ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ತೇಜಸ್ವಿ ಮೌನದ ಬಗ್ಗೆ ನಮ್ಮ ಪೊಸೆಸಿವ್ ಚಳವಳಿಗಾರರ ಮನಸ್ಸಿನಲ್ಲಿ ಒಂದು ರೀತಿಯ ಸಿಟ್ಟಿದೆ. ತೇಜಸ್ವಿಯವರು ಮಾತಾಡಬೇಕಾದ ಸಮಯದಲ್ಲಿ ಮಾತಾಡ್ತಾ ಇರಲಿಲ್ಲ. ಯಾವುದೋ ಒಂದು ಚಳುವಳಿ ಸಂದರ್ಭದಲ್ಲಿ ಇವರು ಯಾವುದೋ ಮೀನಿಗೆ ಗಾಳ ಹಾಕ್ತಾ ಇದಾರೆ, ಯಾವುದೋ ಹಕ್ಕಿಯ ಚಿತ್ರಕ್ಕಾಗಿ ಕಾಯ್ತಾ ಕೂತಿದ್ದಾರೆ ಅಂತ. ಇದನ್ನು ನಾನು ಅವರ ಸಂದರ್ಶನ ಮಾಡುವಾಗ ಕೇಳಿದೆ. ‘ಇದೇನಪ್ಪ ಇದು ಈ ಮೌನ’ ಅಂತ. ಅವರಂದ್ರು ‘ಮೌನವೇ ಒಂದು ಭಾಷೆ. ಮೌನವೇ ಒಂದು ಉತ್ತರ.’
ನಾನು ಅವರಿಗೆ ಆಪ್ತನಾಗಿ ಅವರನ್ನ ಅರ್ಥ ಮಾಡಿಕೊಳ್ಳುವ ಒಂದು ಪ್ರಯತ್ನ ಏನಂದ್ರೆ; ಅವರಿಗೆ ಕಳೆದ ೧೫ ವರ್ಷಗಳಲ್ಲಿ ಎಲ್ಲಾ ಚಳುವಳಿಗಳಲ್ಲೂ, ಸಿದ್ಧಾಂತಗಳಲ್ಲೂ ಆವೇಶ ಇತ್ತು, ಆದ್ರೆ ಸಿದ್ಧಾಂತಿಗಳಲ್ಲಿ, ಚಳವಳಿಗಾರರಲ್ಲಿ ನಂಬಿಕೆ ಹೊರಟೋಗ್ಬಿಟ್ಟಿತ್ತು. ಈಗ ಭ್ರಷ್ಟರಾದಂತ, ಪ್ರಚಾರಕ್ಕೆ ಹಾತೊರೆಯುವಂತ, ಮಾಧ್ಯಮಗಳಲ್ಲಿ ಮಿಂಚಬೇಕೂ ಅಂತ ನೋಡುವವರನ್ನ ಅಥವಾ ಜಾತಿ, ಹಣ ಅಂತ ರಾಜಕಾರಣ ಮಾಡುವ ಮುಂದಾಳುಗಳ ಬಗ್ಗೆ ಅವರಿಗೆ ಮುಜುಗರ ಉಂಟಾಗಿಬಿಟ್ಟಿತ್ತು. ನಾನು ಆ ಸಿದ್ಧಾಂತವನ್ನ ಸಪೋರ್ಟ್ ಮಾಡಿದ್ರೆ ಆ ವ್ಯಕ್ತಿಗಳನ್ನ ಸಪೋರ್ಟ್ ಮಾಡಿದ ಹಾಗಾಗುತ್ತೆ, ಒದು ವೇಳೆ ಮಾಡ್ದೇ ಇದ್ರೆ ಇವುಗಳಿಂದ ದೂರವಾಗೋ ಹಾಗಾಗುತ್ತೆ ಅಂತ ಭಾಳಾ ಪಜೀತಿನಲ್ಲಿ ಅವರಿದ್ರು.

