(ಸುಭಾಷ ಪಾಳೇಕರ ಅವರ ಶೂನ್ಯ ಬಂಡವಾಳದ ನೈಸರ್ಗಿಕ ಕೃಷಿ ವಿಧಾನದ ಪರಿಚಯ, ಮಳೆ ನೀರಿನ ಸದುಪಯೋಗ, ಕಡಿಮೆ ಮಳೆಯಲ್ಲಿಯೂ ಬೆಳೆಯುವ ವಿಧಾನಗಳು ಹಾಗೂ ರೈತರಿಗೆ ಬದುಕುವ ದಾರಿ ತೋರುವ ಕೈಪಿಡಿ)

ನಿಜಕ್ಕೂ ಒಂದು ಕಾಲವಿತ್ತು.

ಆಗ ಮಳೆ ಸರಿಯಾಗಿ ಬರುತ್ತಿತ್ತು. ಅಂದರೆ ಸರಿಯಾದ ಸಮಯಕ್ಕೆ, ಸರಿಯಾದ ಪ್ರಮಾಣದಲ್ಲಿ, ನಾವು ಹೇಗೆ ಇಷ್ಟಪಡುತ್ತೇವೆಯೋ ಹಾಗೆ ಬರುತ್ತಿತ್ತು. ಈ ಹಿನ್ನೆಲೆಯಲ್ಲಿ ಮಳೆ ನಕ್ಷತ್ರಗಳು, ತಿಥಿಗಳು ರೂಪಿತವಾದವು. ಇಂತಿಂಥ ಮಳೆ ಇಂತಿಂಥ ದಿನದಲ್ಲಿ ಪ್ರಾರಂಭವಾಗಿ ಇಷ್ಟು ದಿನಗಳವರೆಗೆ ಬರುತ್ತದೆ. ನಂತರ ಇಂತಹ ಮಳೆ ಪ್ರವೇಶ ಮಾಡುತ್ತದೆ ಎಂದು ಪಂಚಾಂಗ ನೋಡದೇ ಹೇಳುವಷ್ಟು ಕರಾರುವಾಕ್ಕಾಗಿ ಮಳೆಯ ದಿನಚರಿ ಇರುತ್ತಿತ್ತು. ನಮ್ಮ ಇಡೀ ಒಕ್ಕಲುತನ ರೂಪಿತವಾಗಿದ್ದೇ ಇಂತಹ ಕರಾರುವಾಕ್ಕಾದ ವ್ಯವಸ್ಥೆಯಿಂದ. ಒಂದೆರಡು ಬಾರಿ ದಿನಚರಿಯಲ್ಲಿ ಏರುಪೇರಾದರೂ ಮುಂದಿನ ಮಳೆ ಅದನ್ನು ಸರಿಪಡಿಸುತ್ತಿತ್ತು.

ಆದರೆ ಕ್ರಮೇಣ ಮಳೆ ಕಣ್ಣಾಮುಚ್ಚಾಲೆ ಶುರು ಮಾಡಿತು.  ಮುಂದೆ ಓದಿ »

"ಸಂಸ್ಕೃತಿ" -ಎಂದರೆ ಸಮಯಕ್ಕೆ ತಕ್ಕಂತಹ ಕೃತಿಯಲ್ಲಿ ತೊಡಗಿಸಿಕೊಂಡಿರುವುದು. ಬಿಜಾಪುರ ಜ್ಞಾನಯೋಗಾಶ್ರಮದ ಶ್ರೀ ಸಿದ್ದೇಶ್ವರ ಶ್ರೀಗಳ ಮಾತೊಂದನ್ನು ಪರಿಸರವಾದಿ ಪ್ರೊ. ಗಂಗಾಧರ ಕಲ್ಲೂರ್ ವಿವರಿಸುತ್ತ ಹೊರಟಿದ್ದರು. ಹಾಗೆ ನಾವ್ಯಾರು ಮಾಡುವುದಿಲ್ಲ ಎಂಬುದು ಸಾಧಿಸಬೇಕಾದ ಪ್ರಮೇಯವೇನಲ್ಲ!

ಕಲ್ಲುಗಳು ಎದ್ದು ನಿಂತ, ಹದಗೆಟ್ಟ ಮಣ್ಣಿನ ರಸ್ತೆಯಲ್ಲಿ ಧೂಳೆಬ್ಬಿಸುತ್ತ ಶರವೇಗದಲ್ಲಿ ನಮ್ಮ ಜೀಪ್ ‘ರೇಷ್ಮೆ ಗ್ರಾಮ’ ಕಳಸನಕೊಪ್ಪಕ್ಕೆ ಹೊರಟಿತ್ತು. ಗೋಧೂಳಿಯ ವೇಳೆ ರಸ್ತೆಯ ಧೂಳು ಗಾಜುಗಳ ಕಿಂಡಿಯಿಂದ ಆಗಾಗ ಒಳಗೆ ಇಣುಕಿ ನಮ್ಮನ್ನು ಕೆಮ್ಮುವಂತೆ ಮಾಡಿತ್ತು. ನೀವೇ ಊಹಿಸಿ ನಾವು ಮೊದಲು ನನ್ನ ಸ್ಕೂಟರ್ ಮೇಲೆ ತೆರಳುವ ಆಲೋಚನೆಮಾಡಿದ್ದೆವು! ಇಂತಹ ಭಯಂಕರ ಯೋಚನೆಗಳು ನನಗೆ ಆಗಾಗ ಹೊಳೆಯುತ್ತಿರುತ್ತವೆ. ಅನುಭವಿಸುವ ಕರ್ಮ ನನ್ನ ಜೊತೆಗಾರರದ್ದು.  ಮುಂದೆ ಓದಿ »

