ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಸುತ್ತ ಮುತ್ತಿಹ ಅ೦ಧ ತಮವನು
ನೆತ್ತರಿನ ವರ್ಣವದೊ ಮುಸುಕಿತು
ಕತ್ತರಿಸಿ ಕತ್ತಲೆಯ ಪರದೆಯ ಸರಿಸಿ ಪೂರ್ವದಲಿ
ಎತ್ತರದ ಅ೦ಗಳದ ಬಾನಲಿ
ಚಿತ್ತವಿಸುತಿರುತಿರ್ಪ ದಿನಮಣಿ
ಬತ್ತಳಿಕೆಯಿ೦ದ೦ಬ ಬಿಲ್ಲಿಗೆ ಹೂಡಿದ೦ದದಲಿ 

ಓಕುಳಿಯು ಚೆಲ್ಲಾಡೆ ವರ್ಣದ
ಆಕರವೊ ಅಂಬರವು ಎನಿಸಲ
ನೇಕ ಕಂಠದೊಳುಲಿಯಿತಾ ಖಗ ಪಕ್ಷಿ ಸಂಕುಲವು
ಸೋಕುತಿರೆ ಹಿತಚಳಿಯ ಮಾರುತ
ಆಕಳುಗಳೆದ್ದೆದ್ದು ನಿಲ್ಲಲು
ಸೂಕಲವು ಕೆನೆಯುತಲಿ ಖುರಪುಟ ದನಿಯ ಮಾಡುತಿರೆ

ಕುಕ್ಕುಟವು ಸೊಬಗಿ೦ದ ಕೂಗಲು
ಕುಕ್ಕರವು ವೀಕ್ಷಿಸುತ ಕುಳಿತಿರೆ
ಕುಕ್ಕಲನುವಾಗಿಹನು ನೇಸರ ಕಿರಣದ೦ಬುಗಳ
ಪಕ್ಕವಾದ್ಯದ ರವದ ನಾದಕೆ
ಹೊಕ್ಕು ಬೆಳಕಿನ ಪ್ರಭೆಯು ನಾಲ್ದೆಸೆ
ಉಕ್ಕುತಿದೆ ಚಟುವಟಿಕೆ ಎಸೆಯುವ ಅ೦ಬುಧಿಯ ತೆರದಿ 

ನಸುಕಿನೆಸುಗೆಯ ದಿವ್ಯಸಮಯದಿ
ಮುಸುಕ ಹೊದ್ದಿಹ ಕ೦ದ ಮಲಗಿರೆ
ಎಸಳು ಹೂವಿನ ಅರಳಿ ರವಿಯನು ಎದುರುಗೊಳುತಿರಲು
ಹಸುರಿಗುಸಿರನು ಹೆಣೆಯುತಿರುತಲಿ
ಎಸೆಯುತಿಹ ದಿನಪನನು ಕಾಣುತ
ಒಸೆಯುತಿಹ ತನುಮನದಿ ನವ ಉಲ್ಲಾಸ ಮೂಡಿಹುದು 

ಮುನ್ನುಡಿ: ಇಂದಿನ ಸಮಾಜದಲ್ಲಿ ಇರುವ ರಾಷ್ಟ್ರಭಕ್ತಿ ಹೀನತೆಯನ್ನು ಕಂಡು ಬೇಸತ್ತ ಭಾರತಿ......ತನ್ನ ಮಕ್ಕಳನ್ನು ಬಡಿದೆಬ್ಬಿಸುವ ಪರಿ ಇದು.....

 ನಾವೆಲ್ಲರೂ ಇಂದು ದೇಶವನ್ನು ನಮ್ಮ ವ್ಯವಹಾರದ ಒಂದು ವಸ್ತುವಾಗಿ ಮಾಡಿರುವುದೇ ಹಾಗು ಪೂರ್ತಿಯಾಗಿ Career Oriented ಆಗಿರೋದೆ ಆಕೆಯ ಬೇಸರಕ್ಕೆ ಕಾರಣ....

 ಒಂದು ದೈಹಿಕವಾಗಿ ಹಾಗು ಮಾನಸಿಕವಾಗಿ ಸದೃಢ ಸಮಾಜವನ್ನು ಕಟ್ಟಲು ಕೊಡುವ ಕರೆ ಇದು.....

 ಹಾಳು ಬಿದ್ದಿರುವ ನಮ್ಮ ಮನಸನ್ನು ಹೂತು ಹದ ಮಾಡುವುದಕ್ಕೆ ಇಟ್ಟ ಮೊರೆ ಇದು.....

ನಾ ಹಡೆದ ಮಕ್ಕಳು ನೀವು ನೂರು ಕೋಟಿ

 ನನ್ನನೇ ಮುಗಿಸಲೆಂದು ನಿಮ್ಮ ಪೋಟಿ

 ನನ್ನ ಪಣಕಿಟ್ಟಿಹಿರಿ ಇಂದು ಏಕೆ

 ಪಾಂಡವರಿಗಿಂತ ನೀಚರಾದಿರೇಕೆ......

 ಏಳಿ ಏಳಿ ಇನ್ನು ನೀವೆಲ್ಲ ಏಳಿ

 ಮಲಗುವ ಸಮಯವಿದಲ್ಲ ಕೇಳಿ......

ಗಲ್ಲಿ ಗಲ್ಲಿಗಳಲ್ಲಿ

 ಸಂದಿ ಗೊಂದಿಗಳಲ್ಲಿ