ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಆಳ್ ಮತ್ತು ಆೞ್ ಈ ಎರಡೂ ಬೇಱೆ ಬೇಱೆ ಅರ್ಥಗಳಲ್ಲಿ ಬೞಸಲ್ಪಡುವ ಪದಗಳು
ಆಳ್=ನಾಮಪದವಾದಾಗ ಸೇವಕ ಆಳು. ಕ್ರಿಯಾಪದವಾದಾಗ ಅಧಿಕಾರವಹಿಸು, ರಾಜ್ಯಭಾರ ನಡೆಸು. ಅವನ ಮನೆಯಲ್ಲಿ ಮನೆಯಾಳ್ತನ ಅವನ ಹೆಂಡತಿಯದೇ ಇತ್ಯಾದಿ. ಭೂತಕಾಲದ ರೂಪ ಆಳ್ದು (ಹೞಗನ್ನಡ) ಆಳಿ=ಹೊಸಗನ್ನಡ. ಭವಿಷ್ಯದ್ರೂಪ=ಆಳ್ವ/ಆಳುವ.

ಕನ್ನಡದಲ್ಲಿ (ತೆನ್ನುಡಿಯಲ್ಲಿ) ತಿನ್ನುವ ಕ್ರಿಯೆ ಸೂಚಿಸಲು ಉಣ್ಣು ಮತ್ತು ತಿನ್ನು ಎರಡು ಪದಗಳಿವೆ. ಆದರೆ ಇಲ್ಲಿ ಅರ್ಥದಲ್ಲಿ ವ್ಯತ್ಯಾಸವಿದ್ದ ಹಾಗೆ ತೋಱುತ್ತದೆ. ತಿನ್ನು ಅಂದರೆ ಸುಮ್ಮನೆ ಬಾಯಿರುಚಿಗೋ, ಸ್ವಲ್ಪ ಸಮಯ ಹಸಿವು ತಡೆಯಲೋ ತಿನ್ನುವುದು. ಪೋಷಣೆಯ ದೃಷ್ಟಿಯಲ್ಲಿಟ್ಟುಕೊಂಡು ಆಹಾರ ಸೇವಿಸುವುದು ಮಾತ್ರ ಉಣ್ಣುವುದು. ಊಟವೂ ಪೋಷಣೆಗೋಸ್ಕರವೇ.

ಕತೆಗಳನ್ನು ಪತ್ರಿಕೆಗೆ ಬರೆದು ಕಳುಹಿಸುವಾಗ ಬಿಳಿ ಹಾಳೆಯಲ್ಲಿಯೇ ಬರೆಯಬೇಕೆ೦ಬ ನಿಯಮವೇನಾದರೂ ಇದೆಯೇ..? ಅಥವಾ ಗೆರೆಹಾಳೆಯಲ್ಲಿಯೂ ಬರೆಯಬಹುದೇ..? ನನ್ನ ಮಿತ್ರನ ಪ್ರಕಾರ ಬಿಳಿಹಾಳೆಯಲ್ಲಿಯೇ ಬರೆಯಬೇಕ೦ತೆ.ಇಲ್ಲಿ ಯಾರಾದರೂ ಪತ್ರಿಕೆಗಳಿಗೆ ಬರೆದವರಿದ್ದರೇ ತಿಳಿಸಿ.

ರಟ್ಟು_೧ (ನಾಮಪದ) [ತೆಲುಗು: ರೆಟ್ಟಿ, ರೆಟ್ಟು]
೧. ಎರಡೆಳೆಗಳನ್ನು ಜೊತೆಯಾಗಿ ಹಾಕಿಕೊಂಡು ನೆಯ್ದ ದಪ್ಪಬಟ್ಟೆ; ಒರಟು ಬಟ್ಟೆ
೨. ಪುಸ್ತಕಕ್ಕೆ ಹಾಕುವ ದಪ್ಪಬಟ್ಟೆ ಅಥವಾ ದಪ್ಪಕಾಗದದ ಮೇಲುಹೊದಿಕೆ; ಬೈಂಡು
೩. ಪುಸ್ತಕವು ಕೊಳೆಯಾಗದಂತಿರಲು ಮೇಲೆ ಹಾಕುವ ಕಾಗದದ ಹೊದಿಕೆ

ರಟ್ಟು_೨ (ನಾಮಪದ) [ತೆಲುಗು: ರಟ್ಟು]

ಪೞಗು, ಪೞೆ(ಹೞೆ) ಎರಡೂ ಒಂದೇ ಬೇರಿಗೆ ಸೇರಿದ್ದು. ಅವುಗಳ ಅರ್ಥ ಹೊಸದಲ್ಲದ್ದು. ಹೞೆಯದೆಂದೇ ಅರ್ಥ. ನಾವು ಯವುದನ್ನಾದರೂ ಪೞಗಿಸಬೇಕೆಂದರೆ ಅದು ಹೊಸದಱಲ್ಲಿ ಸಾಧ್ಯವಿಲ್ಲ. ಉದಾಹರಣೆಗೆ ಆನೆಯನ್ನು ಪೞಗಿಸುವುದನ್ನೇ ತೆಗೆದುಕೊಳ್ಳಿ. ಅದಱೊಂದಿಗೆ ನಮಗೆ ಸಲಿಗೆ ಬೆಳೆದು ಅದು ನಾವು ಹೇೞಿದಂತೆ ಕೇಳಬೇಕೆಂದರೆ ನಮಗೆ ಆನೆಯ ಪರಿಚಯದ ಹೊಸತಱಲ್ಲಿ ಸಾಧ್ಯವಿಲ್ಲ.