ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಲಿನಕ್ಸ್ ಹಬ್ಬ ಮಾಡ್ತೀವಿ ಬನ್ನಿ ಅಂದದ್ದೇ ತಡ ಎಲ್ಲೆಡೆಯಿಂದ ಅದರ ಉಪಯೋಗ ಪಡೀಲಿಕ್ಕೆ, ಹಬ್ಬ ಮಾಡಬೇಕು ಅಂದ್ಕೊಂಡ ನಮ್ಮೆಲ್ಲರಿಗೆ ಸಹಾಯ ಮಾಡಲಿಕ್ಕೆ ಎಲ್ಲೆಡೆಯಿಂದ ಸಂದೇಶಗಳು ನಮಗೆ ಬರಲಾರಂಬಿಸಿದವು. ನಾವಂದು ಕೊಂಡದ್ದಕ್ಕಿಂತ ಹೆಚ್ಚಿನ ಸಂಖ್ಯೆಯಲ್ಲಿ ನಮ್ಮ ಕಾರ್ಯಕ್ರಮದ ಸುದ್ದಿಗೆ ಸ್ವಂದಿಸಿದ ಎಲ್ಲರಿಗೂ ಅನಂತಾನಂತ ಧನ್ಯವಾದಗಳು.

ಕಾರ್ಯಕ್ರಮ ನಾವು ಅಂದುಕೊಂಡಂತೆ ಇಂದು ಬೆಳಗ್ಗೆ ೧೦:೩೦ ಕ್ಕೆ ಸುಂದರ ಐ.ಐ.ಎಸ್.ಸಿ ಕ್ಯಾಂಪಸ್ಸಿನ ಸೂಪರ್ ಕಂಪ್ಯೂಟರ್ ವಿಭಾಗದ ಕಟ್ಟಡದ ೨೦೨ ನೇ ಕೊಠಡಿಯಲ್ಲಿ ಶುರು ಆಯಿತು. ಮುಂಜಾವಿನಲ್ಲೇ ಬಂದ ಸಂಪದ ಬಳಗದ ಗೆಳೆಯರಿಗೆ ಎಲ್ಲರನ್ನ ಬರಮಾಡಿಕೊಂಡು ಅವರಿಗೆ ಲಿನಕ್ಸ್ ಔತಣ ಬಡಿಸಲಿಕ್ಕೆ ಆತುರ ಮತ್ತು ಕಾತುರ. ಬಂದ ತಕ್ಷಣ ಗ್ನೂ/ಲಿನಕ್ಸ್ ಹಬ್ಬದ ಶುಬ್ರ ಟಿ-ಶರ್ಟ್ ಹಾಕಿಕೊಂಡು ಹೇಗೆ ಎಲ್ಲವನ್ನ ನಿಭಾಯಿಸ ಬೇಕು ಅನ್ನೋದನ್ನ ಪಟ ಪಟನೆ ಎಲ್ಲರಿಗೆ ಅರುಹಿದ ಹರಿ ಮತ್ತೆ ಕೆಲವರು ರೆಜಸ್ಟ್ರೇಷನ್ ಡೆಸ್ಕ್ ನ ಕಡೆ, ಐ.ಐ.ಎಸ್.ಸಿ ಗೇಟಿನ ಕಡೆ ಕಾಲು ಹಾಕಿದರು. ಉಳಿದ ನಾವೆಲ್ಲ, ರೆಜಿಸ್ಟ್ರೇಷನ್ ಕಿಟ್, ನೆಟ್ವರ್ಕ್, ಎಲೆಕ್ಟ್ರಿಸಿಟಿ, ಪ್ರೊಜೆಕ್ಟರ್, ಸಿ.ಡಿ ಅಂತ ಒಂದೊಂದೇ ಕೆಲಸಗಳನ್ನಹಂಚಿ ಕೊಂಡು ತಯಾರಗುತ್ತಿರುವಷ್ಟರಲ್ಲೆ, ಹೊತ್ತು ಕಳೆದು ಹಬ್ಬಕ್ಕೆ ಬಂಧುಗಳು ಆಗಮಿಸಲಿಕ್ಕೆ ಶುರುಮಾಡಿದರು. ನಮ್ಮ ಕೆಲಸ ಶುರು.

