ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಇದೇನಪಾ ವಿಶ್ವಕನ್ನಡ ಸಮ್ಮೇಳನ ನಡೆದದ್ದು, ೨೦೦೮ ರ ಆಗಸ್ಟ್ ೨೯, ೩೦, ೩೧ ರಂದು. ಈಗ್ಯಾಕೆ ಈ ಸ್ಮರಣಸಂಚಿಕೆಯ ಪುರಾಣ, ಅಂತ ಅಂತೀರ, ನನಗ್ ಗೊತ್ತು. ಆದ್ರೆ, ಏನ್ಮಾಡೋದು. ಈ ಸಂಚಿಕೆ, ನನ್ನ ಕೈಗೆ ವಾಪಸ್ ಬಂದಿದ್ದು, ಮೊನ್ನೆ ಮೊನ್ನೆ. ಕೆಲವರು ತುಂಬಾ ಇಷ್ಟಪಟ್ರು. ಯಾಕೆ ಅಂತಾ ವಿಚಾರಿಸಿದಾಗ, ಅಬ್ಬ, ಅಮೆರಿಕದಲ್ಲಿ ಕನ್ನಡನ ಓದೋ ಜನ ಇದಾರಲ್ವ ? ಅಷ್ಟೆ ಅವರು ಮಾಡಿದ ಕಾಮೆಂಟ್ ! ಒಟ್ಟಿನಲ್ಲಿ ಅಮೆರಿಕ ಏನು ಮಾಡಿದರೂ ಅದು ಸುದ್ದಿಯಲ್ಲಿ ಬರದಿದ್ದರೆ ಹೇಗೆ ?

IRC - ಸಿಂಪಲ್ಲಾಗಿ ಹೇಳ್ಬೇಕಂದ್ರೆ ಅದು ಸಮುದಾಯ ತನ್ನ ಕೆಲವೊಂದು ವಿಷಯಗಳ ಚರ್ಚೆಗೆಂದೇ ರೂಪಿಸಿಕೊಂಡ ಚಾಟ್ ರೂಮ್ ಅನ್ನ ಬಹುದು. ಆದ್ರೆ ಇಲ್ಲಿ ಚಾಟ್ ರೂಮಿನಲ್ಲಿ ಸಮುದಾಯದ್ದೇ ಆದ ಕೆಲವು ನೀತಿ ನಿಯಮಗಳು, ಕಟ್ಟಳೆಗಳಿದ್ದು, ಭಾಗಿಗಳು ಬೇಡದ ವಿಷಯ ಪ್ರಸ್ತಾಪ ಮಾಡಿದಾಗ ಅವರನ್ನು ಹೊರದೂಡುವ ಮಾಡರೇಟರ್ಗಳೂ ಇರುತ್ತಾರೆ.

ಇದು ನಿಮ್ಮ ಜಿಟಾಕ್, ಯಾಹೂ ಚಾಟ್ ರೀತಿಯೇ ಕೆಲಸ ಮಾಡಿದ್ರೂ ಸ್ವಲ್ಪ ಭಿನ್ನತೆಗಳಿವೆ.
೧) ಇಲ್ಲಿ ನಿಮ್ಮ ಸಮುದಾಯದಲ್ಲಿ ಆನ್ಲೈನ್ ಇರುವ ಎಲ್ಲರಿಗೂ ನೀವು ಚಾಟ್ ರೂಮ್ ನಲ್ಲಿ ಕಳಿಸಿದ ಸಂದೇಶಗಳು ಕಾಣಿಸುತ್ತವೆ.
೨) ಯಾರಿಗಾದರೂ ಖಾಸಗಿ ಸಂದೇಶ ಕಳಿಸಬೇಕೆಂದರೆ ಅವರ ಹೆಸರಿನ ಮೇಲೆ ಕ್ಲಿಕ್ ಮಾಡಿ ಸಂದೇಶ ಕಳಿಸಬೇಕು.
೩) ನೀವು IRC ನಲ್ಲಿ ಮಾತಾಡಿದ್ದೆಲ್ಲಾ (ಖಾಸಗಿ ಸಂದೇಶಗಳನ್ನು ಹೊರತು ಪಡಿಸಿ) ಇಂಟರ್ನೆಟ್ನಲ್ಲಿ ಉಳಿದುಕೊಳ್ಳುತ್ತದೆ. ಮುಂದೆ ಯಾರಾದರೂ ನಾವು ಮಾತಾಡಿದ್ದ ವಿಷಯದ ಬಗ್ಗೆ ಸರ್ಚ್ ಮಾಡಿದಾಗ ನಮ್ಮ ಚಾಟ್ ಕಾಣಿಸಿಕೊಂಡಲ್ಲಿ ಆಶ್ಚರ್ಯವಿಲ್ಲ.
೪) ಇದು ಸಮುದಾಯದಲ್ಲಿನ ಕೆಲಸಗಳಲ್ಲಿ ನೀವು ಹೇಗೆ ಭಾಗಿಯಾಗಿದ್ದಿರಿ, ನಿಮ್ಮ ಕೊಡುಗೆಗಳೇನು ಅನ್ನೋದನ್ನು ಇತರರು ಅರ್ಥಮಾಡಿಕೊಳ್ಳಲು ಸಹಾಯ ಮಾಡುತ್ತದೆ.
೫) ಮಾತು ಹಳಿ ತಪ್ಪಿ ಎಲ್ಲಿಗೋ ಹೊರಟರೆ, ನಿಮ್ಮ ಹೆಸರಿನಲ್ಲಿ ಉಳಿದುಕೊಳ್ಳುವ ಲಾಗ್ ನಿಮಗೆ ತೊಂದರೆಯಾದರೂ ಆಗಬಹುದು.