(ಅಮೆರಿಕದಲ್ಲಿ ಇಪ್ಪತ್ತನೇ ಶತಮಾನದ ಪ್ರಮುಖ ಸಾಹಿತಿ ಎಂದು ಗಣಿಸಲಾಗಿರುವ "ರೇಮಂಡ್ ಕಾರ್ವರ್". ಎಂಬತ್ತರ ದಶಕದಲ್ಲಿ ಸಣ್ಣಕತೆಗಳಿಗೆ ಮತ್ತೆ ಉಸಿರು ಕೊಟ್ಟವನು ಎಂದೂ ಖ್ಯಾತ. ಇವನು ಬರೆದ ಒಂದು ಪ್ರಸಿದ್ಧ ಕತೆ "ಕ್ಯಾಥೆಡ್ರಲ್" ಅನ್ನು ನಾನು ಕನ್ನಡಕ್ಕೆ ಅನುವಾದಿಸಿ ಸಂಪದದಲ್ಲಿ ಪ್ರಕಟಿಸಿದ್ದೆ. ಜೊತೆಗೆ ಇದರ ಮೇಲೆ ಸಾಹಿತ್ಯಿಕ ಚರ್ಚೆ ಮಾಡೋಣ ಎಂದು ಸಂಪದಿಗರನ್ನು ಆಹ್ವಾನಿಸಿದ್ದೆ. ಪ್ರತಿಕ್ರಿಯಿಸಿದವರಿಗೆಲ್ಲ ನನ್ನ ಧನ್ಯವಾದಗಳು. ಈ ಕತೆಯನ್ನು ನಾನು ಹೇಗೆ ಗ್ರಹಿಸಿದೆ ಎನ್ನುವ ಬಗ್ಗೆ ಈ ಲೇಖನ.)

ಕತೆ ಓದದವರಿಗಾಗಿ ಕೊಂಡಿ ಇಲ್ಲಿದೆ.
http://sampada.net/article/15072
http://sampada.net/article/15118

ಅರಸರು ಅಗಾಧವಾದ ಅರಮನೆಯನ್ನು ನಿರ್ಮಿಸುತ್ತಿದ್ದುದು ಪ್ರಜೆಗಳಿಗೆ ತಮ್ಮ ಪ್ರಚಂಡ ಶಕ್ತಿಯ ಬಗ್ಗೆ ನೀಡುತ್ತಿದ್ದ ಸಂಕೇತ. ಮನುಷ್ಯಮಾತ್ರರು ಆ ಅಗಾಧತೆಯ ಮುಂದೆ ಯಕಶ್ಚಿತ್ ಇರುವೆಯಂತೆ ಕಾಣಿಸಿದಾಗ ಅರಸನ ಸಾರ್ವಭೌಮತ್ವ ಆ ಸಮಾಜದ ಮೇಲೆ ಸ್ಥಾಪಿತವಾಗುತ್ತದೆ. ಅದೇ ರೀತಿ ಅಗಾಧ ದೇವಾಲಯಗಳು, ಮಸೀದಿಗಳು, ಕ್ಯಾಥೆಡ್ರಲ್ ಗಳು ಕೂಡ ಪುರೋಹಿತಶಾಹಿಯ ಪರೋಕ್ಷ ಸಾರ್ವಭೌಮತ್ವವನ್ನು ಸಮಾಜದ ಮೇಲೆ ಸ್ಥಾಪಿಸಲು ನಿರ್ಮಾಣವಾದ ಕಟ್ಟಡಗಳು. ನಿಜಕ್ಕೂ ಭಕ್ತಿ ಉದ್ದೀಪನಗೊಳ್ಳುವುದು ಆ ಪ್ರಚಂಡ ಶಕ್ತಿಯ ಪ್ರದರ್ಶನವು ನಿರ್ಮಾಣ ಮಾಡುವ ಭಯದ ಎಳೆಯೊಂದಿಗೆ.

ರೇಮಂಡ್ ಕಾರ್ವರ್ ತನ್ನ ಕ್ಯಾಥೆದ್ರಲ್ ಕತೆಯನ್ನು ಬರೆದದ್ದು ಶ್ರೀಮಂತಿಕೆಯ ಲೋಲುಪತೆಯಲ್ಲಿ ತೇಲುತ್ತಿದ್ದ ಅಮೆರಿಕಾದ ಎಂಬತ್ತರ ದಶಕದಲ್ಲಿ. ಎಲ್ಲೋ ಒಂದು ಕಡೆ ದೈವ ಭಕ್ತಿಯಿಂದ ಸಮಾಜ ದೂರ ಸಾಗುತ್ತಿದೆ ಎಂದು ಅನಿಸುತ್ತಿದ್ದ ಕಾಲವದು. ಏಡ್ಸು, ಸಲಿಂಗ ಕಾಮ, ಗರ್ಭಪಾತ, ಡ್ರಗ್ಸು, ಟಿವಿ ಇವಾನ್ಜಲಿಸಂಮು, ಇವೆಲ್ಲದರ ನಡುವೆ ಸಾಂಪ್ರದಾಯಿಕ ಚರ್ಚು ಅಮೆರಿಕಾದಲ್ಲಿ ದೈವ ಭಕ್ತಿಯನ್ನು ಉತ್ತೇಜಿಸಲು ಹೆಣಗಾಡುತ್ತಿದ್ದ ಕಾಲ.  ಮುಂದೆ ಓದಿ »