ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

'ದೀಪದ ಮಲ್ಲಿ' ಎಂಬ ನನ್ನ ಪದ್ಯದಲ್ಲಿ 'ಮೌನ'ದ ಮಾತು ಬರುತ್ತದೆ. ಆ ದೀಪದ ಮಲ್ಲಿ ನನ್ನ ಹತ್ತಿರಿರುವ ಒಂದು ಗೊಂಬೆ; ಶಿವಮೊಗ್ಗದಲ್ಲಿ ಒಬ್ಬರು ಅದನ್ನು ನನಗೆ ಕೊಟ್ಟರು. ಕೈಯಲ್ಲಿ ಒಂದು ಆರತಿ ಹಿಡಕೊಂಡು ನಿಂತುಬಿಟ್ಟಿದೆ 'ದೀಪದ ಮಲ್ಲಿ'ಯ ಗೊಂಬೆ! ಅದಕ್ಕೆ ನಾನು ಕೇಳಿಯೇ ಕೇಳುತ್ತೇನೆ: "ಯಾರ ಸಲುವಾಗಿ ಈ ಪ್ರಣತಿಯನ್ನು ಹಿಡಿದು ನಿಂತುಬಿಟ್ಟಿದ್ದೀಯಾ? ಒಳಗೆ ಎಣ್ಣೆ ಇಲ್ಲ, ಬತ್ತಿ ಇಲ್ಲ, ದೀಪವಂತೂ ಇಲ್ಲವೇ ಇಲ್ಲ! ಆದರೆ ನಿನ್ನ ಮುಖದ ಮೇಲೆ ಸ್ಮಿತ ಇದೆಯಲ್ಲ; ಆ ಸ್ಮಿತದಲ್ಲಿ ಎಲ್ಲ ಇದೆ- ಆ ದೀಪ, ಆ ಸ್ನೇಹ, ಆ ಪ್ರಣತಿ, ಆ ವರ್ತಿಕಾ. ಈ ಆರತಿ ಯಾರಿಗೆ ಎತ್ತಿರುವೆ, ತಾಯಿ?" ಹೀಗೆ ಕೇಳಿದರೆ, ಅದು ಕೊನೆಗೆ ಹೇಳುತ್ತದೆ: "ಶ್...! ನಾನು ಹ್ಯಾಂಗ ಸುಮ್ಮನಿದ್ದೀನಿ, ಹಾಗೆ ಸ್ವಲ್ಪ ಸುಮ್ಮನಿರು." ಸುಮ್ಮನಿದ್ದಾಗ ಕಾಣುವಂಥಾದ್ದು- ಆ ಸ್ನೇಹ, ಆ ಪ್ರಣತಿ, ಆ ವರ್ತಿಕಾ, ಆ ದೀಪಶಿಖೆ!

ಹಾಸನದಿಂದ ಸಕಲೇಷಪುರದೆಡೆ ಒಂದಷ್ಟು ಮೈಲಿ ದೂರ, ಅತ್ತ ಎಡಕ್ಕೆ ತಿರುಗಿ "ಮಡ್ ರೋಡ್" ಎಂದರೂ ನಾಚುವಂತ ಅಸಾಧ್ಯವಾದ ರೋಡಿನಲ್ಲಿ ಒಂದೆರಡು ಮೈಲಿ - ಅಲ್ಲಿ ಒಂದು ಬಸ್ಸು ಮಾತ್ರ ಹಿಡಿಸುವಷ್ಟು ಅಗಲದ ರೋಡು - ಪಕ್ಕದಲ್ಲೇ ಚೆಂದವಾದ ಒಂದು ಮನೆ. ದಾರಿಯುದ್ದಕ್ಕೂ ಅಲ್ಲಿಲ್ಲಿ ಮನೆಗಳು - ಒಂದೆರಡು ಮುಖ ಕಂಡರೂ ಹೆಚ್ಚು ಎಂಬಂತಿದ್ದರೂ ಮನೆಯ ಸುತ್ತಲು ಬೆಂಗಳೂರಿನಲ್ಲಿ ಮಾತ್ರ ಸಾಮಾನ್ಯವೆಂಬಷ್ಟು ಜನಜಂಗುಳಿ. ತಲುಪತ್ತಲೇ ಎದುರಿಗೆ ಈ ಜನಸ್ತೋಮವನ್ನು ನಿಯಂತ್ರಿಸುತ್ತ , ಬಂದವರನ್ನು ಸ್ವಾಗತಿಸುತ್ತ ಸ್ವಚ್ಛ ಕನ್ನಡದಲ್ಲಿ ಮಾತನಾಡುತ್ತ ಸ್ವಾಗತಿಸುತ್ತಿದ್ದ ಪಾಳ್ಯದ ಹಮೀದ. ಅತ್ತಿತ್ತ ಪತ್ರಿಕೆಯ ಆಫೀಸುಗಳಲ್ಲಿ ಮಾತ್ರ ಕಾಣಸಿಗುತ್ತಿದ್ದ ಸ್ನೇಹಿತರ ಮುಖಗಳು. ನಡೆಯುತ್ತಿದ್ದುದು ನಮ್ಮೆಲ್ಲರ ಆಪ್ತ ಸ್ನೇಹಿತ [:http://sampada.net/user/ismail|ಇಸ್ಮಾಯಿಲರ] ಮದುವೆ.