ಸಿಹಿಗುಂಬಳಕಾಯಿ ಕಜ್ಜಾಯ
ಬೇಕಿರುವ ಸಾಮಗ್ರಿ
ಸಿಹಿಗುಂಬಳಕಾಯಿ - ಒಂದು ಬಟ್ಟಲು
ಬೆಲ್ಲ - ಒಂದು ಬಟ್ಟಲು
ಗೋಧಿಹಿಟ್ಟು - ಒಂದು ಬಟ್ಟಲು
ಏಲಕ್ಕಿ - ಚಿಟಿಕೆ
ತುಪ್ಪ - ಎರಡು ಚಮಚ ,ಎಣ್ಣೆ ಕರಿಯಲು
ತಯಾರಿಸುವ ವಿಧಾನ
ಮೊದಲಿಗೆ ಸಿಹಿಗುಂಬಳಕಾಯಿ ತುರಿದು ಕುಕ್ಕರ್ ನಲ್ಲಿ ಕೇವಲ ಒಂದು ಸೀಟಿ ಕೂಗಿಸಿ ಬೇಯಿಸಿ ಇಟ್ಟು ಕೊಳ್ಳಬೇಕು.ಬೆಲ್ಲ ಕುದಿಸಿ ಸೋಸಿ ಸ್ವಲ್ಪ ನೂಲಿನೆಳೆ ಪಾಕ ಮಾಡಿಟ್ಟುಕೊಳ್ಳಬೇಕು.ನಂತರ ಗೋಧಿಹಿಟ್ಟನ್ನು ಎರಡು ಚಮಚ ತುಪ್ಪದಲ್ಲಿ ಸ್ವಲ್ಪ ಕೆಂಪಗೆ ಘಮ್ ಎನ್ನುವ ಹಾಗೆ ಹುರಿದು ಇದಕ್ಕೆ ಬೇಯಿಸಿದ ಸಿಹಿಗುಂಬಳಕಾಯಿ, ಬೆಲ್ಲ ,ಏಲಕ್ಕಿ ಪುಡಿ,ಎಲ್ಲವನ್ನು ಹಾಕಿ ಚೆನ್ನಾಗಿ ಕಲೆಸಿ ಪುಟ್ಟ ಉಂಡೆ ಮಾಡಿ ಕಜ್ಜಾಯದಂತೆ ಒತ್ತಿ ಕಾದ ಎಣ್ಣೆಯಲ್ಲಿ ಕೆಂಪಗೆ ಕರಿಯಬೇಕು.ಬಿಸಿಬಿಸಿ ಕಜ್ಜಾಯ ತಿನ್ನಲು ರೆಡಿ.