ಸಂಪದ ಪುಟಗಳು - ಲೇಖಕರ ಹೆಸರು ಅಥವಾ ಐಡಿ ಬಳಸಿ ಹುಡುಕಿ

ಸ್ನೇಹಿತರೆ ನನ್ನ ಹೊಸ ಆಫೀಸ್‌ನಲ್ಲಿ ಏನು ಮಾಡಿದರೂ ಸಂಪದ ಓಪನ್‌ ಆಗ್ತಾ ಇಲ್ಲ. ಹೊರಗಡೆ ಬಂದು ಬರೆಯಲು ನನಗೆ ಪುರುಸೊತ್ತು ಇಲ್ಲ. ಹಾಗೇನೆ ಎಲ್ಲರಿಗೂ ಬೇಸಿಗೆ ರಜೆ ಇದೆ ನಂಗೆ ಇಲ್ವಾ ಅಂತಾ ಬ್ಲಾಗ್ ಕೂಡಾ ರಗಳೆ ಮಾಡುತಿತ್ತು. ಇವೆಲ್ಲದರ ಪರಿಣಾಮವಾಗಿ ನಾನು ಈ ಬ್ಲಾಗಿಗೆ ಒಂದಿಷ್ಟು ದಿನ ರಜೆ ಘೋಷಿಸಿದ್ದೇನೆ. ಇಷ್ಟು ದಿನದ ನಿಮ್ಮ ಪ್ರೋತ್ಸಾಹಕ್ಕೆ ಧನ್ಯವಾದಗಳು.

ಗ್ನು/ಲಿನಕ್ಸ್ ಹಬ್ಬಕ್ಕೆ ಇಗ ತನ್ನದೇ ಆದ ಒಂದು ವೆಬ್ಸೈಟ್. ಭೇಟಿ ಕೊಡಿ:

http://habba.in

ಹೊಸ ವೆಬ್ಸೈಟು ಈ ರೀತಿಯ ಇನ್ನೂ ಹಲವು ಕಾರ್ಯಕ್ರಮಗಳಿಗೆ ನಾಂದಿ ಹಾಡಲಿ ಎಂಬ ಕನಸು ಹೊತ್ತು, ಈ ರೀತಿಯ ಕಾರ್ಯಕ್ರಮಗಳು ಕರ್ನಾಟಕದಲ್ಲಿ ಎಲ್ಲಿ ನಡೆದರೂ ಈ ವೆಬ್ಸೈಟಿನಲ್ಲಿ ಆ ಕಾರ್ಯಕ್ರಮಕ್ಕೆ ಅಂತರ್ಜಾಲದಲ್ಲಿ ಬೇಕಾಗುವ ಜಾಗವನ್ನೂ, ಚಟುವಟಿಕೆಗೆ ಬೇಕಾದ ಸರಕನ್ನೂ ಒದಗಿಸುತ್ತ ಹೋಗುವ ಉದ್ದೇಶದಿಂದ ಈ ಹೊಸ ತಾಣ ಪ್ರಾರಂಭಿಸಿದ್ದೇವೆ. ಸದುಪಯೋಗವಾಗಬಹುದೆಂಬ ಆಶೆ ನಮ್ಮದು.

ಇಲ್ಲಿಯವರೆಗೂ ವಾಲಂಟೀರ್ಸ್ ಸಂಖ್ಯೆ ಸುಮಾರು ೧೫, ಕಾರ್ಯಕ್ರಮಕ್ಕೆ ನೋಂದಾಯಿಸಿದವರ ಸಂಖ್ಯೆ ಸುಮಾರು ೧೧೦ಕ್ಕೂ ಹೆಚ್ಚು!

Photo: Kushal Das

"ಬಹಳ ಸೈಲೆಂಟ್ ಪ್ರೊಟೆಸ್ಟ್ ಕಣೋ. ತುಂಬಾ ಡಿಫರೆಂಟ್" - ಸ್ನೇಹಿತನೊಬ್ಬ ಫೋನಿನಲ್ಲಿ ತಿಳಿಸಿದ. ಪ್ರತಿಭಟನೆ ಎಂದರೆ ಧಿಕ್ಕಾರ ಕೂಗೋದು ಎಂದು ನೋಡುತ್ತ ಬೆಳೆದ ನಮಗೆ ಇದು ಆಚ್ಚರಿ ಹುಟ್ಟಿಸುವ ಹೊಸ ರೀತಿಯ ಪ್ರತಿಭಟನೆಯೇ ಸರಿ. ಬೆಂಗಳೂರಿನ ಇಂಜಿನೀಯರಿಂಗ್ ವಿದ್ಯಾರ್ಥಿಗಳು, ಸಾಫ್ಟ್ವೇರ್ ಇಂಜಿನೀಯರುಗಳು ಹಲವರು FSUG ಹಾಗೂ FCI ಬ್ಯಾನರ್ ಅಡಿ ಹಮ್ಮಿಕೊಂಡಿದ್ದ ಪ್ರತಿಭಟನೆ ಇದು.

