ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಸಾಂಸ್ಕೃತಿಕ ನಗರ ಮತ್ತು ಉದ್ಯಾನನಗರಗಳ ಮಧ್ಯೆ ಇರುವ ಮಂಡ್ಯ ಹೇಳಿಕೇಳಿ ಸಾಂಸ್ಕೃತಿಕ ಚಟುವಟಿಕೆಗಳಿಗೆ ಹೆಸರುವಾಸಿ. ಸಂಕ್ರಾಂತಿಯಲ್ಲಿ ಬೆಳೆದ ಬೆಳೆಗಳ ಜೊತೆಗೆ ಸುಗ್ಗಿಯ ಸಂಭ್ರಮವನ್ನು ಅನುಭವಿಸಿದ್ದ ಬೆನ್ನಲ್ಲೇ ಅನೇಕ ಕಾರ್ಯಕ್ರಮಗಳು ಮಂಡ್ಯದಲ್ಲಿ ಜರುಗುತ್ತಿವೆ.

ನೆನಪುಗಳೇ ಹೀಗೆ
ಹುಣಸೆ ಚಿಗುರಿನ ಹಾಗೆ
ಹುಳಿಯಾದರೂ ರುಚಿ
ಬಿಡಲಾದೀತೆ ಅಭಿರುಚಿ
ಎಳೆಯ ದಿನಗಳು
ಮಳೆಯ ಹನಿಗಳು
ಮಣ್ಣ ವಾಸನೆ
ಮರಳಿನರಮನೆ
ನೆನಪಾಯಿತೇ ಗೆಳತಿ

ನೆನಪುಗಳೇ ಹೀಗೆ
ಹುಣಸೆ ಹೂವಿನ ಹಾಗೆ
ಚಿಕ್ಕದಾದರೂ , ಚೆಂದ
ಮರೆಯಾದೀತೇ ಕಣ್ಣಿಂದ
ಸೋಲು ಗೆಲುವುಗಳು
ನೋವು ನಲಿವುಗಳು
ಬಣ್ಣ ಭಾವನೆ
ಕಣ್ಣ ಸೂಚನೆ
ನೆನಪಾಯಿತೇ ಗೆಳತಿ

(ಸುಭಾಷ ಪಾಳೇಕರ ಅವರ ಶೂನ್ಯ ಬಂಡವಾಳದ ನೈಸರ್ಗಿಕ ಕೃಷಿ ವಿಧಾನದ ಪರಿಚಯ, ಮಳೆ ನೀರಿನ ಸದುಪಯೋಗ, ಕಡಿಮೆ ಮಳೆಯಲ್ಲಿಯೂ ಬೆಳೆಯುವ ವಿಧಾನಗಳು ಹಾಗೂ ರೈತರಿಗೆ ಬದುಕುವ ದಾರಿ ತೋರುವ ಕೈಪಿಡಿ)

ರಂಜಕ (ಸೂಪರ್ ಫಾಸ್ಫೇಟ್)

ಸಾರಜನಕದಂತೆ ರಂಜಕವನ್ನು ಕೂಡ ನಮ್ಮ ಬೆಳೆಗಳು ನೇರವಾಗಿ ಹೀರಿಕೊಳ್ಳಲಾರವು. ಆದರೆ ಬೆಳೆಗಳಿಗೆ ಬೇಕಾದ ಪ್ರಮಾಣದ ರಂಜಕ ನಮ್ಮ ಭೂಮಿಯಲ್ಲಿ ಹೇರಳವಾಗಿರುತ್ತದೆ. ಇದನ್ನು ವಿಭಜಿಸಿ, ಸಸ್ಯಗಳ ಬೇರುಗಳು ಹೀರಿಕೊಳ್ಳುವಂತೆ ಮಾಡುವ ಕೆಲಸ ಪಿ.ಎಸ್.ಬಿ. (ಫಾಸ್ಫೇಟ್ ಸಲ್ಯೂಬಲಿಂಗ್ ಬ್ಯಾಕ್ಟೀರಿಯಾ- ಅಂದರೆ ಫಾಸ್ಫೇಟ್ ಅನ್ನು ಕರಗಿಸುವ ಬ್ಯಾಕ್ಟೀರಿಯಾ) ಜೀವಾಣುಗಳದು. ದೇಸಿ ಆಕಳ ಸಗಣಿಯಲ್ಲಿ ಈ ಪಿ.ಎಸ್.ಬಿ. ಜೀವಾಣುಗಳು ಯಥೇಚ್ಛವಾಗಿರುತ್ತವೆ.

