ಮೌನ ಮಾತನಾಡುವದಿಲ್ಲ !
ಚಿತ್ರ
ಮೌನ ಮಾತನಾಡುವದಿಲ್ಲ !
================
ಕನ್ನಡದಲ್ಲಿ ಅಕ್ಷರಕ್ಕಿಂತ ಮೊದಲು ಏನಿತ್ತು ಎಂದೆ
ಅಕ್ಷರಗಳಿಲ್ಲದಾಗಲೂ ನಾನಿರಲಿಲ್ಲವೇ
ಎಂದವು ಕನ್ನಡ ಪದಗಳು
ಪದಗಳಿಗಿಂತ ಮೊದಲು ಏನಿತ್ತು ಹೇಳು ಎಂದೆ
'ಅಂಭಾ' ಎನ್ನುವ ದ್ವನಿ ಕೇಳಿಸಿತು
ಪದಗಳಿಲ್ಲದಾಗಲೂ ಭಾವವಿತ್ತು ಎಂದಿತು ದ್ವನಿ
ಮನ ಮತ್ತೆ ಕೇಳಿತು ಹಾಗಿದ್ದಲ್ಲಿ ಭಾವಕ್ಕಿಂತ ಮೊದಲು ?
ಭಾವವೇಕೊ ಕೆರಳಿತ್ತು
ಭಾವಕ್ಕಿಂತ ಮೊದಲು ಮೌನವಿತ್ತು ... ಮೌನ
ಎಂದು ನುಡಿದಿತ್ತು ಭಾವ
ಪ್ರಶ್ನೆಗೆ ಕೊನೆಯಿಲ್ಲಿ , ಅಹಂಗೆ ಮಿತಿಯೆಲ್ಲಿ
ಮತ್ತೆ ಕೇಳಿದೆ
ಹಾಗಿದ್ದಲ್ಲಿ ಮೌನ...ಕ್ಕೆ ಮೊದಲು ಏನಿತ್ತು
....
.......
ಏನು ಉತ್ತರ ಬರಲಿಲ್ಲ
ಮೌನ ಮಾತನಾಡುವದಿಲ್ಲ !
=======================
ಚಿತ್ರ ಮೂಲ/ ಕೃತಜ್ಞತೆ : ಮೌನ
Rating
Comments
ಉ: ಮೌನ ಮಾತನಾಡುವದಿಲ್ಲ !
ಏಕೊ ಯಾವ ಬರಹ ಹಾಕಿದರು , ಅದರ ಫಾರ್ಮೇಟ್ ಕೆಡುತ್ತಿದೆ , ಹಾಕುವ ಮೊದಲು ಸರಿಯಾಗಿಯೆ ಕಾಣಿಸುತ್ತದೆ . ಪ್ರಕಟಣೆಗೆ ಮೊದಲು ಸರಿ ಕಾಣುತ್ತದೆ, ಪ್ರಕಟಿಸಿದ ನಂತರ ಹೀಗೆ ಎಲ್ಲವು ಕಲಸುಮೇಲೋಗರ , ಒಮ್ಮೆ ಪ್ರಕಟಿಸಿದ ನಂತರ ಎಡಿಟ್ ಮಾಡಲು / ಡಿಲಿಟ್ ಮಾಡಲು ಬರದು , ಬೇಸರವೆನಿಸುತ್ತಿದೆ
ಉ: ಮೌನ ಮಾತನಾಡುವದಿಲ್ಲ !
ಮೌನವೂ ಮಾತನಾಡುತ್ತದೆ! ಮೌನದ ಮಾತು ಗಹನ, ಗಂಭೀರ! ಧನ್ಯವಾದ, ಪಾರ್ಥರೇ.