ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಹುಳುಗಳು ಸಾರ್, ನಾವು ಹುಳುಗಳು
(ತುಳಿಸಿಕೊ೦ಡವರು, ಶೋಷಿತರು)

ನಾವಿದ್ದರೆಷ್ಟು, ಎದ್ದರೆಷ್ಟು, ಬಿದ್ದರೆಷ್ಟು?
ಯಾರೊದ್ದರೇನು ನಮಗೇನು?
ಯಾರಿಗೇನಾಗಬೇಕು?
ಸತ್ತು ಹೂತರೂ ಮರುಗುವುದಿಲ್ಲ.
ಕರಗುವುದಿಲ್ಲ ಅವರ ಎದೆ,
ಹುಳುಗಳ೦ತೆ ನಾವು.

ಇರುವೆ ಸತ್ತರೆ, ಜಿರಲೆ ಸತ್ತರೆ
ನಾಯಿ ಸತ್ತರೆ ನಿಮಗೇನಾದರೂ
ಅನಿಸುವುದೇ
ಬಹುಶಃ ಏನೂ ಅನಿಸುವುದಿಲ್ಲ.
ಹೀಗೆಯೇ ನಾವು.

ವಿಚಿತ್ರವಾದ ಕನಸು..ಅದು ನಿಜವಾಗ್ಲೂ ಕನಸೋ ಅಲ್ಲವೋ ಅನ್ನೋ ಅನುಮಾನ ನನಗಿದ್ದೇ ಇದೆ.
ಎಂದಿನಂತೆ ಮಕ್ಕಳನ್ನ ಮಲಗಿಸಿ ಯಾವುದೋ ಪುಸ್ತಕದ ಎರಡು ಪುಟಗಳನ್ನ ಓದಿ ನಿದ್ದೆ ಮಾಡಿದ್ದೆ. ಯಾವುದೋ ಪುಸ್ತಕ ಅಂದ ಮಾತ್ರಕ್ಕೆ ಕೈಗೆ ಸಿಕ್ಕಿದ್ದು ಅಂತ ನೀವು ತಿಳ್ಕೋಬಾರದು.ಈ ವಿಷಯದಲ್ಲಿ ನಾನು ತುಂಬಾ ಕಟ್ಟುನಿಟ್ಟು. ಶುಭ ಯೋಚನೆ ಶುಭ ನಿರೀಕ್ಷೆಗಳನ್ನೇ ತಲೆದಿಂಬಾಗಿಸಿ;ಬೆಳಗ್ಗೆ ಉತ್ಸಹದಿಂದ ಏಳುವಿರಿ ಅನ್ನೋ ಮಾತಿನ ಮೇಲಿರೋ ವಿಶ್ವಾಸದಿಂದಲೋ ಅಥವಾ ಯಂಡಮೂರಿಯಿಂದ ಸ್ಟೀವನ್ ಕಿಂಗ್ ತನಕ ಪಬ್ಲಿಷ್ ಆಗಿರುವ ಭೂತದ ಕಥೆಗಳನ್ನೆಲ್ಲ ಅವ್ಯಾಹತವಾಗಿ ಓದಿ ನೈಟ್ಮೇರ್ ತಾಳಲಾಗದ ನನ್ನ ಸುಪ್ತ ಮನಸ್ಸು ಕೊಟ್ಟ ಗುಪ್ತ ಸೂಚನೆಯಿಂದಲೋ ಅಂತೂ ಈಗ.... ಮಲಗೊಕೆ ಮುಂಚೆ ನನ್ನ ಮಸ್ತಕಕ್ಕೆ ಹಿತವಾಗುವಂತಹ ಪುಸ್ತಕಗಳನ್ನೇ ಓದೋದು.