ಸಸ್ಯಗಳ ಬೆಳವಣಿಗೆಗೆ ಬೇಕಾದ ರಂಜಕ ಭೂಮಿಯಲ್ಲಿ ಮೂರು ವಿವಿಧ ಸ್ವರೂಪದಲ್ಲಿರುತ್ತದೆ. ಏಕದಳ ರಂಜಕ, ದ್ವಿದಳ ರಂಜಕ ಹಾಗೂ ತ್ರಿದಳ ರಂಜಕ. ಭೂಮಿಯಲ್ಲಿರುವ ಪಿ.ಎಸ್.ಬಿ. ಜೀವಾಣು ಇವನ್ನು ವಿಭಜಿಸಿ ಬೇರುಗಳಿಗೆ ಒದಗಿಸುತ್ತದೆ.

ಅಹಿಂಸಾ ಪ್ರಥಮಂ ಪುಷ್ಪಂ ಪುಷ್ಪಮಿನ್ದ್ರಿಯ ನಿಗ್ರಹಃ|

ಸರ್ವಭೂತದಯಾಪುಷ್ಪಂ ಸತ್ಯಪುಷ್ಪಂ ವಿಶೇಷತಃ||

ಜ್ಞಾನಪುಷ್ಪಂ ತಪಃಪುಷ್ಪಂ ಕ್ರಿಯಾಪುಷ್ಪಂ ತಥೈವ ಚ|

ಧ್ಯಾನಂಚೈವಾಷ್ಟಮಂ ಪುಷ್ಪಂ ಏಭಿಸ್ತುಷ್ಯತಿ ಕೇಶವಃ||

೧. ಅಹಿಂಸೆ -ಯಾರನ್ನೂ ಹಿಂಸಿಸದಿರುವುದು.

೨. ಇಂದ್ರಿಯ ನಿಗ್ರಹ - ಎಲ್ಲವನ್ನು ಬಯಸುವ ಇಂದ್ರಿಯಗಳಿಗೆ ಸೂಕ್ತ ಕಡಿವಾಣ.

೩. ಸರ್ವಭೂತದಯೆ - ಎಲ್ಲಾ ಜೀವಿಗಳಲ್ಲಿ ದಯೆ.

೪. ಸತ್ಯ - ಸತ್ಯವನ್ನೇ ನುಡಿಯುವುದು.

೫. ಜ್ಞಾನ - ಒಳ್ಳೆಯ ತಿಳುವಳಿಕೆ.

೬. ತಪಸ್ಸು - ಉತ್ತಮ ಚಿಂತನೆ.

೭. ಕ್ರಿಯೆ - ಒಳ್ಳೆಯ ಗುಣಗಳನ್ನು ಅಳವಡಿಸಿಕೊಳ್ಳುವುದು, ಉತ್ತಮ ಚಿಂತನೆಗಳನ್ನು ಕಾರ್ಯರೂಪಕ್ಕೆ ತರುವುದು.