ಪ್ರ:ಹೇ! ಗುರುವೇ
ತಿಳಿವೆನಗೆ ತಿಳಿಸಿರಿ
ಸುಳಿಯಾಯ್ತು ಮನವು
ಒಳಿತೆನಗೆ ಕರುಣಿಸಿ

ಉ:ಮಥಿಸು ನೀನು
ನಿನ್ನೊಳಗನು
ಕಾಣುವುದನು ತಿಳಿ
ತಿಳಿವುದನು ಕಾಣು

ಪ್ರ: ನಾನು,ನೀನು
ಅದು, ಇದು
ಬದುಕಿಹೆವು ಹೇಗೆ?
ಉದರದೊಳಗನ್ನವೇ
ಶಕ್ತಿ , ಮತ್ತೆನ್ನರಿವೆಂಬೆ
ಅನ್ನವು ದೇಹಕೆ ಶಕ್ತಿ ಮಾತ್ರ,
ಇದು ಅರಿವಲ್ಲವೈ
ಸುಳಿಯಾಯ್ತು ಮನವು
ಒಳಿತೆನಗೆ ಕರುಣಿಸಿ

ಸಂಪದಿಗರೆ ಈ ಹಾಡನ್ನು ಭೀಮ್ಸೇನ್ ಜೋಶಿ ಯವರ ಭಾಗ್ಯದ ಲಕ್ಶ್ಮಿ ಬಾರಮ್ಮಾ ಧಾಟಿಯಲ್ಲಿ ಹಾಡಿಕೊಳ್ಳಿ..................

ಪಕ್ಕದ್ ಮನೆ ಹುಡುಗಿ ಬಾರಮ್ಮ...
ನಮ್ಮಮ್ಮಾ ಇಲ್ಲಾ..
ಪಕ್ಕದ್ ಮನೆ ಹುಡುಗಿ ಬಾರಮ್ಮ...  [ಪ]

ಧರಣಿ ಮಂಡಲ ಮಧ್ಯದೊಳಗೆ
ಮೆರೆಯುವುದೈವತ್ತಾರು ದೇಶದಿ
ಇರುವ ಕಾಳಿಂಗನೆಂಬ ಗೊಲ್ಲನು
ಪರಿಯ ನಾನೆಂತು ಪೇಳ್ವೆನು.

ಗಿರಿಗಳೆಡೆಯಲಿ ಅಡವಿ ನಡುವೆ
ತುರುವ ದೊಡ್ಡಿಯ ಮಾಡಿಕೋಂಡು
ಮೆರೆವ ಕಾಳಿಂಗನೆಂಬ ಗೊಲ್ಲನ
ಸಿರಿಯ ನಾನೆಂತು ಪೇಳ್ವೆನು.

ಗೊಲ್ಲದೊಡ್ಡಿಯೊಳಿರುವ ಹಸುಗಳು
ಎಲ್ಲ ಬೆಟ್ಟದ ಮೇಲೆ ಮೇಯುತ
ಹುಲ್ಲನೊಳ್ಳೆಯ ನೀರ ಕುಡಿಯುತ
ಅಲ್ಲಿ ಮೆರೆದುವರಣ್ಯದಿ.

ನಾನು ಒಂದು ಸಣ್ಣ ಖಾಸಗಿ ಸಂಸ್ಥೆಯಲ್ಲಿ ಕೆಲಸ ಮಾಡುತ್ತಿದ್ದೇನೆ. ಮಧ್ಯಾಹ್ನದ ಊಟದ ಸಮಯ ೧ ಗಂಟೆಯಿಂದ ೨ ಗಂಟೆಯವರೆಗೆ. ಊಟ ಮುಗಿಸಿ ಒಂದು ಸಣ್ಣ ವಾಕ್ ಮಾಡುವ ಅಭ್ಯಾಸ. ವೈಯಕ್ತಿಕ ಕೆಲಸ ಏನಾದರೂ ಇತ್ತೆಂದರೆ ಅದನ್ನು ಬೇಗ ಮುಗಿಸಿ ಕೆಲಸಕ್ಕೆ ಹಾಜರ್. ನಿನ್ನೆ ಹೀಗೆ ವೈಯಕ್ತಿಕ ಕೆಲಸ ಇತ್ತೆಂದು ಹೋಗಿ ಕೆಲಸ ಮುಗಿಸಿ ವಾಪಸ್ ಕಚೇರಿಗೆ ತೆರಳುತ್ತಿದ್ದೆ.