ಎಲ್ಲರಿಗೂ ನಾವುಗಳು ಸಿದ್ದ ಪಡಿಸಿದ ಸಿ.ಡಿ ಕೊಟ್ಟು, ಎಲ್ಲರನ್ನ ಲಿನಕ್ಸ್ ಇನ್ಸ್ಟಾಲೇಷನ್ ಗೆ ಅಣಿ ಪಡಿಸೋ ಹೊತ್ತಿಗೆ, ನಮ್ಮ ಹರಿ ಮತ್ತು ಶಶಿ ಕಾರ್ಯಕ್ರಮಕ್ಕೆ ವಿದ್ಯುಕ್ತ ಚಾಲನೆ ನೀಡಿ ಏತಕ್ಕೆ ಗ್ನು/ಲಿನಕ್ಸ್ ಹಬ್ಬ ಆಚರಿಸುತ್ತಿದ್ದೇವೆ ಅನ್ನೋದನ್ನ ಎಲ್ಲರ ಮುಂದೆ ಬಿಡಿಸಿ ಹೇಳಿದರು. ಹಬ್ಬದ ಸಲಹೆಯನ್ನ ಮುಂದಿಟ್ಟ ಶ್ರೀನಿಧಿ ಮಾತನಾಡಿ, ಬಸ್ ನಲ್ಲಿ ನಿದ್ದೆ ಮಾಡುವ ಸಮಯದಲ್ಲಿ ಅದು ತಮಗೆ ಹೊಳೆದ ಬಗೆಯನ್ನ ವಿವರಿಸಿ ಹೇಗೆ ಇದು ಎಲ್ಲರಿಗೆ ತಂತ್ರಾಂಶವನ್ನ, ತಂತ್ರಜ್ಞಾನ ಜನ ಸಾಮಾನ್ಯನ ಹತ್ತಿರ ಹೇಗೆ ತರಬಲ್ಲದು ಅನ್ನೋದನ್ನ ವಿವರಿಸಿದರು. ನಂತರ ಇನ್ಸ್ತಾಲೇಷನ್ ಹ್ಯಾಗೆ ಮಾಡೋದು ಅನ್ನೂದನ್ನ ಎಲ್ಲರಿಗೆ ವಿವರಿಸಿದರು.

ನೆನಪು ಕಾಡಿದೆ ಅವಳದೇ ಇಂದು
ಎಂದು ಇಲ್ಲದ ಪ್ರೀತಿ ಉಕ್ಕಿದೆ ಇಂದು

ಆ ಹವಳದ ತುಟಿಗಳಒಳಗೆ ಆ ಮುತ್ತಿನ ಸಾಲುಗಳು
ಆ ಸಂಪಿಗೆಯಂತ ನಾಸಿಕದಲ್ಲಿನ ಬಂಗಾರದ ಮೂಗುತಿ
ಆಗಸವೇ ಅಸೂಯೇ ಪಡುವಂತ ಆ ನೀಲಿ ಕಣ್ಣುಗಳು
ಎಂತವರಿಗೂ ಮೋಹ ಹುಟ್ಟಿಸುವ ಆ ಕಾಮನ ಬಿಲ್ಲಿನ ಹುಬ್ಬುಗಳು…

ವರ್ಣಿಸಿದರೂ ಮುಗಿಯದ ಅವಳ ದೇಹದ ಮೈಮಾಟ
ಬ್ರಹ್ಮ,ಕಾಮನ ಜೊತೆಗೂಡಿ ಆಡಿದ ಆಟ

ಇದು ಏಳು ವರ್ಷದ ಹಿಂದಿನ ಮಾತು ಆಗ ತಾನೆ ಡಿಪ್ಲಮೋ ಮುಗಿಸಿದ್ದೆ. ನನ್ನ ಸಹಪಾಠಿಗಳಿಗಿಂತ ಮುಂಚೆ ಸಾಫ್ಟ್ವೇರ್ ಕಂಪೆನಿಯ ಡಾಟ್ ಕಾಂ ಶಾಖೆಯಲ್ಲಿ ಸಿಕ್ಕಿತು. 2000 ದಲ್ಲಿ ನನ್ನ ಅದೃಷ್ಟವೋ ಏನೊ ಐದಂಕಿಯ ಸಂಬಳ ಅದೂ ಬರೀ ಡಿಪ್ಲೊಮಾಗೆ . ಹದಿ ವಯಸು ನನ್ನ ಅಹಂ ಮೇರೆ ಮೀರಿತ್ತು. ಅದೃಷ್ಟ, ವಿಧಿ, ದೇವರಿಗಿಂತ ನನ್ನ ಸ್ವಯಂ ಶಕ್ತಿಯ ಮೇಲೆ ಅತಿಯಾದ ಆತ್ಮ ವಿಶ್ವಾಸ.

