ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ನೀರ ಚಕ್ರ.

ಹರಿಯ ಪಾದ ತೊಳೆಯಲೆಂದು
ಹರನ ಜಟೆಗಳಿಂದ ಇಳಿದು
ಭಗೀರಥನ ದೆಸೆಯಿಂದ
ಧರೆಗೆ ಹರಿದು ಬಂದ ಗಂಗೆ
ಭೂರಮೆಯನು ತಂಪುಗೊಳಿಸಿ
ಸಾಗರವನು ಸೇರಿತು
ನದಿಗಳಿಂದ ಹರಿದ ನೀರು
ಬೇರಿನಿಂದ ಪೈರಿಗೇರಿ
ಮರಗಳಿಂದ ಹಣ್ಣಿಗೆ
ತರುವಿನಿಂದ ಕರುವಿಗೆ
ಬೆವರಿನಿಂದ ಭಾನಿಗೆ
ವರುಣನಿಂದ ಭೂಮಿಗೆ
ನೀರಚಕ್ರ ಹೀಗಿದೆ
ಊರಲ್ಯಾಕೆ ನೀರಿಲ್ಲ
ಗೊತ್ತೆ ನಿಮಗೆ ಉತ್ತರ?
ಬೆವರಿಲ್ಲದೆ ಮಳೆಯಿಲ್ಲ
ಮಳೆಯಿಲ್ಲದೆ ಬೆಳೆಯಿಲ್ಲ
ಬೆಳೆಯಿಲ್ಲದೆ ಬೆಳಕಿಲ್ಲ
ಬೆಳಕು ಬೇಕು ಊರಿಗೆ
ಊರ
ತೇರನೆಳೆಯೊ ಬೆವರಿಗೆ.

ಇರುವು

ದೇವರಿಲ್ಲದ ಜಾಗ
ದೇವರಿಗೇ ಗೊತ್ತಿಲ್ಲ,
ದೇವರಿರುವ ಜಾಗ
ನಮಗೇಕೆ ಗೊತ್ತಿಲ್ಲ?
ಅಣುರೇಣು ತೃಣದಿಂದ,
ಬ್ರಹ್ಮಾಂಡದ ವರೆಗು
ಅವನಿರದ ಕಣವ
ಅವನೇ ಅರಿತಿಲ್ಲ.
ಎಲ್ಲೆಲ್ಲೂ ಅವನಿರಲು,
ಅವನಿರುವಿನರಿವಿರದ
ನರಜನ್ಮಕಿಂತಲೂ,
ಇರುವೆಯಾದರು
ಸರಿಯು ಜಗದಲಿ
ಹರಿಯ ಇರುವಿನ
ಅರಿವು ಗೊತ್ತಿರಲು.

ನಾಲ್ಕು ದಿನಗಳಿಂದ ಮಳೆ ನಿಂತಿದೆ. ಮಂಗಳೂರಿನಲ್ಲಿ ಮಳೆ ನಿಂತಿದೆ ಅಂದರೆ ಬಿಸಿಲು ಹೆಚ್ಚಿದೆ ಎಂಬ ಅರ್ಥವೂ ಇದೆ!