ಹಲವು ದೋಷಗಳಿದ್ದೂ ಮೈಕ್ರೊಸಾಫ್ಟಿನ OOXML ನಿರ್ದಿಷ್ಟಮಾನವನ್ನು ಒಪ್ಪಿಕೊಂಡ ISO ಸಂಸ್ಥೆಯ ನಿರ್ಧಾರವನ್ನು ವಿರೋಧಿಸುವುದು, ನಮ್ಮ ದೇಶದಲ್ಲೊಂದು ಈ ಕುರಿತ ಪಾಲಿಸಿ ಹೊರತರಬೇಕು ಎಂದು ಗಮನ ಸೆಳೆಯುವುದು - ಈ ಪ್ರತಿಭಟನೆಯ ಉದ್ದೇಶವಾಗಿತ್ತು.

ದಿ ಹಿಂದೂ ಪತ್ರಿಕೆಯಲ್ಲಿ ಈ ಕಾರ್ಯಕ್ರಮದ ಕುರಿತು ಹೀಗೆ ವರದಿಯಾಗಿದೆ:

Holding placards which demand Document Freedom and ask for a national policy on this issue, the protesters label the recent document standard called OOXML — which was adopted by the International Standardisation Organisation on April 2 — a “banana standard.”

(ಪೂರ್ಣ ಲೇಖನ ಇಲ್ಲಿದೆ.)

ಈ ಕಾರ್ಯಕ್ರಮ ಆಯೋಜಿಸಿದ ತಂಡಕ್ಕೆ ಅಭಿನಂದನೆಗಳು.

ಒಂದಷ್ಟು ವರುಷ ಗೂಗಲ್ ನಲ್ಲಿ "Kannada" ಎಂದು ಹುಡುಕಿದವರಿಗೆ ಮೊದಲು ಸಿಗುತ್ತಿದ್ದದ್ದು ಕನ್ನಡ ಪ್ರಭ. ಒಂದು ಕಾಲದಲ್ಲಿ ಕನ್ನಡ ಸುದ್ದಿಗೆ ಮೊದಲು ಓದುಗರು ನುಗ್ಗುತ್ತಿದ್ದುದು ಅಂತರ್ಜಾಲದಲ್ಲಿ ಇಲ್ಲಿಗೇ. ಈಗೀಗ ಇ-ಪೇಪರ್ ಗಳು ಬಂದು, ಇತರ ವೆಬ್ಸೈಟುಗಳೂ ಸುದ್ದಿ ಹಾಕಲು ಪ್ರಾರಂಭಿಸಿದ ಮೇಲೆ ಗಮನ ಬೇರೆಡೆಯೂ ಹರಿದಿದೆ.

ವಿಜಯ ಕರ್ನಾಟಕ ತನ್ನ ಇ-ಪೇಪರ್ ಗೆ direct access ಕೊಟ್ಟು ಓದುಗರನ್ನು ಹಿಡಿದಿಟ್ಟುಕೊಂಡಂತಿದೆ. ಪ್ರಜಾವಾಣಿಯವರು ಇ-ಪೇಪರ್ ಕೊಟ್ಟದ್ದೇನೋ ನಿಜ, ಆದರದನ್ನು ಓದುವುದಕ್ಕೆ ತೊಡಕು, ತೊಂದರೆಯಾಗುವಂತೆ ಮಾಡಿಟ್ಟು ಓದುಗರನ್ನು ಕಳಕೊಂಡಿರುವಂತಿದೆ (ತಮಾಷೆಯೆಂದರೆ ವಿ.ಕ ಮತ್ತು ಪ್ರಜಾವಾಣಿ - ಇವೆರಡರ ಇ-ಪೇಪರ್ ಸವಲತ್ತನ್ನು ಒಂದೇ ಕಂಪೆನಿ ರೆಡಿ ಮಾಡಿರುವುದು. ಬಳಸಲಾಗುತ್ತಿರುವ ತಂತ್ರಾಂಶದ ಆವೃತ್ತಿ ಮಾತ್ರ ಬೇರೆ ಇರುವಂತಿದೆ. ಇತ್ತೀಚೆಗೆ ವಿ.ಕ ಇ-ಪೇಪರ್ ಸುಮಾರು ಹೊತ್ತು ಡೌನ್ ಆಗಿರೋದುಂಟು ಕೂಡ.)
ಕನ್ನಡ ಪ್ರಭದ ಇ-ಪೇಪರ್ manual uploadಉ. ವಿ.ಕ ಅಥವ ಪ್ರಜಾವಾಣಿಯ ಇ-ಪೇಪರ್ ಆವೃತ್ತಿಗಳಲ್ಲಿ ಸಿಗುವ ಸವಲತ್ತುಗಳು (features) ಇದರಲ್ಲಿಲ್ಲ.

ಇತ್ತೀಚೆಗಷ್ಟೆ ಕನ್ನಡಪ್ರಭದ look and feel ಬದಲಾದಂತಿದೆ. ಹೊಸ ಲುಕ್ ಹೊರನೋಟಕ್ಕೆ ಬಹಳ ಚೆನ್ನಾಗಿದೆ. ಹಿಂದಿನದ್ದಕ್ಕಿಂತ ಹೆಚ್ಚು usable ಆಗಿದೆ.
ಆದರೆ ಹಿಂದಿನಂತೆ ಯೂನಿಕೋಡ್ ಅಲ್ಲದ ಫಾಂಟುಗಳೇ ಉಳಿದು ಹೊಸ ಮೆರುಗು ಕ್ಷೀಣವಾದಂತಿದೆ.