"ಗಂಗೆ ಅಂತರ್ಧಾನಳಾದಾಳೇ?" ಎನ್ನುತ್ತ 'ಸುಗ್ಗಿ'ಯವರು ಈ ಹಿಂದೆ ವಾಟರ್ ಪೋರ್ಟಲ್ಲಿನಲ್ಲಿ ಲೇಖನ ಬರೆದಿದ್ದರು. ಎಷ್ಟು ಜನ ಆ ಸುದ್ದಿಯನ್ನು ಫಾಲೋ ಮಾಡಿದಿರೋ ಗೊತ್ತಿಲ್ಲ, ಅಂದು ಸರಕಾರ ಭಾಗೀರಥಿ ನದಿಗೇ ಕುತ್ತು ತಂದಿಡಬಹುದಾದ ಈ ಜಲವಿದ್ಯುತ್ ಯೋಜನೆಯನ್ನು ನಿಲ್ಲಿಸುವೆವು ಎಂದು ಬರಹ ರೂಪದಲ್ಲಿ ಆಶ್ವಾಸನೆ ನೀಡಿದಾಗ ಡಾ. ಅಗರ್ವಾಲರ ಉಪವಾಸ ಅಂತ್ಯ ಕಂಡಿತ್ತು.

ಆದರೆ ಸರಕಾರ ಏನೂ ಮಾಡಿಲ್ಲ. ಬದಲಿಗೆ ಜಲವಿದ್ಯುತ್ ಯೋಜನೆಯ ಕಾಮಗಾರಿ ಮುಂದುವರೆದಿದೆಯಂತೆ!

ಡಾ. ಅಗರ್ವಾಲರು ಮತ್ತೊಮ್ಮೆ ಉಪವಾಸಕ್ಕೆ ಕುಳಿತಿದ್ದಾರೆ, ಆಮರಣಾಂತ. ಇವತ್ತಿಗೆ ಎಂಟನೇ ದಿನ.

ಗಂಗಾನದಿ ಗಂಗೋತ್ರಿ ಹಾಗೂ ಉತ್ತರಕಾಶಿ ನಡುವೆ ಇರುವ ೧೨೫ ಕಿ. ಮೀ. ವಿಸ್ತಾರದಲ್ಲಿ ಮಾತ್ರ ಮುಂಚಿನಂತೆ ಉಳಿದಿರುವಳು. ಈ ಅಳಿದುಳಿದಿರುವ ವಿಸ್ತಾರವನ್ನು ಕೂಡ ಹಾಳುಗೆಡವಿದರೆ, ಗಂಗೆಯ ಹರಿವಿನ ದಿಶೆ ಬದಲಿಸಿದರೆ, ಭಾರತದಿಂದ ನಿಜವಾದ ಗಂಗೆಯೇ ಮಾಯವಾಗುವಳು!

ಇತ್ತೀಚೆಗೆ ನಮ್ಮೂರಿನ ಸುದ್ದಿಗಳನ್ನು ಮಾತ್ರ ತೋರಿಸುವ ಟಿವಿ ಚ್ಯಾನಲ್ಲುಗಳಿಗೆ ಈ ಸುದ್ದಿ ಬೇಕಿಲ್ಲ, ಸುಮಾರು ಪತ್ರಿಕೆಗಳಿಗೆ ಈ ವಿಷಯದ ಕುರಿತು ಸುದ್ದಿ ಪ್ರಕಟಿಸಲು ಜಾಗವಿಲ್ಲ. ಸರಕಾರಕ್ಕೆ ಸ್ಥಳೀಯ ವೋಟ್ ಬ್ಯಾಂ‌ಕು, ಒಂದು ಬೃಹತ್ ಯೋಜನೆ - ಇಷ್ಟೇ ಲೆಕ್ಕಕ್ಕೆ ಬರುತ್ತಿರುವಂತಿದೆ.
ಮತ್ತೊಂದೆಡೆ ಇದಕ್ಕೆ ರಾಜಕೀಯ, ದರ್ಮದ ಬಣ್ಣ ಮೆತ್ತುಕೊಂಡರೆ ಪರಿಸರಕ್ಕಾಗಲಿರುವ ನಿಜವಾದ ಅಪಾಯದೆಡೆ ಜನ ಆಲೋಚಿಸದೇ ಇದ್ದುಬಿಟ್ಟಾರು!