ಅಂದು ಸಂಪೂರ್ಣ ಕಾರ್ಪೋರೇಟ್ ಜಗತ್ತಿನಂತಿದ್ದ ಹೋಟೆಲ್ ಸೆಮಿನಾರ್ ರೂಮಿನಲ್ಲಿ ಇಷ್ಟು ಸ್ಪಷ್ಟ ಕನ್ನಡ ಮಾತನಾಡಿದ್ಯಾರು ಎಂದು ಎಲ್ಲರೂ ತಲೆ ಎತ್ತಿ ನೋಡಿದ್ದರು. ತಂತ್ರಜ್ಞಾನದ ಬಗ್ಗೆ ಹೆಚ್ಚು ಅರಿಯದವರೂ ಸ್ಕ್ರೀನಿನ ಮೇಲೆ ಬಂದು ಹೋಗುತ್ತಿದ್ದ ಗೂಗಲ್ ದುಮ್ಯಾಪುಗಳು, ಅದರೊಂದಿಗೆ ಪ್ರಸಾದ್ ರವರ GPS trail ಎಲ್ಲರ ಗಮನವನ್ನು ಸೆಳೆದಿತ್ತು.

ಇವತ್ತು ಪ್ರಸಾದ್ ಇಡಿಯ ಭರತ ಖಂಡ ಸುತ್ತಿ ಬರಲು ಸಜ್ಜಾಗಿದ್ದಾರೆ. ಅದೂ ತಮ್ಮ ಬೈಕಿನ ಮೇಲೆಯೇ. ಉದ್ದೇಶ ನೀರಿನ ಬಳಕೆ ಹಾಗೂ ಮೂಲಗಳ ಬಗ್ಗೆ, ಒಟ್ಟಾರೆ ಭಾರತದಲ್ಲಿನ ಸದ್ಯದ ನೀರಿನ ಪರಿಸ್ಥಿತಿಯ ಬಗ್ಗೆ ಅಧ್ಯಯನ ನಡೆಸುವುದು. ತಮ್ಮ GPS ಡಿವೈಸ್ ಹಿಡಿದು ಅವರು ಹಿಡಿಯುವ ದಾರಿ ಅಂತರ್ಜಾಲದಲ್ಲಿ ರೆಕಾರ್ಡ್ ಮಾಡುತ್ತ ಹೋಗುವರು. ಜೊತೆಗೆ ತಮ್ಮ ಅನುಭವವನ್ನು ಕನ್ನಡದಲ್ಲಿ ಹಂಚಿಕೊಳ್ಳುವರು.

ಪ್ರಸಾದ್ ಜೊತೆ ಮೊನ್ನೆ ಮಾತನಾಡಿದೆವು. ಮಾತುಕತೆಯ ಕೆಲ ಭಾಗಗಳು ಇಗೋ ನಿಮ್ಮ ಮುಂದಿದೆ. (ಪುಟದ ಕೊನೆ ನೋಡಿ - ಸಂಪೂರ್ಣ ಲೇಖನ ಹಾಗೂ ಮತ್ತಷ್ಟು ಗ್ನು/ಲಿನಕ್ಸ್ ಹಬ್ಬದ ನಂತರ ಹಾಕುವೆ!)

ಪ್ರಸಾದ್ ರವರನ್ನು ಸಂಪರ್ಕಿಸಲು csp@arghyam.org ಗೆ ಇ-ಮೇಯ್ಲ್ ಮಾಡಿ. ಇವರೊಂದಿಗೆ ಅಯಾ ಊರುಗಳಿಂದ ಸ್ನೇಹಿತರೂ ಜೊತೆಗೂಡುತ್ತಿದ್ದಾರೆ. ನಿಮಗೆ ಆಸಕ್ತಿಯಿದ್ದರೆ ನೀವೂ ಜೊತೆಗೂಡಬಹುದು. ಹೆಚ್ಚಿನ ಮಾಹಿತಿಗೆ http://www.indiawaterportal.org/k2k/ ನೋಡಿ.

ಅವರ ಈ ಯಾತ್ರೆ ಶುಭವಾಗಲಿ ಎಂದು ಹಾರೈಸೋಣ, ಕನ್ನಡದವರೊಬ್ಬರಿಂದ ನಡೆಯುತ್ತಿರುವ ಇಂತಹ ಪ್ರಯತ್ನವೊಂದಕ್ಕೆ ನಮ್ಮೆಲ್ಲರ ಪ್ರೋತ್ಸಾಹ ನೀಡೋಣ :-)

ಪ್ರಸಾದ್ ರವರ ಯಾತ್ರೆಗೆ Flag off ಇಂದು, ಬೆಳಿಗ್ಗೆ 9.00 ಕ್ಕೆ,

ಫೋಟೋ ಕೃಪೆ: ಬೆಂಗಳೂರು ಮಿರರ್, ನಿಶಾಂತ್ ರತ್ನಾಕರ್.