ಹಾಯಾಗಿ ನಿದ್ದೆ ಮಾಡ್ತಾ ಇರಬೇಕಾದ್ರೆ ಏನೋ ಸದ್ದಾಗಿ ಎಚ್ಚರವಾದಂತಾಯ್ತು. ನನ್ನ ಮಂಚದ ಕಾಲ ಹತ್ತಿರ ಚೌಕಳಿ ಶರಟು ಧರಿಸಿದ ಯಾವನೋ ಒಬ್ಬ ನಿಂತು ಚಪ್ಪಾಳೆ ತಟ್ಟಿ ನನ್ನನ್ನೆಬ್ಬಿಸುತ್ತಾ ಏನೋ ಹೇಳ್ತಾ ಇದಾನೆ. ನಮ್ಮ ಸೂಟ್ ಕೇಸು ಬಟ್ಟೆ ಬರೆ ಹರಡಿದ್ದ ಇನ್ನೊಂದು ರೂಮಿನ ಮಂಚದ ಕಡೆ ಕೈತೋರಿಸಿ ತಾನು ಮಲಗೋ ಜಾಗ ಅಂತ ಅಸಹನೆ ತೋರಿಸ್ತಾ ಕಂಪ್ಲೇಂಟ್ ಮಾಡ್ತಾ ಇದಾನೆ ಅಂತ ನನಗೆ ಗೊತ್ತಾಯಿತು ಅಥವ ಅನ್ನಿಸಿತು.ಆತ ಮಂಚದ ಪಕ್ಕದ ಗೋಡೆಗೆ ಆತುಕೊಂಡು ಬರೀ ಪುಸ್ತಕಗಳನ್ನ ಇಟ್ಟಿದ್ದ ಕಪಾಟಿನ ಪಕ್ಕ ಬಂದ ಹಾಗೆ ಏನೋ ಸರಪರ ಸದ್ದುಮಾಡಿ ನನ್ನ ಎಬ್ಬಿಸಲು ಪ್ರಯತ್ನಿಸಿದ ಅನ್ನೋದ್ರಲ್ಲಿ ನನ್ನ ಕನಸು ಮುಗಿದಿತ್ತು.

ಮರು ದಿನ ಎಲ್ಲೋ ಹೊರ ಹೊರಟಾಗ ನನ್ನ ಸುಪುತ್ರ ಪುಸ್ತಕದ ಕಪಾಟಿನ ಕೆಳಗಿನ ಶಲ್ಫಿಂದ ಅವನ jacketನ ತೆಗೆದು ಹಾಕಿಕೊಂಡ.ಕನಸಲ್ಲಿ ಕೇಳಿದ ಸರಪರ ಶಬ್ದಕ್ಕೂ ಪಾಲಿಸ್ಟರ್ ಜೇಕೆಟ್ ಉಜ್ಜಿದಾಗ ಮಾಡೋ ಸದ್ದಿಗೂ ತಾಳೆ ಹಾಕಿ ನನಗೆ ಅಚ್ಚರಿಯಾಯ್ತು.ಜೇಕೆಟ್ ಅಲ್ಲಿದೆ ಅಂತ್ಲೇ ನನಗೆ ಗೊತ್ತಿರಲಿಲ್ಲ.ನಿಜವಾಗ್ಲೂ ನಾ ಕಂಡಿದ್ದು ಕನಸೇನಾ ಅಥವಾ....ಇಲ್ಲ ಏನೋ ಲಾಜಿಕಲ್ ವಿವರಣೆ ಇದ್ದೇ ಇರತ್ತೆ ಅಂದ್ಕೊಂಡೆ. ಪತಿರಾಯರಿಗೆ ಹೇಳುವ ಚಪಲವಾದರೂ ...ಆಮೇಲೆ ನನಗೆಂದೇ ಅವರು ರಾತ್ರಿ ಹೊತ್ತು ಪ್ರೀತಿಯಿಂದ 'ಆಯೇಗ..ಆಯೇಗ' ಅಂತ ಹಾಡೇ ಹಾಡುವ ಜೋಗುಳದ ಕಲ್ಪನೆಯಿಂದ ಸುಮ್ಮನಾದೆ.

ಕನ್ನಡ ನಾಡು ಇಂದು ಅತ್ಯಂತ ಸಂಕಷ್ಟದ ದಿನಗಳನ್ನು ಎದುರಿಸುತ್ತಿದೆ. ಒಂದು ಕಡೆ ತೀವ್ರವಾದ ಜಾಗತಿಕ ಆರ್ಥಿಕ ಹಿಂಜರಿತದಿಂದ ನಮ್ಮ ಬದುಕಿನ ಮೇಲಾಗಿರುವ ಕೆಟ್ಟ ಪರಿಣಾಮಗಳು. ಇನ್ನೊಂದೆಡೆ ಭಯೋತ್ಪಾದಕರು ಅಮಾಯಕ ನಾಗರೀಕರನ್ನು ಅಮಾನವೀಯವಾಗಿ ಕೊಲ್ಲುತ್ತಾ ದೇಶದ ಭದ್ರತೆಗೇ ಒಡ್ಡುತ್ತಿರುವ ಸವಾಲುಗಳು.