ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಪ್ರಿಯ ಸ್ನೇಹಿತರೆ,

ನಮಸ್ಕಾರ,

ಹೆಜ್ಜೆಗೊಂದು ಹೂವರಳಿ
ಮಾತಿನಲ್ಲಿ ಗೀತ ತುಂಬಿ
ಕಂಗಳಲಿ ಚೆಲುವ ಸೂಸಿ
ಬಂದವಳು ನನ್ನೊಲವ ಸಖಿ

ಆಕಾಶದ ತಾರೆಯಲ್ಲ
ಮಿಣುಕಾಡುವ ಚುಕ್ಕಿಯಲ್ಲ
ನಗೆಚಂದ್ರಿಕೆಯ ಸುರಿಸಿ
ಬಂದವಳು ನನ್ನೊಲವ ಸಖಿ

ಸಾಗರನ ರತ್ನದಂತೆ
ಅಡಗಿರುವ ಮುತ್ತಂತೆ
ರೆಪ್ಪೆಯೊಳಗೆ ಸ್ಫಟಿಕ ಧರಿಸಿ
ಬಂದವಳು ನನ್ನೊಲವ ಸಖಿ

ಹುಸಿಗೋಪ
ಮುಗ್ಧನಗುವಿಗೆ
ಸಂಜೆರಂಗನು ಪೂಸಿ
ಬಂದವಳು ನನ್ನೊಲವ ಸಖಿ

ಅಶ್ರುತರ್ಪಣ:

ಭಯೋತ್ಪಾದಕರ ಗುಂಡಿಗೆ ಬಲಿಯಾದ ಮುಂಬೈ ಪೋಲೀಸರಿಗೆ,

ಅಮಾಯಕರಿಗೆ.

ಇಲ್ಲಿತನಕ ೧೦೧ ಜನರ ಬಲಿ

೩೦೦ ಜನರಿಗೆ ಗಾಯ; ಬದುಕುಳಿಯುವವರೆಷ್ಟೋ, ಬಲಿಯಾಗುವವರೆಷ್ಟೋ;

ಏನೀ ಹುಚ್ಚಾಟ?

ಯಾರ ಸಿಟ್ಟಿಗೆ ಯಾರ ಬಲಿ?

ಇನ್ನಾದರೂ ಎಚ್ಚರ! ಎಚ್ಚರ! ಎಚ್ಚರ!!

ದೇಶದ  ಉಳಿವಿಗಾಗಿ ಸಂಪದಿಕರ ಕೊಡುಗೆ ಏನು?

ಹೋಮ ಧೂಮ
ನಿತ್ಯ ಸತ್ಯ
ಅಧ್ವರ್ಯುವಿಲ್ಲ
ಮಂತ್ರವಿಲ್ಲ ತಂತ್ರವಿಲ್ಲ
ನಡೆಯುತಿದೆ ನಿತ್ಯ
ತಲೆಗೊಂದರಂತೆ
ವಿಧಾತನಾರ್ಭಟಕೆ
ಭುಗಿಲೆದ್ದ ಅಗ್ನಿದೇವ
ತನ್ನದೇ ರಾಜ್ಯವೆಂಬಂತೆ
ಸುತ್ತುವರೆದ.
ಪ್ರಜೆ ದಿಕ್ಕಾಪಾಲು
ಆದರೂ ಅದರೊಳಗೆ
ನಡೆಯುತ್ತಾನೆ ಪ್ರಜೆ
ಧೂಪ ಧೂಮ
ತನ್ನದೇ ಎಂಬಂತೆ
ತನ್ನದೇ ಶೃಷ್ಟಿ
ಈ ಯಾಗ ಯಂತ್ರ
ಅದು ಅವನಿಗೂ ಗೊತ್ತು
ತನ್ನದೇ ಬಲೆಯೊಳಗೆ

ಹುಡುಗಿ ಒಳಗೇ ನಗುತ್ತಾಳೆ
ಪ್ರೀತಿ ಶುರುವಾಗಿ ವಾರವಿರಬಹುದು
ಅವನ ಪ್ರತಿ ಮಾತಿಗೂ
ಇವಳು ನಗುತ್ತಾಳೆ
ಮೊಬೈಲು ರಿಂಗಣಿಸಿದಾಗ
ಮಾತಿನ ಕಾಮನಬಿಲ್ಲು
ಗಂಟೆ ನಿಮಿಷಗಳ ಅರಿವಿಲ್ಲ
ಪ್ರೀತಿಯೆಂದರೆ ಇದೇ ಇರಬಹುದು
ನಾನೂ ನೋಡುತ್ತಲೇ ಇದ್ದೇನೆ
ಗಾಡಿ ಓಡಿಸುವಾಗಲೂ
ಮಾತಿಗೆ ಬಿಡುವಿಲ್ಲ
ಹೆಲ್ಮೆಟ್ ಒಳಗೆ ಮೌನ
ಮಾತು , ಹುಸಿಕೋಪ, ನಾಚಿಕೆ
ಎಲ್ಲಾ ಏನೇನಿಲ್ಲ ?