ಕರಾವಳಿಯ ಪ್ರಸಿದ್ಧ ಗಣಪತಿ ದೇವಸ್ಥಾನಗಳಲ್ಲಿ ಒಂದಾದ ಹಟ್ಟಿಯಂಗಡಿ ಗಣಪತಿ ದೇವಸ್ಥಾನವು ಉಡುಪಿ ಜಿಲ್ಲೆ ಕುಂದಾಪುರ ತಾಲೂಕಿನಲ್ಲಿದೆ. ಕುಂದಾಪುರದಿಂದ ಸುಮಾರು ೮ ಕಿ.ಮೀ ದೂರದಲ್ಲಿರುವ ನಿಸರ್ಗ ರಮಣೀಯ ಕ್ಷೇತ್ರವಿದು. ಹಟ್ಟಿಯಂಗಡಿ ಒಂದು ಸಣ್ಣ ಹಳ್ಳಿ. ಇಲ್ಲಿ ಗಣಪನ ವಾಸ. ದೇವಸ್ಥಾನ ಸಣ್ಣವಾಗಿ ಕಂಡರೂ ಬಹಳ ಪ್ರಸಿದ್ಧಿ ಪಡೆದಿದೆ. ಈ ದೇವಳದಲ್ಲಿ ನವಗ್ರಹ ಮಂದಿರ ಕೂಡ ಇದೆ. ಗರ್ಭಗುಡಿಯ ಸುತ್ತಲೂ ವಿವಿಧ ಭಂಗಿಯ ಗಣಪತಿ ಮೂರ್ತಿಗಳಿವೆ (ಊರ್ಧ್ವ, ಹೇರಂಬ, ನೃತ್ಯ ಮುಂತಾದವು).

ಹಿನ್ನೆಲೆ:
ಪಶ್ಚಿಮಾಭಿಮುಖವಾಗಿ ಹರಿಯುವ ವರಾಹಿ ನದಿ ಉತ್ತರ ದಂಡೆಯ ಮೇಲೆ ಇರುವ ಪುಟ್ಟ ಗ್ರಾಮ ಹಟ್ಟಿಯಂಗಡಿ. ಸುಮಾರು ಎರಡು ಸಾವಿರಕ್ಕೂ ಅಧಿಕ ವರ್ಷಗಳ ಇತಿಹಾಸ. ’ಹಟ್ಟಿಯಂಗಡಿ’ ಎಂಬ ಹೆಸರಿನ ಗ್ರಾಮಕ್ಕೆ ಹಿಂದೆ ’ಪಟ್ಟಿ-ಪಟ್ಟಿಯ’ನಗರ ಎಂಬ ಹೆಸರಿತ್ತು. ಇದಕ್ಕೆ ಶಾಸನಾಧಾರಗಳಿವೆ. ತುಳುನಾಡು ಆಳಿದ ಪ್ರಪ್ರಥಮ ರಾಜವಂಶದ ಆಳುಪ ರಾಜರ ಹೆಸರಿನಲ್ಲಿ ’ಪಟ್ಟಿ’ ಪ್ರಮುಖವಾಗಿ ಕಾಣಿಸಿಕೊಂಡಿದೆ. ಪಟ್ಟಿ ಅಥವಾ ಹಟ್ಟಿ ಎಂದರೆ ಒಂದು ಕಿರುಗ್ರಾಮ, ಒಂದು ಗುಂಪಿನವರು ವಾಸಿಸುವ ಸ್ಥಳ, ಮನೆ, ಬೀಡು ಎಂಬಿತ್ಯಾದಿ ಅರ್ಥಗಳು ಇವೆ. ಹಟ್ಟಿಯಂಗಡಿಯಲ್ಲೇ ಎರಡು ಪ್ರಾಚೀನವಾದ ಗಣಪತಿ ವಿಗ್ರಹಗಳಿವೆ. ಒಂದು ಲೋಕನಾಥೇಶ್ವರ ದೇವಸ್ಥಾನದಲ್ಲಿ (ಈ ಕ್ಷೇತ್ರಕ್ಕೆ ಭೇಟಿ ನೀಡಲು ಸಾಧ್ಯವಾಗಲಿಲ್ಲ) ಮತ್ತೊಂದು ಸಿದ್ಧಿವಿನಾಯಕ ದೇವಸ್ಥಾನದಲ್ಲಿದೆ.