ಸಖ ಗೀತ...

ಕವನ

ನೋಡಿಲ್ಲಿ ನಿನಗಾಗಿ ಹೂವೊಂದು ಅರಳಿದೆ

ನೋಡಿಲ್ಲಿ ನಿನಗಾಗಿ ಹೂಮುಡಿದ ಹೆಣ್ಣಿದೆ

ಗಂಡು ಹೆಣ್ಣು ಆಗಿ ನಾವ್ ಬಂದೆವು ಈ ಮಣ್ಣಿಗೆ

ಗಂಡ ಹೆಂಡಿರು ಈಗ ಈ ಜಗದ ಕಣ್ಣಿಗೆ

ಎತ್ತಲೋ ಹಾರಿ ಹೋದ ಹಕ್ಕಿಗಿಲ್ಲ ಬಂಧನ

ಮತ್ತೆ ಅಲ್ಲಿ ಹರಿವ ಆ ನೀರಿಗೆ ಸ್ವಚ್ಛಂದನ

(ಹೊತ್ತು ತುತ್ತಿಗೆಂದು ದುಡಿವುದೇ ಏನು ಜೀವನ!)

ಹತ್ತು ದಿಕ್ಕು ಹಾರಿ ಹಕ್ಕಿ ಬಂತೆ ಮತ್ತೆ ಗೂಡಿಗೆ

ಕತ್ತಲಾಯಿತು ಎಂದೇ ಚಿಕ್ಕೆ ಬಂತೆ ಬಾನಿಗೆ!

ನಿನ್ನನೆಲ್ಲೋ ಕರೆದೊಯ್ವ ಬೆಳಗಿಗೆ ನಾ ಕ್ಷಮಿಸುವೆ

ಮತ್ತೆ ನಿನ್ನ ನನಗೀವ ಆ ಇರುಳಿಗೆ ನಾ ನಮಿಸುವೆ!

ನೋಡಿಲ್ಲಿ ನಿನಗಾಗಿ ಹೂವೊಂದು ಅರಳಿದೆ

ನೋಡಿಲ್ಲಿ ನಿನಗಾಗಿ ಹೂಮುಡಿದ ಹೆಣ್ಣಿದೆ

-ಮಾಲು

ಉತ್ತಮ ಬರಹಗಳು ತಪ್ಪದಿರಲಿ