡಿಗೆ ಶ್ರೀಕಾರ…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 29, 2024
೧.
ಅವನು ಅಂದುಕೊಂಡಿದ್ದ
ತಾನೊಂದು ಆಲದ ಮರ!
ಈಗ ಗೊತ್ತಾಗಿದೆ
ತಾನು ಹಾಳಾದ ಮರ!!
೨.
ಅಳೆದೂ ತೂಗಿ ಬದುಕಿದರೆ
ಒಂದು ಚಂದ!
ಲೆಕ್ಕ ತಪ್ಪಿ ನಡೆದರೆ
ಎತ್ತಬೇಕು ಚಂದಾ!!
೩.
ದೇವರ ಭಯವಿಲ್ಲದವನ ಬದುಕು
ಭೂಮಿಯಲ್ಲೇ ನರಕ!
ಎಲ್ಲಿ ನಡೆದರೂ ಮನುಜನಿಗೆ ನೋವಿನದೇ ಎರಕ!!
೪.
ವಿಧಿಯಾಡಿಸುವಾಗ ಸುಮ್ಮನಿರು ಸೋತು!
ಅಧಿಕಾರ ತೋರಿಸಿದೆಯೋ
ನಿನ್ನ ಕಥೆ ಮುಗೀತು!!
೫.
ಅವನು ಕರುಣಿಸದಿರುವ ಯಾವುದೇ
ಪದವಿಗೆ ಬೆಲೆಯಿರದು..!
ಅನುಗ್ರಹಿಸಲ್ಪಡದಿರುವುದು
ಎಂದಿಗೂ ಬಳಿಯಿರದು!!
೬.
ನೋವು ಎಲ್ಲರದೂ ಒಂದೇ!…
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 28, 2024
ಯಾವ ಶಿಲ್ಪಿಯೊ ಕೆತ್ತಿ ಶಿಲ್ಪವ
ಭಾವ ತುಂಬಿದ ಮನದೊಳು
ದೇವ ಕನ್ನಿಕೆಯಂಥ ಚೆಲುವಿಕೆ
ಕಾವರಿಲ್ಲವೆ ನಾಡೊಳು
ಕೊರಳು ಬಳಸಿದ ದಾರ ಹೊಂದಿದೆ
ಕರದಿ ನುಡಿಸುವ ಮದ್ದಳೆ
ಕರವನೊಂದನು ಮೇಲಕೆತ್ತಿದೆ
ಶಿರದ ಹಿಂಬದಿ ಹಿಡಿದಳೆ
ಹಸಿರು ಲತೆಗಳು ಸುತ್ತುವರಿದಿವೆ
ಕುಸುಮ ಕೋಮಲೆ ಬಾಲೆಯ
ಮಸುಕುಗೊಳಿಸಿದೆ ಶಿಲ್ಪದಂದವ
ಹೊಸಕಿ ಹಾಕದೆ ಬಿಡುವುದೆ?
ಸೊರಗತೊಡಗಿದೆ ಕಾವರಿಲ್ಲದೆ
ಮರುಕ ತರಿಸುವ ತರವಿದೆ
ಕರಗಿ ಹೋಗುವ ಮುನ್ನ ರಕ್ಷಿಸಿ
ಪೊರೆವ ಮಂದಿಯ ಕಾಣದೆ||
-ಪೆರ್ಮುಖ ಸುಬ್ರಹ್ಮಣ್ಯ ಭಟ್
ಲೇಖಕರು: ಬರಹಗಾರರ ಬಳಗ
ವಿಧ: ಕವನ
May 27, 2024
ಏಕೆ ಸಿಟ್ಟು ಮಳೆ ರಾಯ ಧರೆಯ ಮೇಲೆ
ಉಳಿಯುವುದೇ ಪ್ರಾಣಿಗಳು ಭುವಿಯ ಮೇಲೆ
ದಯೆತೋರಿಸಿ ಬಾ ನೀನು ಇಳೆಯ ಮೇಲೆ
ಹಸಿರಾಗಿಸು ಒಮ್ಮೆ ನೆಲದ ಮೇಲೆ
ಬತ್ತಿ ಹೋಗುತಿವೆ ನದಿಗಳೆಲ್ಲಾ
ಮತ್ತೆ ಬಾಗುತಿವೆ ಮ಼ಗಗಳೆಲ್ಲಾ
ಮೆತ್ತಗಾಗುತಿವೆ ಸಸಿ ಗಳೆಲ್ಲಾ
ಅತ್ತು ಕರೆಯುತಿವೆ ಜೀವಿ ಗಳೆಲ್ಲಾ
ಹೊಸ ವರುಷ ಬಂದರೂ ಹರುಷವಿಲ್ಲ
ಕಸವೆ ತುಂಬಿದೆ ಬುವಿಯಲೆಲ್ಲಾ
ಹಸುನೀಗುತಿವೆ ದನಕರು ಗಳೆಲ್ಲಾ
ತುಸು ಮುನಿಸು ಮಾಡದೇ ನೀ ಬರಬೇಕಲ್ಲ
-ಕೆ. ವಾಣಿ
ಚಿತ್ರ ಕೃಪೆ: ಇಂಟರ್ನೆಟ್ ತಾಣ